លី ម៉ារីណា រំអុកស្វាមីវិលចូលឆាកសម្ដែងវិញ
រាជធានីភ្នំពេញ ៖ អ្នកនាងលី ម៉ារីណា ដែលកន្លងមកប្រកាសលាឈប់អាជីពសិល្បៈនោះបានត្រឡប់មកវិញហើយ។ នាងទើបតែទទួលសម្តែងរឿងភាគមួយ ហើយរំពឹងថាប្រជាប្រិយភាពនឹងត្រឡប់មកវិញ ។
រាជធានីភ្នំពេញ ៖ អ្នកនាងលី ម៉ារីណា ដែលកន្លងមកប្រកាសលាឈប់អាជីពសិល្បៈនោះបានត្រឡប់មកវិញហើយ។ នាងទើបតែទទួលសម្តែងរឿងភាគមួយ ហើយរំពឹងថាប្រជាប្រិយភាពនឹងត្រឡប់មកវិញ ។
អ្នកនាងលី ម៉ារីណា ទទូចសុំស្វាមីច្រើនសាទម្រាំ ឯកភាពឱ្យនាងចូលរួមសម្តែងជាថ្មី ។
អ្នកនាងលី ម៉ារីណា កាលពីពេល ថ្មីៗកន្លងមកនិយាយថា «ទម្រាំតែមានមុខចេញសម្តែងឡើងវិញ នាងខ្ញុំត្រូវបានសុំការអនុញ្ញាតពីស្វាមីច្រើងដងមកហើយ ក្រោយពេលមកស្រុកខ្មែរវិញ ។ ការសម្តែងរបស់នាងខ្ញុំមិនចេញមុខច្រើនទេ ហើយរឿងដែលសម្តែងក៏មើលទៅទាក់ទាញបង្កប់ខ្លឹមសារអប់រំសង្គមច្រើន គឺនាងខ្ញុំហាក់ចង់សម្តែង ។ នាងខ្ញុំទទួលថតរឿងភាគឱ្យផលិតកម្មមូយ ផ្សាយនៅលើកញ្ចក់ទូរទស្សន៍ធំមួយ ។ ប៉ុន្តែចំណងជើងអ្វី ផលិតកម្មណា ទូរទស្សន៍ណា នាងខ្ញុំសុំលាក់សិន ទុកឲបងប្អូនរង់ចាំតាមដានដើម្បីភ្ញាក់ផ្អើល ។
នាងខ្ញុំខានសម្តែងយូរដូច្នេះនឹងខំសម្តែងឱ្យល្អដើម្បីបានសាងស្នាដៃប្រជាប្រិយភាពឡើងវិញ ។ អ្វីដែលនាងខ្ញុំរំភើប និងអរគុណដល់ស្វាមីនាងខ្ញុំដែលបានឯកភាព យល់ព្រមទទួលឱ្យនាងខ្ញុំបានចូលសិល្បៈឡើងវិញតាមចិត្តប្រពន្ធដោយដឹងថា នាងខ្ញុំស្រឡាញ់សិល្បៈ ដោយមិនអាចចោល និងបោះបង់បានឡើយ » ។
ចាប់តាំងពីអ្នកនាងលី ម៉ារីណា វិលមកនៅកម្ពុជាវិញមក នាងតែងតែបង្ហាញសកម្មភាព មនុស្សធម៌ក្នុងសង្គមជាមួយតារារួមអាជីព ។ ជាពិសេសការងារផ្នែកជួយមន្ទីរពេទ្យគន្ធបុប្ផា នាងពេញចិត្តចូលរួម ។
អ្នកនាងលី ម៉ារីណានិយាយថា «សិល្បករត្រូវចេះបង្ហាញអំពើល្អក្នុងសង្គមតាមតែអាចធ្វើបាន មិនចាំបាច់មានប្រាក់កម្រៃទើបធ្វើបានការងារស្ម័គ្រចិត្តជួយសង្គម គឺផ្តល់តម្លៃ និងកិត្តិយសណាស់សម្រាប់តារាសម្តែង នីមួយៗ» ៕
ចែករំលែកព័តមាននេះ