គណៈរដ្ឋមន្ត្រីម៉ាឡេស៊ីថ្មី ព្រមកាត់បន្ថយប្រាក់ខែ ដើម្បីជួយសម្រួលការលំបាកប្រជាជន
ម៉ាឡេស៊ី ៖ នាយករដ្ឋមន្ត្រីម៉ាឡេស៊ីថ្មី លោក Anwar Ibrahim បានលើកឡើង បន្ទាប់ពីបានធ្វើជា
ម៉ាឡេស៊ី ៖ នាយករដ្ឋមន្ត្រីម៉ាឡេស៊ីថ្មី លោក Anwar Ibrahim បានលើកឡើង បន្ទាប់ពីបានធ្វើជា
ម៉ាឡេស៊ី ៖ នាយករដ្ឋមន្ត្រីម៉ាឡេស៊ីថ្មី លោក Anwar Ibrahim បានលើកឡើង បន្ទាប់ពីបានធ្វើជាប្រធានកិច្ចប្រជុំគណៈរដ្ឋមន្ត្រីជាលើកដំបូង កាលពីថ្ងៃទី០៥ ខែធ្នូ កន្លងទៅ ថា គណៈរដ្ឋមន្ត្រីរបស់លោក ក្នុងរដ្ឋាភិបាលរួបរួមរបស់ម៉ាឡេស៊ី បានយល់ព្រមកាត់បន្ថយប្រាក់ខែ ២០% ជាប្រចាំខែរបស់ពួកគេ ចំពេលដែលប្រជាជនកំពុងប្រឈមនឹងការលំបាក។ នេះបើយោងតាមប្រភពពីទីភ្នាក់ងារសារព័ត៌មាន CNA បានចេញផ្សាយ។ គួររំលឹកថា មេដឹកនាំបក្សប្រឆាំងម៉ាឡេស៊ី ត្រូវបានតែងតាំងជានាយករដ្ឋមន្ត្រីថ្មី ក្រោយជាប់គាំងអស់៥ថ្ងៃ
លោក Anwar បានថ្លែងប្រាប់សន្និសីទសារព័ត៌មាន នៅឯការិយាល័យនាយករដ្ឋមន្ត្រីថា «គណៈរដ្ឋមន្ត្រីរបស់លោក បានយល់ព្រមកាត់បន្ថយប្រាក់ខែ ២០% ជាប្រចាំខែរបស់ពួកគេ ព្រោះតែការព្រួយបារម្ភចំពោះបញ្ហា ដែលប្រជាជនកំពុងប្រឈមមុខ។ ការកាត់បន្ថយប្រាក់ខែនេះ នឹងបន្តរហូតដល់សេដ្ឋកិច្ចប្រទេសងើបឡើងវិញ ហើយប្រសិនបើសេដ្ឋកិច្ចងើបឡើងក្នុងរយៈពេល៣ឆ្នាំ នោះយើងនឹងពិនិត្យមើលរឿងនេះឡើងវិញ»។
«ការកាត់បន្ថយប្រាក់ខែ គឺជារឿងមិនសមស្របនោះទេ ប៉ុន្តែខ្ញុំពិតជាអរគុណពួកគេ ចំពោះឆន្ទៈលះបង់បន្តិចបន្តួចនេះ។ មានអ្នកខ្លះនិយាយថា Anwar មិនយកប្រាក់ខែនាយករដ្ឋមន្ត្រីទេ គាត់នឹងយកប្រាក់ខែរដ្ឋមន្ត្រីហិរញ្ញវត្ថុ។ នោះជារឿងមិនពិត ព្រោះខ្ញុំមានប្រាក់ខែតែមួយប៉ុណ្ណោះ»។ នេះជាការលើកឡើងរបស់លោក Anwar ដែលកាន់តំណែងនាយករដ្ឋមន្ត្រីផង និងរដ្ឋមន្ត្រីហិរញ្ញវត្ថុផងនោះ ដែលត្រូវបានអមដោយឧបនាយករដ្ឋមន្ត្រី លោក Ahmad Zahid Hamidi និងលោក Fadillah Yusof ព្រមទាំងប្រធានលេខាធិការរដ្ឋាភិបាល លោក Mohd Zuki Ali អំឡុងពេលសន្និសីទកាសែតនៅការិយាល័យនាយករដ្ឋមន្ត្រី។
អំឡុងពេលយុទ្ធនាការបោះឆ្នោតសកលនាពេលថ្មីៗនេះ លោក Anwar បានសន្យាថា នឹងលះបង់ប្រាក់បៀវត្សរ៍របស់គាត់ ដោយសាមគ្គីភាពជាមួយប្រជាជនម៉ាឡេស៊ី ដែលកំពុងជួបស្ថានភាពលំបាក។
គួរបញ្ជាក់ថា កាលពីថ្ងៃសុក្រសប្តាហ៍មុន លោក Anwar បានបង្ហាញមុខសមាសភាពរដ្ឋមន្ត្រីចំនួន ២៨នាក់ ដែលមានចំនួនតិចជាងរដ្ឋបាលអាណត្តិមុនៗ ហើយលោក Anwar ក៏ធ្លាប់បានបញ្ជាក់ពីចេតនារបស់លោក ក្នុងការកាត់បន្ថយសមាជិកមួយចំនួន ដោយលោកបាននិយាយថា លោកនឹងលុបចោលការតែងតាំងរដ្ឋមន្ត្រីខុទ្ទកាល័យជាទម្រង់ថែមទៀតផង។
គួររំលឹកថា គណៈរដ្ឋមន្ត្រី ដែលដឹកនាំកន្លងមក ដោយលោក Ismail Sabri Yaakob នាយករដ្ឋមន្ត្រីលើកទី៩ មានរដ្ឋមន្ត្រីចំនួន ៣១នាក់ និងតំណាងរាស្ត្រចំនួន ៣៨រូប។ ចំណែកឯអាណត្តិ លោក Muhyiddin Yassin ដែលជានាយករដ្ឋមន្ត្រីលើកទី៨ មានរដ្ឋមន្ត្រីចំនួន ៣២រូប និងតំណាងរាស្ត្រចំនួន ៣៨រូប។ ប៉ុន្តែទោះយ៉ាងណាក៏ដោយ បញ្ជីឈ្មោះអនុរដ្ឋមន្ត្រី សម្រាប់រដ្ឋាភិបាលចម្រុះរបស់លោក Anwar នៅមិនទាន់ត្រូវបានប្រកាសជាផ្លូវការនៅឡើយទេ៕
ចែករំលែកព័តមាននេះ