អតីតបេក្ខភាពកម្មវិធី Beat The Best លោក អ៊ីម ថៃ ដែលបងប្អូនគ្រប់គ្នាតែងតែហៅលោកថា ជាតារាសម្លេងបាន ដោយតារាប្រុសរូបនេះ អាចបកស្រាយចម្រៀងនៅបទដែលតឹងៗ ជាពិសេសតារារូបស្រស់ លោក អ៊ីម ថៃ ក៏ជា
រាជធានីភ្នំពេញ ៖ អតីតបេក្ខភាពកម្មវិធី Beat The Best លោក អ៊ីម ថៃ ដែលបងប្អូនគ្រប់គ្នាតែងតែហៅលោកថា ជាតារាសម្លេងបាន ដោយតារាប្រុសរូបនេះ អាចបកស្រាយចម្រៀងនៅបទដែលតឹងៗ ជាពិសេសតារារូបស្រស់ លោក អ៊ីម ថៃ ក៏ជាបេក្ខភាពមួយរូប ដែលទទួលបានការកោតសរសើរ ក៏ដូចជាទទួលបានប្រជាប្រិយភាពពីគ្រប់មជ្ឈដ្ឋានផងដែរ។
ប៉ុន្តែកាលពីពេលថ្មីៗនេះ តារាចម្រៀងស្រស់សង្ហារូបនេះ បានជួបឧបទ្ទវហេតុមួយដ៏គួរអោយរន្ធត់ ប៉ុន្តែហេតុតែសំណាងល្អ ដោយអាចនិយាយបានថា ជួបគ្រោះហើយ បែរជាគេចផុតពីគ្រោះនោះ ដោយសារមូលហេតុនេះ។
តាមរយៈបទសម្ភាសន៍ជាមួយសារព័ត៌មានកោះសន្តិភាព តារាចម្រៀងលោក អ៊ីម ថៃ បានរៀបរាប់រឿងរ៉ាវកើតហេតុយ៉ាងដូច្នេះថា «នៅពេលដែលលោកបានចេញពីការប្រគំតន្ត្រី ដែលស្ថិតនៅស្រុកជុំគិរី នៃខេត្តកំពត លោកបានធ្វើដំណើរជាមួយក្រុមការងាររបស់លោក ដោយរថយន្តម៉ាកព្រុស ពណ៌ស ពាក់ស្លាកលេខ ភ្នំពេញ 2AL-1217 ដោយចេញខេត្តកំពត និងបន្តដំណើរតាមបណ្តោយផ្លូវជាតិលេខ ៤១ ដើម្បីមកភ្នំពេញ។ លុះមកដល់ផ្លូវជាតិលេខ៣ នៃចំណុចកើតហេតុ ដែលស្ថិតម្តុំអង្គតាសោម ដោយរថយន្តរបស់លោកបានកំពុងតែបើកបរនៅលើផ្លូវ ស្រាប់តែមានជនខិលខូចលបលួចយកដុំថ្មគប់កញ្ចក់ឡានរបស់លោក តែជាសំណាងដោយមិនត្រូវចំកញ្ចក់នោះទេ គឺត្រូវចំដំបូលឡានផ្នែកខាងស្តាំ ដោយធ្វើអោយដំបូងនោះបានធ្លុះធ្លាយយ៉ាងដំណំផងដែរ»។
ភាព តារាចម្រៀងលោក អ៊ីម ថៃ បានបន្តថា «ភា្លមៗនោះ នៅវេលាម៉ោង ១០ និង ៣០នាទីយប់ លោកនិងក្រុមការ៤នាក់ទៀតពុំបានឈប់រថយន្តនោះទេ ដោយមូលហេតុតាមបណ្តោយផ្លូវជាតិលេខ៣ នៃអង្គតាសោមនោះគឺស្ងាត់តែម្តង ដូច្នេះតារាចម្រៀងលោក អ៊ីម ថៃ បានដាក់សង្ស័យថា ប្រសិនបើរថយន្តមានបញ្ហាបែកកង់ ឬបញ្ហាអ្វីផ្សេងនោះ រថយន្តនឹងលោតជាឆេក ឬសញ្ញាសម្គាល់ហើយ ប៉ុន្តែនៅដូចជាមិនមានអ្វីគួរកត់សម្គាល់នោះ ដូចនេះលោកក៏បានដាក់ការសង្ស័យថា អាចករណីប្លន់យកឡាន ឬជារបស់មានតម្លៃផ្សេង»។
លោក អ៊ីម ថៃ បានបន្តទៀតថា «នៅក្រោយពេលលោកកើតហេតុ ស្រាប់តែមានរថយន្តម៉ាកព្រុស ពណ៌ស ដោយធ្វើដំណើរទៅភ្នំពេញដូចលោកដែរ បានជួបនឹងករណីគប់ដុំថ្មដូចគ្នា ដោយរថយន្តរបស់បុរសនោះ ត្រូវបានជនខិលខូចលបលួចគប់ដុំថ្ម ត្រូវចំធុងទឹកនៃរថយន្ត ដោយរថយន្តទទួលរងការខូចខាតផ្នែកខាងមុខ និងមិនបង្កជាបញ្ហាអ្វីអោយគ្រោះថ្នាក់ដល់មនុស្សនោះឡើយ»។
លោក អ៊ីម ថៃ បានបន្តថា «នៅពេលលោកធ្វើដំណើរនោះ លោកបានបើកបរក្នុងល្បឿន ៨០គីឡូម៉ែត្រក្នុងមួយម៉ោង ដោយស្មារតីប្រុងប្រយ័ត្នជាទីបំផុត ព្រោះនៅពេលមានដុំថ្មបានសំដៅមកចំរថយន្តរបស់លោកនោះ ក្រុមការងាររបស់លោកពិតជាភ្ញាក់ផ្អើល និងមានការតក់ស្លុតជាខ្លាំងជាមួយករណីមួយនេះ សម្រាប់លោកផ្ទាល់ លោកមានការព្រួយបារម្ភខ្លះៗដែរ ប៉ុន្តែដោយស្មារតីរបស់លោករឹងមាំ ដូច្នេះលោកក៏បានបន្តដំណើរមកដល់ភ្នំពេញដោយសុវត្ថិភាពនៅម៉ោង ១១ និង៣០នាទីយប់»។
លោក អ៊ីម ថៃ បានបន្តឱ្យដឹងទៀតថា «លោកធ្លាប់លឺគេថា ផ្លូវជាតិលេខ៣នេះ មានករណីគប់កញ្ចក់រថយន្តញឹកញាប់ណាស់ នៅពេលនេះលោកបានជួបផ្ទាល់ហើយ ហើយលោកក៏មានការសោកស្តាយជាខ្លាំងចំពោះករណីខាងលើ»។
ជាចុងក្រោយ តាមចម្រៀងលោក អ៊ីម ថៃ សុំសំណូមពរទៅកាន់អាជ្ញាធរដែលស្ថិតផ្លូវជាតិលេខ៣ អោយជួយរក្សាសុវត្ថិភាព ក៏ដូចជាភាពស្ងាប់សុខសម្រាប់ប្រជាជនផង៕
ចែករំលែកព័តមាននេះ