ជិះលឿននោះលឿន..! ជិះម៉ូតូលឿនទៅកៀរអ្នកដើរឆ្លងផ្លូវដួលបោកក្បាលស្លា.ប់នៅនឹងកន្លែង
រាជធានីភ្នំពេញ ៖ យ៉ាងហោចណាស់បុរសម្នាក់បានស្លា.ប់ភ្លាមៗនៅនឹងកន្លែងកើតហេតុនិង២នាក់ទៀតរងរបួសធ្ងន់
រាជធានីភ្នំពេញ ៖ យ៉ាងហោចណាស់បុរសម្នាក់បានស្លាប់ភ្លាមៗនៅនឹងកន្លែងកើតហេតុនិង២នាក់ទៀតរងរបួសធ្ងន់ ខណៈជិះម៉ូតូលឿនពេកកៀរអ្នកដើរកាន់កញ្ចក់ឆ្លងផ្លូវបណ្តាលឱ្យដួលម៉ូតូបោកនឹងបង្គោលភ្លើងស្លាប់នៅកន្លែងកើតហេតុភ្លាមៗ បង្កឱ្យមានការភ្ញាក់ផ្អើលកាលពីវេលាម៉ោង៨និង១៥នាទីយប់ថ្ងៃទី២៦ ខែឧសភា ឆ្នាំ២០១៧ តាមបណ្តោយផ្លូវវេងស្រេង ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះខាងលើជិះម៉ូតូម៉ាកហ្ស៊ុយសូគីឡែត ពណ៌ទឹងប្រាក់ ពាក់ស្លាកលេខ ភ្នំពេញ1DG-9181 បើកបរក្នុងទិសដៅពីកើតទៅលិចជិះគ្នា៣នាក់ស្លាប់ម្នាក់របួសធ្ងន់២នាក់ ។ ជនរងគ្រោះស្លាប់នៅកន្លែងកើតហេតុមានឈ្មោះ ទៀង ចាន់ណារុន អាយុ១៧ឆ្នាំ មុខរបរសិស្ស ស្នាក់នៅបុរីសន្តិភាព២ សង្កាត់ពង់ទឹក ខណ្ឌដង្កោ មានស្រុកកំណើតនៅភូមិព្រះស្រែក្រោម ឃុំវិហារលួង ក្រុងសួង ខេត្តត្បូងឃ្មំ ជនរងគ្រោះរបួសធ្ងន់២នាក់មិនបានប្រាប់ឈ្មោះទេ ។
តាមប្រភពព័ត៌មានពីកន្លែងកើតហេតុបាននិយាយថា មុនពេលកើតហេតុគេឃើញបុរសម្នាក់កាន់កញ្ចក់ដើរឆ្លងផ្លូវពីត្បូងទៅជើងលុះដើរជិតផុត ស្រាប់តែឃើញជនរងគ្រោះបើកម៉ូតូមួយគ្រឿងម៉ាកឡែតយ៉ាងលឿនក្នុងទិសដៅពីកើតទៅលិចបានបើកកៀរកញ្ចក់បណ្តាលឱ្យដួលធ្វើឲ្យអ្នកបើកម៉ូតូខ្ទាតទៅបោកនឹងបង្គោលភ្លើងពេញទំហឹងបែកមួកការពារសុវត្ថិភាពបែកថ្គាមហូរឈាមតាមត្រចៀកស្លាប់នៅកន្លែងកើតហេតុតែម្តង ចំណែកនាក់ជិះពីក្រោយ២នាក់ទៀតដួលបោកនឹងឃឿនទ្រូងផ្លូវបណ្តាលឱ្យរងរបួសធ្ងន់ ។ ដោយឡែកភាគីដែលដើរឆ្លងផ្លូវដួលរងរបួសស្រាលបានដើរគេចខ្លួនបាត់ស្រមោល ។
ក្រោយកើតហេតុសពត្រូវបានក្រុមគ្រួសារដឹកសពបានយកទៅធ្វើបុណ្យតាមប្រពៃណីនៅស្រុកកំណើត រីឯម៉ូតូរងគ្រោះត្រូវបានជំនាញចរាចរណ៌ខណ្ឌពោធិសែនជ័យយកទៅរក្សាទុករងចាំប្រគល់ឱ្យបងប្អូនសពវិញ ៕
ចែករំលែកព័តមាននេះ