តើអាហារណាខ្លះជួយឱ្យអ្នកគេងលក់លឿនជាងមុន?
មនុស្សជាច្រើនគេងលក់ ភ្លាមៗបន្ទាប់ពីដាក់ក្បាលដល់ខ្នើយ ។ ទោះជាយ៉ាងណាក្តី មានមនុស្សជាច្រើនមានបញ្ហាគេងមិនលក់រៀងរាល់យប់។ ការគេងបានគ្រប់គ្រាន់មានសារសំខាន់ខ្លាំងណាស់សម្រាប់
មនុស្សជាច្រើនគេងលក់ ភ្លាមៗបន្ទាប់ពីដាក់ក្បាលដល់ខ្នើយ ។ ទោះជាយ៉ាងណាក្តី មានមនុស្សជាច្រើនមានបញ្ហាគេងមិនលក់រៀងរាល់យប់។ ការគេងបានគ្រប់គ្រាន់មានសារសំខាន់ខ្លាំងណាស់សម្រាប់សុខភាព។ វាជួយឲ្យអ្នកមានសុភមង្គល រក្សាសុខភាពផ្លូវចិត្ត ពង្រឹងប្រព័ន្ធភាពស៊ាំ ជួយឱ្យអ្នកមានចិត្ដគំនិតវិជ្ជមានអំពីជីវិត ធ្វើឱ្យស្បែករបស់អ្នកមានភាពភ្លឺថ្លា និងបន្ថយហានិភ័យនៃការកើតជំងឺមានសម្ពាធឈាមខ្ពស់ដូចជាបញ្ហាបេះដូង ។
ប្រសិនបើអ្នកមានបញ្ហាក្នុងការគេង អាហារអាចជាដំណោះស្រាយដ៏សាមញ្ញសម្រាប់អ្នក ។
ខាងក្រោមនេះគឺជាអាហារមួយចំនួនដែលធ្វើឲ្យអ្នកគេងលក់បានលឿនជាងមុន។
១-ទឹកដោះគោក្តៅ
ការទទួលទានទឹកដោះគោក្តៅមួយកែវមុនពេលចូលគេងអាចជួយឲ្យអ្នកគេងលក់់បានលឿន។ ទឹកដោះគោមានសារជាតិអាស៊ីតអាមីណូ tryptophan ជាប្រភពនៃសារធាតុគីមី serotonin របស់ខួរក្បាល ។ tryptophan ព្រមទាំង serotonin ជួយឲ្យអ្នកគេងបានលឿនក្នុងពេលយប់ ។ ស្របគ្នានេះដែរ ទឹកដោះគោគឺជាប្រភពដ៏ល្អបំផុតដើម្បីទទួលបានជាតិកាល់ស្យូម ដែលជួយក្នុងការផលិតជាតិមេឡានីនដែលសំខាន់ចំពោះការគេងលក់ ។
២-ត្រីធូណា
យោងតាមអត្ថបទចេញផ្សាយនៅក្នុង Annals of the NY Academy of Sciences ត្រីធូណាសម្បូរទៅដោយវីតាមីន B6 ដែលរាងកាយត្រូវការចាំបាច់ដើម្បីបង្កើតជាតិមេឡានីនព្រមទាំងសារធាតុ serotonin ។ Serotonin គឺជាសារធាតុបញ្ជូនសញ្ញាសរសៃប្រសាទមួយដែលគាំទ្រការសម្រាក ខណៈជាតិមេឡានីនគឺជាអ័៊រម៉ូនក្នុងខ្លួនជម្រុយការគេង ។
៣-អង្ករផ្កាម្លិះ
អ្នកដែលបានបរិភោគអង្ករផ្កាម្លិះសម្រាប់អាហារពេលល្ងាចនឹងគេងលក់លឿនជាងបើប្រៀបធៀបទៅនឹងការបរិភោគអង្ករប្រភេទដទៃទៀត ។ វាក៏ជួយបង្កើនការផលិតសារជាតិ tryptophan ព្រមទាំង serotonin នៅក្នុងឈាម ដូច្នេះអាចជំរុញឲ្យអ្នកគេងបានលឿន។
៤-ផ្លែចេក
ចេកមានសារធាតុបន្ធូរសាច់ដុំពីធម្មជាតិ ម៉ាញ៉េស្យូម ព្រមទាំងប៉ូតាស្យូមដែលជួយជំរុញការគេង ។ វាគឺជាប្រភពវីតាមីន B6 ដែលរាងកាយត្រូវការចាំបាច់ដើម្បីបង្កើតអ័៊រម៉ូនជំរុញគេងមេឡាំតូនីន ៕
ចែករំលែកព័តមាននេះ