ផលិតកម្មរថយន្តរបស់វៀតណាម កើនឡើងក្នុងកម្រិតខ្ពស់ បើធៀបនឹងឆ្នាំមុន
វៀតណាម ៖ យោងតាមការិយាល័យស្ថិតិទូទៅរបស់ប្រទេសវៀតណាម បានឱ្យដឹងថា វៀតណាមបាន
វៀតណាម ៖ យោងតាមការិយាល័យស្ថិតិទូទៅរបស់ប្រទេសវៀតណាម បានឱ្យដឹងថា វៀតណាមបាន
វៀតណាម ៖ យោងតាមការិយាល័យស្ថិតិទូទៅរបស់ប្រទេសវៀតណាម បានឱ្យដឹងថា វៀតណាមបានជាប់ចំណាត់ថ្នាក់លេខ៤ នៅអាស៊ីអាគ្នេយ៍ក្នុងការផលិតរថយន្តក្នុងរយៈពេល១០ខែដំបូង ដែលមានចំនួន ៣៦២,០០០គ្រឿង កើនឡើងរហូតដល់ ១៦.៤% បើប្រៀបធៀបនឹងឆ្នាំមុន។ នេះបើយោងតាមប្រភពពីសារព័ត៌មាន VnExpress ចេញផ្សាយនៅថ្ងៃទី០៥ ខែធ្នូ ឆ្នាំ២០២២។
យោងតាមសហព័ន្ធស្វ័យប្រវត្តិកម្មអាស៊ាន ដែលហៅកាត់ថា AAF បានបង្ហាញថា ប្រទេសថៃ បាននាំមុខគេក្នុងតំបន់ជាមួយនឹងចំនួនជិត ១.៦លានគ្រឿង ដែលផលិតនៅក្នុងរយៈពេលដូចគ្នា បន្ទាប់មកគឺប្រទេសឥណ្ឌូនេស៊ីចំនួន ១.២លានគ្រឿង និងប្រទេសម៉ាឡេស៊ីចំនួន ៥៦៧,៧០០គ្រឿង ។
ក្រុមហ៊ុនផលិតរថយន្តជាច្រើន បានបង្កើតរោងចក្រនៅក្នុងប្រទេសវៀតណាម នៅក្នុងប៉ុន្មានឆ្នាំថ្មីៗនេះ រួមមាន ក្រុមហ៊ុន Toyota, Honda, Ford, Kia និង Hyundai ខណៈដែលក្រុមហ៊ុនវៀតណាម VinFast ក៏កំពុងតែពង្រីកសក្តានុពលរបស់ខ្លួនផងដែរ ដោយផ្តោតលើទីផ្សាររថយន្តអគ្គិសនីលក្ខណៈពិភពលោក។
ដោយឡែក ម៉ាករថយន្តមួយចំនួនដូចជា Skoda របស់សាធារណរដ្ឋឆែក និង Chery របស់ចិន គ្រោងនឹងដំឡើងរថយន្ត នៅក្នុងប្រទេសវៀតណាម តាមរយៈដៃគូក្នុងស្រុកក្នុងរយៈពេល ១-២ ឆ្នាំខាងមុខទៀត ខណៈដែលប្រទេសវៀតណាមក៏បាននាំចូលរថយន្តពីប្រទេសថៃ និងឥណ្ឌូនេស៊ីផងដែរ។
ប្រទេសវៀតណាម ក៏បានជាប់ចំណាត់ថ្នាក់លេខ១ ក្នុងកំណើននៃការលក់រថយន្តពីមួយឆ្នាំទៅមួយឆ្នាំក្នុងរយៈពេល១០ខែដំបូង ដែលមានរហូតដល់ ៥២.២% បន្ទាប់មកប្រទេសម៉ាឡេស៊ីមាន ៥០.៧% ៕
ចែករំលែកព័តមាននេះ