Neymar បើកភ្នែកធំៗ ពេលឃើញការស៊ុតបញ្ចូលទី១គ្រាប់ដ៏អស្ចារ្យ នៅលីគទី២ កម្ពុជា (វីដេអូ)
បរទេស ៖ ខ្សែប្រយុទ្ធឆ្នើម Neymar បើកភ្នែកធំៗយ៉ាងភ្ញាក់ផ្អើលបំផុត នៅពេលបានទស្សនាគ្រាប់
បរទេស ៖ ខ្សែប្រយុទ្ធឆ្នើម Neymar បើកភ្នែកធំៗយ៉ាងភ្ញាក់ផ្អើលបំផុត នៅពេលបានទស្សនាគ្រាប់
បរទេស ៖ ខ្សែប្រយុទ្ធឆ្នើម Neymar បើកភ្នែកធំៗយ៉ាងភ្ញាក់ផ្អើលបំផុត នៅពេលបានទស្សនាគ្រាប់បាល់ស៊ុតបញ្ចូលទីដ៏អស្ចារ្យ១គ្រាប់ នៅក្នុងការប្រកួតបាល់ទាត់លីគលំដាប់ទី២ របស់កម្ពុជា (Cambodian League 2)។ គួររំលឹកថា ក្នុងថ្ងៃតែមួយ! កំពូលកីឡាករ២រូបស្រក់ទឹកភ្នែកនៅ World Cup 2022
នៅក្នុងវីដេអូមួយ ដែលត្រូវបានបង្ហោះនៅក្នុងគណនីយូធូបឈ្មោះថា «433» ដែលជាស្ថាប័នផ្សព្វផ្សាយព័ត៌មានកីឡាដ៏ល្បីល្បាញ បង្ហាញអំពីខ្សែប្រយុទ្ធក្រុមជម្រើសជាតិប្រេស៊ីល Neymar អង្គុយទស្សនាវីដេអូប្លែកអំពីបាល់ទាត់ ដែលទទួលបានការចាប់អារម្មណ៍បំផុត នៅជុំវិញពិភពលោក ហើយក្នុងចំណោមវីដេអូជាច្រើន ក៏មានវីដេអូបង្ហាញអំពី ការស៊ុតបញ្ចូលទីដ៏អស្ចារ្យរបស់កីឡាករ Bruno Krenkel នៃក្រុម Next Step FC នៅលីគលំដាប់ទី២ របស់កម្ពុជា។ ភ្លាមៗ នៅពេលបានឃើញការស៊ុតបញ្ចូលទីដ៏អស្ចារ្យនោះ Neymar ខ្សែប្រយុទ្ធឆ្នើមក្លិបអ្នកមានបារាំង PSG បានបើកភ្នែកធំៗ អង្គុយភ្លឹកមួយសន្ទុះធំតែម្តង។
គួររំលឹកថា ការស៊ុតបញ្ចូលទីដ៏អស្ចារ្យរបស់ខ្សែប្រយុទ្ធ Bruno Krenkel នៃក្រុម Next Step FC នៅលីគលំដាប់ទី២ កម្ពុជា មួយគ្រាប់នេះ បានល្បីដល់សារព័ត៌មានកីឡាបរទេសដ៏ល្បីមួយនៅលើពិភពលោក GiveMeSport ចុះផ្សាយ ដោយបានចាត់ទុកថា ជាបេក្ខភាពឈ្នះពានរង្វាន់ Puskas Award (គ្រាប់បាល់ល្អប្រចាំឆ្នាំ) នៅឆ្នាំនេះ ថែមទៀតផង។
យោងតាមសារព័ត៌មាន GiveMeSport ដែលមានមូលដ្ឋាននៅចក្រភពអង់គ្លេស បានបង្ហោះសំណេរដ៏គួរចាប់អារម្មណ៍មួយលើបណ្តាញសង្គមហ្វេសប៊ុកផ្លូវការរបស់ខ្លួន កាលពីថ្ងៃទី២០ ខែកក្កដា ឆ្នាំ២០២២ កន្លងទៅ យ៉ាងដូច្នេះថា «បញ្ឈប់ការរាប់ – យើងប្រហែលជាទើបតែបានឃើញអ្នកឈ្នះ Puskas នៅឆ្នាំនេះ»។
GiveMeSport ក៏បានធ្វើការចុះផ្សាយថា កីឡាករ Lionel Messi, Cristiano Ronaldo, Mohamed Salah និងកីឡាករជាច្រើនទៀត បានទាញការចាប់អារម្មណ៍ផ្តាច់មុខនៅលើប្រព័ន្ធផ្សព្វផ្សាយដ៏ល្បីល្បាញនៅទ្វីបអឺរ៉ុប។ ប៉ុន្តែឥឡូវនេះ កីឡាករ Bruno Krenkel នៃក្រុម Next Step FC បានទាក់ទាញចំណាប់អារម្មណ៍យ៉ាងឆាប់រហ័សនៅលើបណ្តាញសង្គម Twitter ដោយសារការចែករំលែកពីសំណាក់អ្នកគាំទ្រ តាមរយៈគ្រាប់បាល់ដ៏អស្ចារ្យរបស់គេ។
ដោយឡែក សម្រាប់ខ្សែប្រយុទ្ធ Neymar ដែលកំពុងបំពេញកាត្វកិច្ចជាមួយក្រុមជម្រើសជាតិសាំបា ប្រេស៊ីល បានក្លាយជាដំណឹងដ៏ល្អមួយ សម្រាប់អ្នកគាំទ្រ ដោយកាលពីថ្ងៃទី០៤ ខែធ្នូ កន្លងទៅ លោក Tite គ្រូបង្វឹកប្រេស៊ីលបានចេញមកបញ្ជាក់ថា Neymar ដែលមានបញ្ហារបួសហើមកជើងខាងឆ្វេង ទំនងជាអាចបង្ហាញខ្លួនក្នុងការប្រកួតទល់នឹងក្រុមខ្លាកំណាចអាស៊ី កូរ៉េខាងត្បូង នៅក្នុងការប្រកួត World Cup វគ្គ១៦ក្រុមចុងក្រោយ ដែលធ្វើឡើងនៅវេលាម៉ោង ០២:០០នាទីរំលងអាធ្រាត្រឈានចូលថ្ងៃទី០៦ ខែធ្នូ (ម៉ោងនៅកម្ពុជា) ប្រសិនបើការអនុវត្តស្តារសម្បទារបស់ប្រព្រឹត្តទៅបានយ៉ាងរលូន។(ដកស្រង់ចេញពី 433, GiveMeSport និង CNN)
ចែករំលែកព័តមាននេះ