តើបណ្តាលមកពីអ្នកណា…?
ខេត្តបន្ទាយមានជ័យ ៖ ជនរងគ្រោះបើករថយន្តកាម៉ារីទៅបុករថយន្តបែកកងចតចោលនៅចិញ្ចើមផ្លូវបណ្តាលស្លា.ប់ម្នាក់របួសធ្ងន់ម្នាក់
ខេត្តបន្ទាយមានជ័យ ៖ ជនរងគ្រោះបើករថយន្តកាម៉ារីទៅបុករថយន្តបែកកងចតចោលនៅចិញ្ចើមផ្លូវបណ្តាលស្លា.ប់ម្នាក់របួសធ្ងន់ម្នាក់
ខេត្តបន្ទាយមានជ័យ ៖ ជនរងគ្រោះបើករថយន្តកាម៉ារីទៅបុករថយន្តបែកកងចតចោលនៅចិញ្ចើមផ្លូវបណ្តាលស្លាប់ម្នាក់របួសធ្ងន់ម្នាក់ដែលកើតឡើងនៅវេលាម៉ោង២និង៥០នាទីរំលងអធ្រាត្រាយប់ថ្ងៃទី២៧ ខែឧសភា ឆ្នាំ២០១៧ ស្ថិតភូមិសូរិយ៉ាថ្មី ឃុំកូប ស្រុកអូរជ្រៅ ។ មន្ត្រីនគរបាលចរាចរណ៍ស្រុកអូរជ្រៅបានប្រាប់ថា ជនរងគ្រោះដែលស្លាប់ឈ្មោះ ឆេន រាជ ភេទប្រុស អាយុ២៣ឆ្នាំ រស់នៅភូមិយាងដង្គំ ឃុំអូរបីជាន់ ស្រុកអូរជ្រៅ និងជនរងគ្រោះរបួសធ្ងន់ឈ្មោះ ភិន សុជឿន ភេទប្រុស អាយុ៣១ឆ្នាំ រស់នៅភូមិ-ឃុំជាមួយគ្នា ។
មន្ត្រីចរាចរណ៍រូបនោះបានបញ្ជាក់ថា នៅពេលគ្រោះថ្នាក់ចរាចរណ៍កើតឡើងគឺជនរងគ្រោះដែលស្លាប់ម្នាក់ និងរបួសធ្ងន់នេះបានបើកបើររថយន្តធុនកាម៉ារី ពណ៌ស ផលិតឆ្នាំ១៩៩៣ចង្កូតស្តាំពាក់ស្លាក់លេខ សៀមរាប2A-4665 បើកបរទិសដៅពីលិចទៅកើតក្នុងល្បឿនលឿន បានទៅបុករថយន្តធុនធំម៉ាកកាំម៉ាស់ពាក់ផ្លាក់លេខ យ-០០០៩ ភព៣ ដែលបែកកងចតចោលនៅចិញ្ចើមផ្លូវដែលគ្មានភ្លើងជាសញ្ញាបានបុកពេញទំហឹងបណ្តាលអ្នកបើកបររថយន្តកាម៉ារីស្លាប់អ្នកបើកបរម្នាក់ និងរបួសធ្ងន់អ្នករួមដំណើរម្នាក់ត្រូវបានសង្គ្រោះបន្ទាន់ ។
មន្ត្រីនគរបាលចរាចរណ៍បានបញ្ជាក់ទៀតថា មូលហេតុដែលគ្រោះចរចរណ៍កើតគឺបណ្តាលមកពីរថយន្តធុនធំបែកកងចតចិញ្ចើមផ្លូវគ្មានភ្លើងជាសញ្ញាសម្គាល់ ទើបបណ្តាលរថយន្តជនរងគ្រោះបុកបណ្តាលឱ្យស្លាប់ និងរបួស រីឯរថយន្តបង្កត្រូវបានយកទៅរក្សាទុកនៅអធិការនគរបាលស្រុកអូរជ្រៅដើម្បីចាត់ការតាមច្បាប់ ចំណែកអ្នកបើកបររថយន្តធំបានរត់គេចខ្លួនកំពុងរកចាប់ខ្លួន ៕
ចែករំលែកព័តមាននេះ