រាជធានីភ្នំពេញ ៖ ចរន្តនៃការពុះដីឡូត៍លក់បាននិងកំពុងពេញនិយមនៅទីក្រុងភ្នំពេញ និងតាមបណ្តាខេត្តនានាស្ទើរទូទាំងប្រទេស ដែលអ្នកវិនិយោគបានដាក់ចេញនូវយុទ្ធសាស្ត្រផ្សេងៗគ្នា ដើម្បីទាក់ទាញ
រាជធានីភ្នំពេញ ៖ ចរន្តនៃការពុះដីឡូត៍លក់បាននិងកំពុងពេញនិយមនៅទីក្រុងភ្នំពេញ និងតាមបណ្តាខេត្តនានាស្ទើរទូទាំងប្រទេស ដែលអ្នកវិនិយោគបានដាក់ចេញនូវយុទ្ធសាស្ត្រផ្សេងៗគ្នា ដើម្បីទាក់ទាញអតិថិជន និងលក់គម្រោងរបស់ខ្លួនឲ្យបានជោគជ័យ។ ក្នុងនោះ តើការពុះដីឡូត៍លក់ និងអ្នកដែលបានទិញតាមវិធីរំលស់ មានលក្ខណៈល្អប្រសើរ និងប្រឈមហានិភ័យអ្វីខ្លះ? លោក ច្រឹក សុខនីម អគ្គនាយកក្រុមហ៊ុនអចលនទ្រព្យ Century21 Mekong ដែលមានបទពិសោធន៍ខាងវិស័យអចលនទ្រព្យជាច្រើនឆ្នាំ បានផ្ដល់សម្ភាសន៍ដល់អ្នកយកព័ត៌មានកោះសន្ដិភាពអំពីបញ្ហានេះ ។
តើចរន្តនៃការពុះដីឡូត៍លក់ ផ្តល់អត្ថប្រយោជន៍អ្វីខ្លះ ?
ការពុះដីឡូត៍លក់មានចំណុចវិជ្ជមានច្រើនដូចជា ធ្វើឲ្យមានសកម្មភាពអភិវឌ្ឍន៍ថ្មីៗនៅតំបន់ជាយក្រុង ឬតំបន់សក្ដានុពលដទៃទៀត និងជំរុញឲ្យមនុស្សទៅរស់នៅច្រើន ព្រមទាំងធ្វើឲ្យអ្នកក្រីក្រអាចមានលទ្ធភាពទិញបាន ដែលជួយឲ្យមានការអភិវឌ្ឍនៅមូលដ្ឋានណាមួយបានឆាប់រហ័ស ។
តើអ្នកទិញដីឡូត៍ប្រឈមបញ្ហាអ្វីខ្លះ ?
អ្នកទិញដីឡូត៍អាចប្រឈមមុខនឹងបញ្ហាប្រឈមមួយចំនួន ដូចជា ដីឡូត៍គឺមានទំហំតូចៗ មានម្ចាស់ខុសៗគ្នា ដែលធ្វើឲ្យសំណង់សាងសង់មិនសូវមានរបៀបរៀបរយ។ ចំណែកប្រព័ន្ធលូ ទឹកស្អាត និងបណ្តាញអគ្គិសនី ក៏គ្មានស្តង់ដាដែរ ប្រសិនបើអ្នកវិនិយោគពុះដីឡូត៍លក់នោះមិនបានធ្វើការវិនិយោគលើវិស័យនេះជាមុន ។
តើអ្នកទិញដីឡូត៍គួរប្រុងប្រយ័ត្នយ៉ាងដូចម្តេច ?
អ្នកទិញដីឡូត៍ គួរសាកសួរអ្នកវិនិយោគឲ្យច្បាស់ពីប្រព័ន្ធហេដ្ឋារចនាសម្ព័ន្ធនានាដែលទាក់ទងនឹងប្រព័ន្ធទឹក ភ្លើង និងផ្លូវច្បាប់ ដូចជាថា តើអ្នកវិនិយោគដីឡូត៍មានប្លង់រឹងឬអត់0x017d7 ប្រសិនជាមានត្រូវទាមទារការកាត់ប្លង់រឹង ។ បើម្ចាស់ដីឡូត៍ មានប្លង់ទន់ ឬប្លង់ត្រឹមខណ្ឌ ត្រូវបញ្ជាក់ពីខណ្ឌ និងទាមទារកាត់ប្លង់ត្រឹមខណ្ឌឲ្យបានត្រឹមត្រូវ ដើម្បីបញ្ចៀសហានិភ័យនៅពេលអនាគត ។
តើអ្នកពុះដីឡូត៍គួរធ្វើដូចម្តេចដើម្បីបញ្ចៀសហានិភ័យទៅអនាគត ?
អ្នកពុះដីឡូត៍លក់គួរមានការប្រុងប្រយ័ត្នទាក់ទងនឹងបញ្ហាផ្លូវច្បាប់ ដើម្បីកុំឲ្យមានការតវ៉ាពីអ្នកទិញដីនាពេលអនាគត ។ បើសិនជាអ្នកវិនិយោគពុះដីឡូត៍លក់ ពួកគេអាចកសាងហេដ្ឋារចនាសម្ព័ន្ធឲ្យបានល្អប្រសើរ ដើម្បីគម្រោងរបស់ខ្លួនមាននិរន្តរភាព ដោយបំពាក់ប្រព័ន្ធទឹក ភ្លើង លូ ត្រឹមត្រូវ នឹងធ្វើឲ្យមានការចំណាយខ្ពស់ ពេលនោះនឹងធ្វើឲ្យតម្លៃដីឡើងថ្លៃខ្ពស់ ប៉ុន្ដែក៏ពិបាកលក់ផងដែរ ដែលនេះជាបញ្ហាប្រឈមរបស់អ្នកវិនិយោគលើដីពុះឡូត៍លក់ ។
តើការវិនិយោគលើដីឡូត៍ទទួលបានប្រាក់ចំណេញខ្ពស់ឬទេ ?
ការទិញដីឡូត៍ទុកលក់យកចំណេញ ពិតជាអាចចំណេញបាន ប៉ុន្តែកម្រិតនៃប្រាក់ចំណេញ អាស្រ័យលើធនធានរបស់ពួកគេដែលបានវិនិយោគលើដីឡូត៍នោះ ។ ជាទូទៅការវិនិយោគលើដីឡូត៍ទុកលក់យកចំណេញ មិនសូវបានចំណេញខ្ពស់នោះទេ មិនដូចជាការទិញដីធំៗឡើយ ។ វាចំណេញតាមទំហំទឹកប្រាក់ ដែលអតិថិជនបានវិនិយោគជាក់ស្តែង និងតំបន់នោះមានការអភិវឌ្ឍឆាប់ រហ័សកម្រិតណាប៉ុណ្ណោះ ៕
ចែករំលែកព័តមាននេះ