រាជធានីភ្នំពេញ ៖ ការផ្គត់ផ្គង់អគារការិយាល័យនៅតែរក្សាកំណើនខ្ពស់ ។ ជាក់ស្តែង អគារការិយាល័យកម្រិតB និងC បានកើនឡើងក្នុងរង្វង់ជាង១០% ចាប់ពីឆ្នាំនេះ ដល់ឆ្នាំ២០១៩ ខាងមុខ ។
ការសិក្សាធ្វើឡើងដោយ
រាជធានីភ្នំពេញ ៖ ការផ្គត់ផ្គង់អគារការិយាល័យនៅតែរក្សាកំណើនខ្ពស់ ។ ជាក់ស្តែង អគារការិយាល័យកម្រិតB និងC បានកើនឡើងក្នុងរង្វង់ជាង១០% ចាប់ពីឆ្នាំនេះ ដល់ឆ្នាំ២០១៩ ខាងមុខ ។
ការសិក្សាធ្វើឡើងដោយក្រុមហ៊ុនប៊ុណ្ណា រៀលធីគ្រុប ដែលទើបបញ្ចប់នាពេលថ្មីៗនេះរកឃើញថា នៅឆ្នាំ២០១៩ខាងមុខ អគារការិយាល័យកម្រិតB នឹងកើនពី២១ម៉ឺន៨ពាន់ ដល់២៤ម៉ឺន៥ពាន់ម៉ែត្រការ៉េ កើនឡើង១២% បើធៀបនឹងពេលបច្ចុប្បន្ន ។ អគារការិយាល័យកម្រិត C នឹងកើនពីទំហំ១៥.២០០ ដល់១៧.២០០ម៉ែត្រការ៉េ កើនឡើង១៣% បើធៀបនឹងពេលបច្ចុប្បន្ន ។
ចំណែកអគារការិយាល័យកម្រិត A នឹងកើនពីទំហំជាង៩ម៉ឺន៨ពាន់ ដល់ជាង៣២ម៉ឺន២ពាន់ម៉ែត្រការ៉េក្នុងរយៈពេល២ឆ្នាំខាងមុខផងដែរ។ ការព្យាករនេះផ្អែកលើគម្រោងមានលក្ខណៈចម្រុះជាច្រើនដូចជា គម្រោង East Commercial, Exchange Square, The Bridge, The Peak, TK Royal One, The Grateway និងគម្រោង Diamond Tween Tower ជាដើម ។
ការសិក្សារកឃើញថា ៖ « បរិយាកាសអាជីវកម្ម និងប្រព័ន្ធការងារដែលមានស្តង់ដារបស់ក្រុមហ៊ុននានាបានចាប់ផ្តើមចូលប្រើប្រាស់អគារការិយាល័យកាន់តែច្រើន ជាពិសេស ការមកដល់របស់វិនិយោគិនបរទេស ដែលបានចូលមកកាន់កម្ពុជាកាន់តែច្រើន » ។
តម្លៃនៃការជួលអគារការិយាល័យជាទូទៅកើន៥% ដោយអគារការិយាល័យកម្រិត A មានតម្លៃចន្លោះពី២២ ដល់៣៦ដុល្លារ, អគារការិយាល័យកម្រិតB ចន្លោះពី៩ដល់២០ដុល្លារ និងអគារការិយាល័យកម្រិតC ចន្លោះពី៦ ដល់២១ដុល្លារកាលពីឆ្នាំ២០១៥ ។ នេះបើតាមរបាយការណ៍ ។
នាយកគ្រប់គ្រងអចលនទ្រព្យនៃក្រុមហ៊ុនVTRUST Property លោក ហុន ម៉េងហៀង និយាយថា ទីផ្សារការិយាល័យនៅតែមានកំណើនល្អប្រសើរ ដោយសារវិស័យនេះទើបចាប់ផ្តើមរីកចម្រើននៅកម្ពុជា និងការហូរចូលមកដល់នូវក្រុមហ៊ុនអន្តរជាតិថ្មីៗ ដែលធ្វើឲ្យមានតម្រូវការអគារការិយាល័យកើនឡើង ។
លោកបន្តថា ៖ « ការវិនិយោគលើអគារការិយាល័យជាការវិនិយោគល្អ ព្រោះវិនិយោគមិនចំណាយទុនច្រើន តែបានទទួលប្រាក់ត្រឡប់មកវិញច្រើន ខុសពីការវិនិយោគលើអាផាតមិនដែលត្រូវចំណាយច្រើនលើការបំពាក់សម្ភារបរិក្ខារ ចំណាយលើការឌីសាញ និងផ្នែកដទៃទៀត » ។
លោក គុយ វ៉ាត អគ្គនាយកក្រុមហ៊ុនVTRUST GROUP ដែលគ្រប់គ្រងអគារការិយាល័យចំនួនបីនៅរាជធានីភ្នំពេញ ថ្លែងថា ទីផ្សារការិយាល័យនៅតែមានតម្រូវការច្រើន ពិសេស អគារការិយាល័យកម្រិត B ដោយសារវាមានតម្លៃសមរម្យ ហើយសមស្របនឹងក្រុមហ៊ុនដែលចូលមកកាន់ទីផ្សារកម្ពុជាថ្មីៗ ក៏ដូចជាក្រុមហ៊ុនក្នុងស្រុក ដែលពួកគេមិនចង់ចំណាយលើអគារការិយាល័យកម្រិត A មានតម្លៃខ្ពស់ ៕
ចែករំលែកព័តមាននេះ