ខេត្តព្រះសីហនុ ៖ កម្លាំងសមត្ថកិច្ចចម្រុះរួមមានកម្លាំងជំនាញ ការិយាល័យគ្រប់គ្រងអាវុធជាតិផ្ទុះ កម្លាំងនគេបាលចរាចរណ៍ និងកម្លាំងកងរាជអាវុធហត្ថខេត្ត នាយប់ថ្ងៃទី២៥ ខែឧសភា ឆ្នាំ២០១៧ នេះ បានចុះធ្វើការត្រួតពិនិត្យឆែកឆេរកអាវុធជាតិផ្ទុះ រថយន្តគ្រប់ប្រភេទដែលបានចរាចរណ៍លើដងវិថីនាពេលរាត្រីក្នុងខេត្តព្រះសីហនុ ។
ថ្លែងក្នុងឱកាសចុះត្រួតពិនិត្យនេះផងដែរ លោកវរសេនីយ៍ ជិន ឈូន អនុប្រធានការិយាល័យគ្រប់គ្រងអាវុធជាតិផ្ទុះបានបញ្ជាក់ថា គោលបំណងនៃកាចុះឆែកឆេរនេះផងដែរ គឺដើម្បីពង្រឹងសេចក្តីសុខសុវត្តិភាពជូនដល់ប្រជាពលរដ្ឋក៏ដូចជា ភ្ញៀវទេសចរណ៍ជាតិ និងអន្តរជាតិដែលបានមកទស្សនាកម្សាន្តក្នុងខេត្តព្រះសីហនុ ហើយការចុះឆែកឆេនេះផងដែរ គឺកម្លាំងសមត្ថកិច្ចចម្រុះបានចុះអនុវត្តន៍ក្នុងមួយសប្តាហ៍២ដង តាមគោលដៅផ្សេងគ្នាគ្រប់ទីកន្លែងក្នុងខេត្តដោយមិនកំណត់គោលដៅទុកជាមុនឡើយ ។
ក្នុងការចុះឆែកឆេកន្លងមកក៏ដូចជាឥឡូវនេះ គឺពុំទាន់ជួបប្រទះរថយន្តណាមួយគួរឲ្យសង្ស័យ ឬមានផ្ទុកអាវុធជាតិផ្ទុះនៅឡើយទេ ។ ប៉ុន្តែបើទោះបីជាបទល្មើសផ្តើមចេញពីអាវុធជាតិនេះ ពុំត្រូវបានរកឃើញយ៉ាងណាក្តី ក៏កម្លាំងចម្រុះរបស់លោក ត្រួតពិនិត្យជាប្រចាំដែរ ដើម្បីភាពកក់ក្តៅដល់ប្រជាពលរដ្ឋ និងភ្ញៀវទេសចរណ៍ជាតិ និងអន្តរជាតិ ។
ចែករំលែកព័តមាននេះ