គួរឲ្យសង្វេគជីវិតម្ដាយកូន ស្លា.ប់ក្នុងគ្រោះថ្នាក់ចរាចរណ៍
ខេត្តកំពង់ចាម ៖ ម្តាយ និងកូនតូចម្នាក់បានបាត់បង់អាយុជីវិតបន្តគ្នា បន្ទាប់ពីមានហេតុការណ៍គ្រោះថ្នាក់ចរាចរណ៍ដ៏រន្ធត់ដែលបានកើតឡើងនៅវេលាម៉ោង១១និង៣០នាទីព្រឹក
ខេត្តកំពង់ចាម ៖ ម្តាយ និងកូនតូចម្នាក់បានបាត់បង់អាយុជីវិតបន្តគ្នា បន្ទាប់ពីមានហេតុការណ៍គ្រោះថ្នាក់ចរាចរណ៍ដ៏រន្ធត់ដែលបានកើតឡើងនៅវេលាម៉ោង១១និង៣០នាទីព្រឹក
ខេត្តកំពង់ចាម ៖ ម្តាយ និងកូនតូចម្នាក់បានបាត់បង់អាយុជីវិតបន្តគ្នា បន្ទាប់ពីមានហេតុការណ៍គ្រោះថ្នាក់ចរាចរណ៍ដ៏រន្ធត់ដែលបានកើតឡើងនៅវេលាម៉ោង១១និង៣០នាទីព្រឹក ថ្ងៃទី៣០ ឧសភា ២០១៧ ត្រង់ផ្លូវបំបែកជាបួន មុខមន្ទីរផែនការខេត្តក្នុងភូមិទី៧ សង្កាត់កំពង់ចាម ក្រុងកំពង់ចាម។ រវាងម៉ូតូម៉ាក់សេ១២៥ និងរថយន្តដឹកបរិក្ខាពេទ្យនោះ វត្ថុតាងត្រូវបានជំនាញនាំមករក្សាទុកនៅអធិការដ្ឋាននគរបាលក្រុងកំពង់ ចាម ដើម្បីដោះស្រាយតាមច្បាប់។
លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម ទទួលផែនសណ្តាប់ធ្នាប់ប្រាប់ឲ្យដឹងថា នៅពេលមុនកើតហេតុគេបានឃើញស្ត្រីឈ្មោះ កាន់ ស្រីហ៊ី អាយុ២១ឆ្នាំ ឌុបកូនប្រុសតូចម្នាក់អាយុ២ឆ្នាំ ចេញពីទិសខាងជើងមកត្បូងតាមផ្លូវក្រោយសាលាខេត្ត ដោយមិនបានពាក់មួកសុវត្ថិភាពនោះទេ ស្របពេលដែលមកដល់ត្រង់ចំណុចផ្លូវបំបែកជាបួន ក៏បានបុកជាមួយនឹងរថយន្តដឹកបរិក្ខាពេទ្យ១គ្រឿងពាក់ស្លាកលេខ (រដ្ឋ12.3.0020) របស់ក្រសួងសុខាភិបាល ដែលបានបើកបរដោយឈ្មោះ ឈុន លី ភេទប្រុស អាយុ៣៧ឆ្នាំ នៅភូមិសាមគ្គី៤ សង្កាត់ក្រសាំង ខណ្ឌពោធិសែនជ័យ រាជធានីភ្នំពេញ ដែលបានបើកចេញមកពីទិសដៅខាងលិចមកកើតនោះ។ លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម ប្រាប់បន្តថា ក្នុងពេលដែលម៉ូតូបានបុកជាមួយនឹងរថយន្តបណ្តាលឲ្យក្មេងប្រុសតូចនោះ បោកក្បាលត្រូវនឹងកង់រថយន្តបណ្តាលឲ្យស្លាប់ភ្លាមៗតែម្តង។
ចំណែកកស្ត្រីជាម្តាយវិញត្រូវបានកង់រថយន្តកិនដាច់សាច់ភ្លៅខាងស្តាំរបួសជាទម្ងន់ក្រោយពីពលរដ្ឋបានរាយការណ៍ជូនសមត្ថកិច្ច ភ្លាមៗនោះកម្លាំងរបស់លោកបានចុះទៅដល់ក៏ប្រញាប់ដឹកអ្នករងគ្រោះមកសង្គ្រោះនៅមន្ទីរពេទ្យ ហើយត្រូវបានសាច់ញាតិបញ្ជូនស្ត្រីនេះទៅសង្គ្រោះនៅប្រទេសវៀតណាម តែត្រូវបានស្លាប់នៅប្រទេសវៀតណាម នារសៀលថ្ងៃទី៣០ ឧសភាដដែលនេះ។ លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម បញ្ជាក់ថា វត្ថុតាងត្រូវបាននាំមករក្សាទុកនៅអធិការដ្ឋាននគរបាលក្រុងកំពង់ចាម ដើម្បីដោះស្រាយតាមច្បាប់ ក្រោយពីកើតហេតុអ្នកបើកបររថយន្តដឹកបរិក្ខាពេទ្យមិនបានរត់គេចទៅណាទេ គឺបានថែមទាំងឈប់ជួយដល់អ្នករងគ្រោះថែមទៀតផង៕
ចែករំលែកព័តមាននេះ