រាជធានីភ្នំពេញ ៖ ព្រឹកថ្ងៃទី៦ មេសា ឆ្នាំ២០១០ តុលាការរាជធានី បានបើកការប្រកាសសាលក្រមជំរះក្ដីលែងលះរបស់តារាចំរៀងល្បីឈ្មោះនាងម៉េង កែវពេជ្ជតា និងលោកឧត្ដមសេនីយ៍ទោ មួង ឃីម អនុប្រធាននាយកដ្ឋានកណ្ដាលនគរបាលយុត្ដិធម៌ ដែលបានប្ដឹងលែងលះគ្នាអស់រយៈពេលជិត២ខែកន្លងមក គឺមកដល់ថ្ងៃនេះ (ទី៦ មេសា) ដាច់ស្រេចហើយ ។មន្ដ្រីតុលាការកាលពីព្រឹកថ្ងៃទី៦ មេសា បានប្រកាសសាលក្រមថា អ្នកទាំងពីរ (ម៉េង កែវពេជ្ជតា និងមួង ឃីម) ត្រូវសំរេចផ្ដាច់មគ្គសង្វាសហើយ ចាប់ពីថ្ងៃនេះតទៅ បន្ទាប់ពីមានការប្ដឹងប្ដល់ និងសម្របសម្រួលមិនត្រូវរ៉ូវ ។ នៅក្នុងសវនដ្ឋានគេសង្កេតឃើញ នាងម៉េង កែវពេជ្ជតា ព្រមជាមួយញាតិមិត្ដបានបង្ហាញខ្លនស្ដាប់ការប្រកាសសាលក្រមចំណែកលោកមួង ឃីម មិនឃើញវត្ដមាននោះទេ ។សាលក្រមបានកំណត់ថា ផ្ទះវីឡាមួយនៅក្នុងភូមិឫស្សី ខណ្ឌមានជ័យ ត្រូវប្រគល់ទៅឱ្យលោកឧត្ដមសេនីយ៍ មួង ឃីម គ្រប់គ្រងចំណែកកូនទាំង២នាក់ត្រូវសំរេចឱ្យស្ថិតនៅក្រោមការចិញ្ចឹមគ្រប់គ្រងរបស់នាងម៉េង កែវពេជ្ជតា…នៅមានទ្រព្យសម្បត្ដិច្រើន ទៀតដែលតុលាការបានសំរេចចែកគ្នារវាងពីរនាក់ប្ដី-ប្រពន្ធបែកបាក់នេះ ។
ចែករំលែកព័តមាននេះ