រាជធានីភ្នំពេញ ៖ យុវជន២នាក់រងរបួសធ្ងន់សន្លប់ឈឹង ខណៈទៅលេងផ្ទះបងប្អូនត្រូវក្មេងទំនើងមួយក្រុមដេញវាយ ។ ហេតុការណ៍នេះបង្កការភ្ញាក់ផ្អើលកាលពីម៉ោង២២និង៣០នាទីយប់ ថ្ងៃទី២៧ ខែឧសភា ឆ្នាំ២០១៧ នៅចំណុចផ្លូវលំភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ ។
រាជធានីភ្នំពេញ ៖ យុវជន២នាក់រងរបួសធ្ងន់សន្លប់ឈឹង ខណៈទៅលេងផ្ទះបងប្អូនត្រូវក្មេងទំនើងមួយក្រុមដេញវាយ ។ ហេតុការណ៍នេះបង្កការភ្ញាក់ផ្អើលកាលពីម៉ោង២២និង៣០នាទីយប់ ថ្ងៃទី២៧ ខែឧសភា ឆ្នាំ២០១៧ នៅចំណុចផ្លូវលំភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ ។
អ្នករងរបួសទាំង២នាក់មិនត្រូវបានស្គាល់ឈ្មោះ ប្រភពពីប្រជាពលរដ្ឋបានប្រាប់ថានៅមុនកើតហេតុខណៈពួកគាត់ចូលសម្រាកស្រាប់តែឮសំឡេងក្មេងដេញវាយគ្នា ដោយទ្រហឹងពេញដងផ្លូវ ពេលនោះពួកគាត់មិនហ៊ានបើកទ្វាមើលទេលុះដល់ស្ងាត់បន្តិចក៏ចេញមកមើលស្រាប់តែឃើញយុវជន២នាក់ដេកសន្លប់នៅកណ្តាលផ្លូវក្នុងភូមិទៅហើយទើបបង្កការភ្ញាក់ផ្អើល ។ ប្រភពបានប្រាប់ទៀតថា ក្រោយមកប្រជាពលរដ្ឋបានយកទូរស័ព្ទជនរងគ្រោះទំនាក់ទំនងបានមិនភក្តិនាំគ្នាមកមើលជនរងគ្រោះទាំ២នាក់ និងបានដឹកតាមរ៉ឺម៉កកង់បីយកទៅកាន់មន្ទីពេទ្យ ។
តាមសម្ដីយុវជនម្នាក់ដែលជាមិត្តភក្តិជនរងគ្រោះទាំង២នាក់បានប្រាប់ថា ករណីខាងលើនេះមុនកើតហេតុជនរងគ្រោះបាននាំគ្នាចេញពីផ្ទះជួលនៅសង្កាត់ត្រពាំងក្រសាំង មកលេងបងប្អូននៅភូមិខាងលើដោយមានគ្នាបីនាក់ តែពេលនេះឃើញតែពីរនាក់ ដោយបាត់ម្នាក់ទៀតមិនដឹងទៅណា ហើយគាត់ជាមិត្តភក្តិក៏មិនច្បាស់ថាមកនេះជិះម៉ូតូ ឬក៏ដើរមកដែលដោយរងចាំជនរងគ្រោះដឹងខ្លួនវិញទើបដឹងច្បាស់ ។
ចែករំលែកព័តមាននេះ