ពិធីមង្គលការក្លាយជាពិធីដេញកា.ប់គ្នា
ខេត្តប៉ៃលិន ៖ មានការភ្ញាក់ផ្អើលពេញរោងការមួយកន្លែងដោយមានក្រុមក្មេងស្ទាវ១ក្រុម បានដេញកា.ប់គ្នាយ៉ាងសាហា.វ
ខេត្តប៉ៃលិន ៖ មានការភ្ញាក់ផ្អើលពេញរោងការមួយកន្លែងដោយមានក្រុមក្មេងស្ទាវ១ក្រុម បានដេញកាប់គ្នាយ៉ាងសាហាវ ខណៈភ្ញៀវកំពុងពិសារអាហារ និងនាំគ្នារាំលេងកំសាន្តយ៉ាងសប្បាយក្នុងពិធីមង្គលការ ស្រាប់តែមានរឿងហេតុបែបនេះកើតឡើងទីបំផុតភាគីម្ខាងចូលពេទ្យ រីឯម្ខាងទៀតរត់ចោលផ្ទះបាត់ស្រមោលតែម្តង ។ ហេតុការណ៍នេះបានកើតឡើងកាលពីវេលាម៉ោង១០យប់ ថ្ងៃទី២៤ ខែឧសភា ឆ្នាំ២០១៧ ស្ថិតនៅក្នុងភូមិក្រចាប់លើ សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីលោក គង់ សំណាង នាយប៉ុស្តិ៍នគរបាលរដ្ឋបាលសង្កាត់អូរតាវ៉ៅបានឲ្យដឹងថា ជនរងគ្រោះមានឈ្មោះ អឿន វ៉ិត ភេទប្រុស អាយុ២០ឆ្នាំ ជាកម្មកររស់នៅភូមិអូរខ្ទីង សង្កាត់អូរតាវ៉ៅ ក្រុងប៉ៃលិន ។ លោកនាយប៉ុស្តិ៍បានបន្តទៀតថា ក្រោយពីសាកសួរពលរដ្ឋនៅកន្លែងកើតហេតុឃើញថា ករណីខាងលើនេះផ្តើមចេញមកពីការឌឺដងដាក់គ្នាទៅវិញទៅមកនាពេលកំពុងរាំក្នុងពិធីមង្គលការកូនកម្លោះកូនក្រមុំនោះដោយជនរងគ្រោះចេះតែសម្លឹងមើលមុខជនបង្ក ទើបជនបង្កនោះទ្រាំមិនបានក៏មានកំហឹងស្ទុះដើរចេញទៅក្រៅវង់រាំ រួចក៏លបកាប់ចំក្បាលពីក្រោយបណ្តាលឲ្យរងរបួសដួលសន្លប់ ចំណែកជនសង្ស័យបន្ទាប់ពីធ្វើសកម្មភាពរួចបានរត់គេចខ្លួនបាត់ស្រមោល ។
បច្ចុប្បន្នកំលាំងនគរបាលប៉ុស្តិ៍កំពុងដុតដៃដុតជើងតាមចាប់ជនសង្ស័យខាងលើយកមកផ្តន្ទាទោសតាមច្បាប់ ។ ចំណែកជនរងគ្រោះត្រូវបានសាច់ញាតិបញ្ជូនទៅមន្ទីរពេទ្យបង្អែកខេត្តដើម្បីព្យាបាលរបួសផងដែរ ៕
ចែករំលែកព័តមាននេះ