ត្រៀមរៀបចំពិធីបុណ្យសមុទ្រ លើកទី៩ ជុំទី៣ និងមហាសន្និបាតក្លឹបឆ្នេរសមុទ្រ ថ្ងៃទី៩ដល់១៤ធ្នូ ខាងមុខ
ខេត្តព្រះសីហនុ ៖ លោក គួច ចំរើន អភិបាល នៃគណៈអភិបាលខេត្តព្រះសីហនុ នារសៀលថ្ងៃទី៦ ខែធ្នូ ឆ្នាំ២០២២…
ខេត្តព្រះសីហនុ ៖ លោក គួច ចំរើន អភិបាល នៃគណៈអភិបាលខេត្តព្រះសីហនុ នារសៀលថ្ងៃទី៦ ខែធ្នូ ឆ្នាំ២០២២…
ខេត្តព្រះសីហនុ ៖ លោក គួច ចំរើន អភិបាល នៃគណៈអភិបាលខេត្តព្រះសីហនុ នារសៀលថ្ងៃទី៦ ខែធ្នូ ឆ្នាំ២០២២ បានដឹកនាំមន្ត្រី នៃមន្ទីរអង្គភាពជំនាញ ចុះពិនិត្យមើលការរៀបចំ កែលម្អ សោភ័ណភាព និងបរិស្ថាន ត្រៀមរៀបចំ ពិធីបុណ្យសមុទ្រ លើកទី៩ ជុំទី៣ និងមហាសន្និបាតក្លឹបឆ្នេរសមុទ្រ ដែលស្អាតជាងគេលើសកលលោក ឆ្នាំ២០២២ នៅខេត្តព្រះសីហនុ ។
ក្នុងឱកាសនោះលោក គួច ចំរើន អភិបាលខេត្តព្រះសីហនុ ក៏បានធ្វើការណែនាំឲ្យក្រុមការងារដំឡើងក្លោងទ្វារបុណ្យសមុទ្រ ត្រូវធ្វើយ៉ាងណា ឲ្យមានភាពទាក់ទាញល្អស្អាត និងការតំឡើងស្តង់ពិព័រណ៍ ចំនួនជាង៣០០ស្តង់ នៅទីលានតេជោ ស្ថិតនៅសង្កាត់លេខ៣ ក្រុងព្រះសីហនុ រួចបន្តទៅពិនិត្យសកម្មភាពការឈូសឆាយ សម្អាតឆ្នេរខ្សាច់កម្សាន្ត នៅឆ្នេរអូរឈើទាល ពិនិត្យអាងប្រព្រឹត្តកម្មទឹកកខ្វក់ នៅអូរឈើទាល ក្នុងទឹកដីភូមិសាស្ត្រក្រុងព្រះសីហនុ ។
បន្ទាប់មក លោកអភិបាលខេត្ត ក៏បានបន្តដំណើរទៅពិនិត្យទីតាំងរង្វង់មូលព្រះថោងនាងនាគ នៅឃុំបិតត្រាំង និងរង្វង់មូលព្រះបដិមា ឧមាមហេស្វរ នៅឃុំរាម ស្រុកព្រៃនប់ ខេត្តព្រះសីហនុ ដើម្បីអបអរសាទរឆ្ពោះទៅបុណ្យសមុទ្រ លើកទី៩ ជុំទី៣ និងមហាសន្និបាតក្លឹបឆ្នេរសមុទ្រ ដែលស្អាតជាងគេលើសកលលោក ឆ្នាំ២០២២ នៅខេត្តព្រះសីហនុ ដែលនឹងប្រព្រឹត្តទៅចាប់ពី ថ្ងៃទី៩ ដល់ថ្ងៃទី១៤ ខែធ្នូ ឆ្នាំ២០២២ ខាងមុខ ៕
ចែករំលែកព័តមាននេះ