រាជធានីភ្នំពេញ ៖ តារាចម្រៀងប្រុសដ៏មានប្រជាប្រិយភាពនាឆ្នាំ២០០០ លោក សេន រ៉ានុត បានបង្ហាញសំនៀងសារជាថ្មីម្ដងទៀត បន្ទាប់ពីផ្អាកពីវិស័យចម្រៀងជាង១០ឆ្នាំមកហើយ ធ្វើអោយអ្នកគាំទ្រចាប់អារម្មរណ៍នៅទឹកដមសម្លេងរបស់លោកជាខ្លាំង។
បន្ទាប់ពីស្ងប់ស្ងាត់ពីសិល្បៈជាង១០ ឆ្នាំ លោក សេន រ៉ានុត បានលើកយកបទចម្រៀងដ៏ល្បាញខ្ទង់ឆ្នាំ២០០០ មកច្រៀងឡើងវិញ ហើយទឹកដមសម្លេងនៅតែពីរោះ មិនចាញ់តារាប្រុសជំនាន់ក្រោយឡើយ។
ហើយអ្នកគាំទ្រលោក សេន រ៉ានុត តារាប្រុសដ៏លេចធ្លោនៅក្នុងផលិតកម្មរស្មីស្ទឹងសង្កែ រហូតមកដល់ពេលនេះ អ្នកខ្លះមានដល់ទៅចៅទៅហើយ ខណៈ idol ខ្លួន នៅតែក្មេងស្រស់សង្ហាដដែល ហើយបើនិយាយពីសម្លេងវិញនៅតែពីរោះ ផ្ទុះការកោតសរសើរយ៉ាងខ្លាំង ក្រោយពីលោកបានលើកយកបទចាស់មកបកស្រាយឡើងវិញ។
តារាចម្រៀងអំណោយផលពីធម្មតាជាតិ លោក សេន រ៉ានុត ដែលមានទឹកដមសម្លេងពីរោះ រូបសម្រស់ស្រស់សង្ហា ទទួលបានការគាំទ្រយ៉ាងខ្លាំងពីមហាជនទាំងក្នុង និងក្រៅប្រទេសនា ឆ្នាំ២០០០ រូបនេះ បានស្ងប់ស្ងាត់ពីវិស័យសិល្បៈចម្រៀងជាង១០ឆ្នាំ ដោយទៅរស់នៅសហរដ្ឋអាមេរិក និងធ្វើអោយអ្នកគាំទ្រនឹករលឹកដល់ស្នាមញញឹម និងទឹកដមសម្លេងរបស់លោកគ្រប់ៗគ្នា។
តារាចម្រៀងប្រុស វាសនាខ្ពស់មានឈ្មោះជាអណិកជន លោក សេន រ៉ានុត ហាក់ស្ងប់ស្ងាត់ មិនដែលចេញបទចម្រៀង ឬក៏បង្ហាញពីស្ថានភាពរស់នៅអ្វីឡើយ ជាពិសេសនៅលើបណ្ដាញសង្គម ប៉ុន្តែខណៈពេលថ្មីៗនេះ អ្នកគាំទ្ររបស់លោកមានការភ្ញាក់ផ្អើល និងរំភើបចិត្តជាខ្លាំង ក្រោយពីលោក សេន រ៉ានុត បានលើកយកបទចម្រៀងចាស់របស់លោក ដែលល្បីល្បាញ ខ្ទង់ឆ្នាំ២០០០ មកបកស្រាយឡើងវិញ ហើយឃើញថា ទឹកដមសម្លេងរបស់លោកនៅតែពីរោះរណ្ដំដដែល។ ចំណែកបទចម្រៀងដែលលោកបានបង្ហោះនោះ មានចំណងជើងថា «កំផែងវណ្ណៈ»។
បន្ទាប់ពីបានស្ដាប់ និងទស្សនា Video បទ «កំផែងវណ្ណៈ» រួចហើយ មហាជនសរសើរមិនដាច់ពីមាត់នៅទឹកដមសម្លេងរបស់លោក ពីរោះមិនប្រែ ពិសេសគឺរូបសម្រស់នៅតែស្រស់សង្ហា មិនចាញ់តារាប្រុសជំនាន់ក្រោយឡើយ បើទោះបីជាវ័យរបស់លោករាងជ្រេបន្តិចហើយក្ដី។ ចំណែកអ្នកគាំទ្រនៅតែបន្តស្ដាប់បទចម្រៀងចាស់ៗ ទស្សនា Video Karaoke ចម្រៀង និង ចងចាំស្នាមញញឹមដ៏ស្រស់ស្អាតរបស់លោក សេន រ៉ានុត ក្នុងបេះដូងជានិច្ច បើទោះជាពេលនេះ លោកស្ងប់ស្ងាត់មិនមានដំណឹងវិលត្រឡប់មកកាន់វិស័យសិល្បៈចម្រៀងវិញក្ដី។
មហាជនដែលជាអ្នកគាំទ្ររូបលោកជាច្រើនតែងតែ Comment និងលើកទ្បើងថា ពួកគាត់មិនត្រឹមតែចូលចិត្តបទចម្រៀងរបស់លោកតែប៉ុណ្ណោះទេ សូម្បីតែការតុបតែងខ្លួន style សក់ គឺសាកសមជាមួយនឹងរូបរាងដ៏សង្ហារបស់លោកតែម្តង តាំងតែពីស្គាល់រហូតមកដល់ពេលនេះ លោក សេន រ៉ានុត នៅតែក្មេងដដែល មិនចេះចាស់សោះ។ អ្នកគាំទ្ររូបលោក តែងតែសង្ឃឹមថា លោកនឹងត្រទ្បប់មកចូលសិល្បៈវិញជាមួយអ្វីដែលថ្មីប្លែក ព្រោះរាល់បទចម្រៀងរបស់លោកទាំងអស់សុទ្ធសឹងតែជាបទពីរោះៗ និងទទួលបានការគាំទ្រជាច្រើន ដូច្នេះបើសិនជាលោកត្រទ្បប់មកវិញ មហាជនដែលជា Fan របស់លោក និងនៅតែសន្យាបន្តគាំទ្ររូបលោក ព្រមទាំងផ្តល់កម្លាំងចិត្តអោយលោកក្នុងការវិលចូលវិថីសិល្បៈនេះម្តងទៀត។
ចែករំលែកព័តមាននេះ