មហាយក្សខាំគ្នាផ្អើលទាំងវេលាទៀបភ្លឺ
ខេត្តកំពង់ឆ្នាំង៖ គ្រោះថ្នាក់ចរាចរណ៍ដ៏រន្ធត់មួយរថយន្តធុនធ្ងន់បុកគ្នាត្រង់ចំណុចផ្លូវកោងរុញ
ខេត្តកំពង់ឆ្នាំង៖ គ្រោះថ្នាក់ចរាចរណ៍ដ៏រន្ធត់មួយរថយន្តធុនធ្ងន់បុកគ្នាត្រង់ចំណុចផ្លូវកោងរុញធាក់ចិញ្ចើមផ្លូវទាំងសងខាងកាលពីវេលាម៉ោង៤និង៣០នាទីទៀបភ្លឺថ្ងៃទី២៨ ឧសភា តាមផ្លូវជាតិលេខ៥ ស្ថិតក្នុងភូមិត្រពាំងអញ្ចាញ ឃុំស្វាយជ្រំ ស្រុករលាប្អៀរ ។
តាមប្រភពបានឱ្យដឹងថា រថយន្តទាំងពីរគ្រឿងធ្វើដំណើផ្ទុយទិសគ្នាក្នុងចំណែកផ្លូវម្ខាងម្នាក់ពេលមកដល់ចំណុចផ្លូវកោងខាងលើ ស្រាប់តែរថយន្តហ៊ីយ៉ាន់ដាយកាច់ចង្កូតបត់មិនទាន់ ក៏ជ្រុលចូលទៅក្នុងចំណែកផ្លូវម្ខាងបុកនឹងរថយន្តដឹងរ៉ូឡូកិនថ្នល់រុញធ្លាក់ចិញ្ចើមផ្លូវលាន់ឮកក្រើកអាកាសទាំងព្រលឹមស្រាងផ្អើលអ្នកភូមិស្ទុះចេញពីក្នុងផ្ទះទាំងមមើមមាយមកមើលព្រាត ។
ប្រភពបានបន្តថា ក្នុងហេតុនោះបណ្តាលឱ្យអ្នកបើកររថយន្តហ៊ីយ៉ាន់ដាយឈ្មោះ ជឿន ប៊ុនឆាយ រងរបួសធ្ងន់ និងអ្នករួមដំណើរម្នាក់ទៀតឈ្មោះ ញ៉ែម សុស៊ីនឿន រងរបួសស្រាលត្រូវបានបញ្ជូនទៅកាន់មន្ទីរពេទ្យភ្លាមៗ ។ ចំណែកខាងរថយន្តដឹករ៉ូឡូម្នាក់រងរបួសស្រាលដើរចេញពីកន្លែងកើតហេតុបាត់៕ ព័ត៌មានលម្អិតនឹងមានផ្សាយនៅលើទំព័រសារព័ត៌មានកោះសន្តិភាព
ចែករំលែកព័តមាននេះ