តូចចិត្តមានវិបត្តិគ្រួសារចង់ធ្វើអត្តឃា.តខ្លួនឯងនិងគំរាមធ្វើឱ្យបានសម្រេច
រាជធានីភ្នំពេញ ៖ បុរសម្នាក់ជាសន្តិសុខឯកជនតូចចិត្តមានវិបត្តិក្នុងគ្រួសារមានបំណងចង់
រាជធានីភ្នំពេញ ៖ បុរសម្នាក់ជាសន្តិសុខឯកជនតូចចិត្តមានវិបត្តិក្នុងគ្រួសារមានបំណងចង់
រាជធានីភ្នំពេញ ៖ បុរសម្នាក់ជាសន្តិសុខឯកជនតូចចិត្តមានវិបត្តិក្នុងគ្រួសារមានបំណងចង់ចង.កសម្លាប់ខ្លួនត្រូវបុរសអ្នកជួលបន្ទប់ក្បែរប្រទះឃើញទាន់ បង្កឱ្យមានការភ្ញាក់ផ្អើលដល់ប្រជាពលរដ្ឋប្ដឹងសមត្ថកិច្ចកាលពីវេលាម៉ោង១០និង៣០នាទីយប់ថ្ងៃទី២៧ ខែឧសភា ឆ្នាំ២០១៧ នៅចំណុចបន្ទប់ជួល តាមផ្លូវ១០១ ស្ថិតនៅភូមិ៤ សង្កាត់ផ្សារដើមថ្កូវ ខណ្ឌចំការមន ។
បុរសម្នាក់មានឈ្មោះ កូរ ទី ភេទប្រុស អាយុ២០ឆ្នាំ មុខរបរជាសិស្ស ស្នាក់នៅបន្ទប់ជួលក្បែរកន្លែងកើតហេតុខាងលើបានប្រាប់ថា គាត់ធ្លាប់ស្គាល់ និងនិយាយលេងជាមួយគ្នាដោយសារធ្វើការជាសន្តិសុខ ហើយគាត់ស្នើសុំម្ចាស់ផ្ទះជួលថា «មិនមានលុយជួលទេគ្រាន់តែសុំស្នាក់អាស្រ័យតែពេលយប់» ម្ចាស់ផ្ទះក៏បានឱ្យស្នាក់នៅបាន៣យប់ មកដល់ថ្ងៃកើតហេតុស្រាប់តែបុរសសន្តិសុខនេះរត់ទៅតាមជណ្ដើរយ៉ាងលឿនហើយយកខ្សែភ្លើងបំណងចង.កសម្លាប់ខ្លួន គាត់ឃើញបែបនេះក៏រត់ទៅជួយ និងទាញយកខ្សែភ្លើងចេញពីដៃរួចនិយាយលួងលោមឱ្យគាត់ឈប់គិតខ្លី និងរាយការណ៍ទៅសមត្ថកិច្ចមកទទួលយកទៅណែនាំ ។ បុរសដែលប៉ុនប៉ងសម្លាប់ខ្លួនមានឈ្មោះ សុខ រ័ត្ន ភេទប្រុស អាយុ២៧ឆ្នាំ មុខរបរសន្តិសុខឯកជន ស្នាក់នៅតាមសំយ៉ាប់មុខផ្ទះគេ មានស្រុកកំណើតនៅភូមិកំពែង ឃុំកំពែង ស្រុកព្រៃកប្បាស ខេត្តតាកែវ បានប្រាប់សមត្ថកិច្ចថា ខ្លួនមានវិបត្តិក្នុងគ្រួសារក៏តូចចិត្តផឹកស្រាថ្នាំបន្តិចក៏ស្រវឹងហើយរត់ទៅបន្ទប់ជួលនៅជាន់ទី១ក៏សម្រេចចិត្តចង់ចង.កសម្លាប់ខ្លួនដោយមិនចង់រស់នៅទៀតទេ ។ បុរសខាងលើបន្តទៀតថា លើកនេះមានគេជួយទាន់លើកក្រោយ និងសំរេចចិត្តចង.កសម្លាប់ខ្លួនជាលើកទី២ឱ្យបាន ។
សមត្ថកិច្ចនគរបាលរដ្ឋបាលផ្សារដើមថ្កូវបានប្រាប់ថា ក្រោយពីប្រជាពលរដ្ឋស្នាក់នៅបន្ទប់ជួលថាមានបុរសជាសន្តិសុខឯកជនម្នាក់ចង់សម្លាប់ខ្លួនក៏ប្រញាប់ចុះទៅកន្លែងកើតហេតុក៏មកដល់ហើយធ្វើការសម្របសម្រួល និងសម្រួលចិត្តបុរសខូចចិត្តឱ្យស្ងប់ចិត្តកុំគិតខ្លីពេកហើយរង់ចាំស្អែកព្រឹកចាំដោះស្រាយ ៕
ចែករំលែកព័តមាននេះ