ប្រទេសថៃ ៖ អ្នកស្រាវជ្រាវមកពីសាកលវិទ្យាល័យ Thammasat បានបង្ហាញពីវិធីថ្មីមួយក្នុងការធ្វើឲ្យផ្លែទុរេនរក្សាភាពស្រស់ និងកាត់បន្ថយក្លិនស្អុយពេលដែលដឹកជញ្ជូនទៅកាន់ទីផ្សារ ។
បច្ចេកទេសស្រោបនេះ ត្រូវបាន
ប្រទេសថៃ ៖ អ្នកស្រាវជ្រាវមកពីសាកលវិទ្យាល័យ Thammasat បានបង្ហាញពីវិធីថ្មីមួយក្នុងការធ្វើឲ្យផ្លែទុរេនរក្សាភាពស្រស់ និងកាត់បន្ថយក្លិនស្អុយពេលដែលដឹកជញ្ជូនទៅកាន់ទីផ្សារ ។
បច្ចេកទេសស្រោបនេះ ត្រូវបានបង្កើតឡើងដោយក្រុមឯកទេសមួយមកពីមហាវិទ្យាល័យវិទ្យាសាស្ត្រ និងបច្ចេកវិទ្យា ដែលនៅក្រោមការគ្រប់គ្រងរបស់អនុសាស្ត្រាចារ្យ Woraphat Luckanatinvong ។
លោកអនុសាស្ត្រាចារ្យ Woraphat បាននិយាយកាលពីថ្ងៃអង្គារថា វានឹងធ្វើឲ្យកសិករដាំទុរេនអាចបេះវាពេលដែលទុំខ្លាំង ។ ភាពស្រស់ និងរសជាតិអាចរក្សាដល់ទៅ២សប្តាហ៍ឯណោះ ខណៈផ្លែឈើនេះត្រូវបានដឹកជញ្ជូនទៅលក់ក្នុងទីផ្សារបរទេស ។
ការអភិវឌ្ឍនៃការស្រោបថ្នាំលើផ្លែទុរេនបានចំណាយអស់រយៈពេលប៉ុន្មានឆ្នាំមកនេះ។ គម្រោងនេះត្រូវបានផ្តើមគំនិតដោយលោក Prakasit Chumcheun ជានិស្សិតបរិញ្ញាបត្រ។
លោក Woraphat បន្តថា វិធីស្រោបនេះមានប្រសិទ្ធភាព១០០% ក្នុងការទប់ស្កាត់មិនឲ្យសំបកទុរេនប្រេះបែក និងមិនឲ្យក្លិនសាយភាយ ខណៈរក្សាគុណភាពនៃសាច់ទុរេនបានយូរ ។ សំខាន់ជាងនេះទៀត ការស្រោបថ្នាំនេះនឹងត្រូវចំណាយតែ២ទៅ៣បាតក្នុងមួយផ្លែប៉ុណ្ណោះ ។
លោកនិយាយថា បើទោះជាក្រុមរបស់លោកមានប៉ាតង់លើវិធីនេះក្តី ពួកលោកបានណែនាំពីបច្ចេកទេសនេះដល់កសិករទុរេន ដោយមិនគិតថ្លៃផងដែរ ។
ការស្រោបថ្នាំនេះ គឺមានកម្រាស់ពី២ទៅ៣មីលី្លម៉ែត្រ និងដើម្បីការពារមិនឲ្យសំបកប្រេះ និងរក្សាគុណភាពសាច់ ។ ផ្លែឈើដែលបានស្រោបថ្នាំរួច ត្រូវតែរក្សាក្នុងសីតុណ្ហភាពពី២៣ទៅ២៧អង្សាសេ ជាមួយសំណើមពី៥៥ទៅ៦៥%ក្នុងរយៈពេលដឹកជញ្ជូន ។
យោងតាមការិយាល័យសេដ្ឋកិច្ចកសិកម្មរបស់ថៃ ការនាំចេញផ្លែទុរេនសរុបមានតម្លៃ ១៧,៤ប៊ីលានបាតកាលពីឆ្នាំមុន ឬកើនឡើង ៣១,៨៧% បើធៀបនឹងឆ្នាំ២០១៥ ៕
ចែករំលែកព័តមាននេះ