ឃាត់ខ្លួនជនជាតិវៀតណាម២៩នាក់ក្រោយរកឃើញថារស់នៅដោយខុសច្បាប់
រាជធានីភ្នំពេញ ៖ ជនជាតិវៀតណាមប្រុសស្រី២៩នាក់ត្រូវកម្លាំងនគរបាលនាយកដ្ឋានស៊ើបអង្គេត
រាជធានីភ្នំពេញ ៖ ជនជាតិវៀតណាមប្រុសស្រី២៩នាក់ត្រូវកម្លាំងនគរបាលនាយកដ្ឋានស៊ើបអង្គេត
រាជធានីភ្នំពេញ ៖ ជនជាតិវៀតណាមប្រុសស្រី២៩នាក់ត្រូវកម្លាំងនគរបាលនាយកដ្ឋានស៊ើបអង្គេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការជាមួយនគរបាលអន្តោប្រវេសន៍រាជធានីភ្នំពេញ ធ្វើការឃាត់ខ្លួននៅចំណុចផ្ទះលក់កាហ្វេជាច្រើនតាមបណ្តោយផ្លូវ៣៦៩ ក្នុងសង្កាត់ច្បារអំពៅ២ ខណ្ឌច្បារអំពៅ នាវេលាព្រឹកថ្ងៃទី២៦ ខែឧសភា ឆ្នាំ២០១៧ ពាក់ព័ន្ធនឹងការចូលមកធ្វើការ និងរស់នៅដោយខុសច្បាប់ ។
ក្នុងប្រតិបត្តិការខាងលើសមត្ថកិច្ចបានត្រួតពិនិត្យលើជនជាតិវៀតណាមជាច្រើន ប៉ុន្តែរកឃើញមាន២៩នាក់ ស្រី៤នាក់ ដែលពួកគេគ្មានលិខិតឆ្លងដែន និងច្បាប់អនុញ្ញាតិការងារត្រឹមត្រូវ ដូច្នេះពួកគេត្រូវបានឃាត់ខ្លួនភ្លាមៗបញ្ចូនទៅកាន់អគ្គនាយកដ្ឋានអន្តោប្រវេសន៍ដើម្បីបន្តនីតិវិធី ។
លោកឧត្តមសេនីយ៍ អ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធី បានបញ្ជាក់ឱ្យដឹងថា ចំពោះជនបរទេសណាដែលចូលមករស់នៅ និងធ្វើការដោយខុសច្បាប់ ដោយគ្មានភ្ជាប់ជាមួយលិខិតឆ្លងដែន ឬឯកសារពាក់ព័ន្ធផ្សេងនោះពួកគេនឹងត្រូវឃាត់ខ្លួនបញ្ចូនទៅកាន់អគ្គនាយកដ្ឋានអន្តោប្រវេសន៍ដើម្បីកសាងសំណុំបែបបទស្នើរទៅក្រសួងមហាផ្ទៃសុំធ្វើការបណ្តេញចេញពីកម្ពុជាទៅកាន់ប្រទេសដើមខ្លួនវិញនៅពេលខាងមុខ ៕
ចែករំលែកព័តមាននេះ