ផ្លែខ្នុរសម្បូរទៅដោយសារជាតិ Isoflavones ជីវជាតិរុក្ខជាតិ lignans និងសារជាតិ saponins ។ សារធាតុចិញ្ចឹមទាំងនេះ ត្រូវបានគេស្គាល់ថា អាចទប់ស្កាត់រ៉ាឌីកាល់សេរី ដែលជាសមាសភាគទទួលខុសត្រូវក្នុងការអភិវឌ្ឍជំងឺមហារីក និងជំងឺរ៉ាំរ៉ៃជាច្រើនទៀត ។
ផ្លែខ្នុរក៏សម្បូរទៅដោយវីតាមីនសារធាតុរ៉ែ ជីវជាតិរុក្ខជាតិ កាបូអីុដ្រាត អេឡិចត្រូលីត ជាតិកាកសរសៃ ជាតិខ្លាញ់ និងប្រូតេអីុន ។
ផ្លែខ្នុរមិនមានជាតិកូឡេស្តេរ៉ូល ឬជាតិខ្លាញ់ឆ្អែត ។ ផ្លែខ្នុរត្រូវបានគេចាត់ទុកថា ជាឱសថធម្មជាតិដែលល្អបំផុតសម្រាប់ជំងឺមហារីក ។ ផ្លែរុក្ខជាតិនេះសម្បូរទៅដោយជាតិកាកសរសៃ និងជួយក្នុងការបន្សាបជាតិពុលក្នុងរាងកាយ ។
សូមអានអត្ថបទខាងក្រោមដើម្បីដឹងពីអត្ថប្រយោជន៍នៃឱសថធម្មជាតិនេះចំពោះជំងឺមហារីក ៖
១-មានផ្ទុកសារជាតិធម្មជាតិ
ផ្លែខ្នុរមានផ្ទុកសារជាតិធម្មជាតិ និងអាចការពារការរីកលូតលាស់ជំងឺមហារីកនៅក្នុងដំណាក់កាលដំបូង ។ វាអាចជួយបំបាត់ដំបៅក្រពះ និងធ្វើឱ្យស្ថានភាពសុខភាពទាំងមូលមានភាពប្រសើរឡើង ។
២-សម្បូរទៅដោយជាតិsaponins
សារជាតិនេះត្រូវបានគេស្គាល់ថា ជាអ្នកសម្លាប់ជំងឺមហារីកដ៏ខ្លាំងក្លា ។ សារជាតិsaponinsអាចវាយប្រហារស្រទាប់ខាងក្រៅនៃកោសិកាមហារីក ដោយភ្ជាប់ និងបញ្ឈប់ការលូតលាស់របស់ពួកវា។ លក្ខណៈនេះធ្វើឱ្យដើមខ្នុរជាផ្លែឈើល្អបំផុតសម្រាប់ការពារជំងឺមហារីក។
៣-សារជាតិLignans និងisoflavone
សារជាតិទាំងនេះគឺជាអឺស្ត្រូសែនពីធម្មជាតិ ដែលអាចជួយក្នុងការបន្ថយហានិភ័យនៃជំងឺមហារីកស្បូន ។ យោងតាមការស្រាវជ្រាវ ស្ត្រីដែលទទួលទានសារជាតិ lignans និងសារជាតិ Isoflavones ក្នុងកម្រិតខ្ពស់ដែលមានវត្តមាននៅក្នុងផ្លែខ្នុរមានអត្រានៃការកើតជំងឺមហារីកទាប ។
៤-ការពារកោសិកាDNA
ផ្លែខ្នុរសម្បូរទៅដោយសារធាតុប្រឆាំងអុកស៊ីតកម្ម ដែលអាចការពារកោសិកាDNAពីការខូចខាតដែលបង្កឡើងដោយពពួករ៉ាឌីកាល់អុកស៊ីសែនសេរី ។ ដូច្នេះផ្លែខ្នុរអាចបន្ថយហានិភ័យនៃជំងឺមហារីកពោះវៀនធំបាន ៕
ចែករំលែកព័តមាននេះ