តើសើមៗ និងរមាស់គូទជាព្រូន ឬឫសដូងបាត ?
ស្ត្រីវ័យកណ្តាលម្នាក់រស់នៅខេត្តបន្ទាយមានជ័យ ប្រាប់កោះសន្តិភាពកាលពីពេល ថ្មីៗកន្លងមកថា គាត់មិនដឹងកើតឫសដូងបាតទេ ។មានថ្ងៃមួយគាត់ធ្លាក់ឈាមតាមបាត តែក្រោយមកបាត់ទៅវិញ ។ បន្ទាប់មក
ស្ត្រីវ័យកណ្តាលម្នាក់រស់នៅខេត្តបន្ទាយមានជ័យ ប្រាប់កោះសន្តិភាពកាលពីពេល ថ្មីៗកន្លងមកថា គាត់មិនដឹងកើតឫសដូងបាតទេ ។មានថ្ងៃមួយគាត់ធ្លាក់ឈាមតាមបាត តែក្រោយមកបាត់ទៅវិញ ។ បន្ទាប់មកគាត់ស្រាប់តែមានអារម្មណ៍ថាគូទសើម តិចៗ ហើយរមាស់ថែមទៀតផង។ ពីមួយថ្ងៃទៅមួយថ្ងៃចេះតែមាស់ ខ្លាំងឡើងៗ ហើយយល់ថា អាចមានពពួកសត្វល្អិត(អៀន) ដូច្នេះក៏ទិញថ្នាំបញ្ចុះ ។នៅពេលប្រើប្រាស់ថ្នាំបញ្ចុះហើយនៅតែមានអារម្មណ៍ដដែល ក៏ទៅទិញសាប៊ូអនាម័យស្ត្រីលាងសំអាតនៅតែមិនបាត់ទៀត ។
ពេលគាត់បត់ជើងធំ មានការឈឺចាប់ខ្លាំង ។លុះកន្លះខែក្រោយមកស្រាប់តែមានអារម្មណ៍ដូចជាមានសាច់មួយដុំធ្លាក់ចេញមកខាងក្រៅនៅពេលបន្ទោបង់ ម្តងៗ ។ ដោយភ័យខ្លាចគាត់ក៏ទៅជួបគ្រូពេទ្យ ហើយលទ្ធផលបញ្ជាក់ថាគាត់កើតជំងឺឫសដូងបាត ។
បើតាមកាអះអាងរបស់លោកវេជ្ជបណ្ឌិតអ៊ុង ចក្រាវុធ ប្រធានផ្នែកជំងឺថ្លើម ក្រពះ ពោះវៀន និងជំងឺឫសដូងបាត នៃមន្ទីរពេទ្យកាល់ម៉ែត ថា ជំងឺឫសដូងបាតមិនមានរោគសញ្ញាប្រាប់ឱ្យដឹងមុនទេ ជាទូទៅនៅពេលដែលវាកើតហើយទើបលេចចេញនូវរោគសញ្ញា ដោយសញ្ញាទាំងនោះមានដូចជា ៖
-ពិបាកបត់ជើងធំ បត់ជើងក្រចេញបត់ជើងចេញ តិចៗ បត់ជើងញឹកតែមិនអស់ ។ ការពិបាកបត់ជើងនេះ មិនមែនសំដៅទៅលើលាមករឹងតែម្យ៉ាងទេ ជួនកាលលាមក ទន់ៗក៏ពិបាកដែរ ធ្វើឱ្យលោកអ្នកអង្គុយក្នុងបង្គន់យូរ ប្រឹងយូរ ដោយយល់ថាខ្លួនបន្ទោបង់មិនអស់ ។ ការអង្គុយប្រឹងយូរនេះអាចធ្វើឱ្យសរសៃឈាមរីកធំ និងយារធ្លាក់មក ។
-បត់ជើងមានឈាមម្តងម្កាល ឬឈាមរាល់ថ្ងៃ ។ ឈាមនេះច្រើនតែធ្លាក់នៅក្រោយលាមក ដែលឈាមនេះអាចស្រក់តក់ ឬធ្លាក់ចុះមកដូចជាគេអារកមាន់ ។
-ឈឺអួលពេលបត់ជើង ។ សើម រមាស់ដូចអៀនរុកគូទ និងមានធ្លាក់សាច់ចេញមកក្រោយពេលបន្ទោបង់លាមក ដែលជួនកាលនៅពេលលោកអ្នកយកដៃទៅស្ទាប គឺប៉ះសាច់ទាំងនោះ ដែលពេលខ្លះត្រូវយកដៃរុញចូលទើបវាចូលទៅវិញ ខ្លះមិនបាច់យករុញគ្រាន់តែងើបឈរក៏ចូលវិញដែរ ជួនកាលពេលរុញចូលវិញ សាច់នោះមិនចូលវិញទេ ដោយសារតែវាមានទំហំធំ ។
ទាំងនេះគ្រាន់តែជាសញ្ញាមួយចំនួនប៉ុណ្ណោះអ្វីដែលសំខាន់នោះ គឺមានតែការធ្វើរោគវិនិច្ឆ័យរបស់គ្រូពេទ្យប៉ុណ្ណោះទើបដឹងច្បាស់ ។
គ្រោះថ្នាក់នៃជំងឺឫសដូងបាត លោកអ្នកដែលមានអាការហូរឈាមចេញតាមទ្វារធំ ឬក៏មានដុំសាច់ធ្លាក់ចេញក្រៅតាមទ្វារធំ គឺជាអាការនៃជំងឺឫសដូងបាត ។ ជំងឺឫសដូងបាតអាចបណ្តាលឱ្យមានគ្រោះថ្នាក់ធំបំផុតនោះ គឺនៅពេលដែលមានឈាមធ្លាក់ច្រើនអាចធ្វើឱ្យអ្នកជំងឺដួលសន្លប់ដោយសារតែខ្វះឈាម ហើយបង្កឱ្យមានគ្រោះ ផ្សេងៗជាយថាហេតុ ៕
ចែករំលែកព័តមាននេះ