ខេត្តកំពង់ធំ ៖ ករណីគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង១៩និង១០នាទីយប់ ថ្ងៃទី២៧ ខែឧសភា ឆ្នាំ២០១៧ នៅតាមបណ្ដោយផ្លវជាតិលេខ០៦ ក្នុងភូមិថ្នល់ ឃុំទ្រៀល ស្រុកបារាយណ៍ ខេត្តកំពង់ធំ រវាងរថយន្ត និងអ្នកថ្មើរជើងម្នាក់ស្លាប់នៅកន្លែងកើតហេតុ ។
បើតាមប្រភពព័ត៍មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្ត ហ្វត ពណ៌ខ្មៅ ពាក់ស្លាកលេខ ភ្នំពេញ ២T-៥៧៥៤ បើកបរក្នុងល្បឿនយ៉ាងលឿនពីជើងទៅត្បូងទិសដៅភ្នំពេញ សៀមរាប លុះមកដល់ចំនុចកើតហេតុខាងលើក៏បានបុកមនុស្សវិកលចរិតម្នាក់ ស្លាប់នៅកន្លែងកើតហេតុ ក្រោយពេលកើតហេតុ អ្នកបើកបរចុះរត់គេចខ្លួនបាត់ចំណែកអ្នកថ្មើជើងដែលជាជនរងគ្រោះឈ្មោះ នាង ចាន់ធី ភេទប្រុស អាយុ៤៦ឆ្នាំ(ជនវិកលចរិត) រស់នៅភូមិអង្គរនាង ឃុំទ្រៀល ស្រុកបារាយណ៌ ស្លាប់ភ្លាមៗនៅកន្លែងកើតហេតុ ។
បន្ទាប់ពីកើតហេតុសមត្ថកិច្ចចុះវាស់វែង ធ្វើកំណត់ហេតុប្រគល់សាកសពឲ្យសាច់ញាតិក្រុមគ្រួសារចាត់ចែងធ្វើបុណ្យតាមប្រពៃណី ។ សមត្ថកិច្ចបញ្ជាក់ថាករណីគ្រោះថ្នាក់ចរាចរណ៍ខាងលើនេះបណ្តាលមកពីជនរងគ្រោះដើរជាមនុស្សវិកលចិរិតដើរគ្មានដឹងឆ្វេងស្តាំ(ដើរចូលឡាន) ចំណែកវត្ថុតាងត្រូវបាននាំយករក្សាទុកនៅអធិការដ្ឋានស្រុកបារាយណ៌ ដើម្បីដោះស្រាយតាមច្បាប់ ៕
ចែករំលែកព័តមាននេះ