រថយន្តដឹកអេស្កាវ៉ាទ័របើកកៀររង្វង់មូល បែកមាត់គោខ្ទេច
ខេត្តស្វាយរៀង ៖ តៃកុងស្ទើរភ្លើងបើករថយន្តដឹកអេស្កាវ៉ាទ័រ បុករូបចម្លាក់គោនៅរង្វង់មូលរូបគោបណ្តាលឲ្យបែកមាត់គោខ្ទេច ខូចាតយ៉ាងដំណំកាលពីវេលាម៉ោង១០និង៣៥នាទីព្រឹក
ខេត្តស្វាយរៀង ៖ តៃកុងស្ទើរភ្លើងបើករថយន្តដឹកអេស្កាវ៉ាទ័រ បុករូបចម្លាក់គោនៅរង្វង់មូលរូបគោបណ្តាលឲ្យបែកមាត់គោខ្ទេច ខូចាតយ៉ាងដំណំកាលពីវេលាម៉ោង១០និង៣៥នាទីព្រឹក ថ្ងៃទី២៤ ឧសភា ២០១៧នៅលើកំណាត់ផ្លូវជាតិលេខ១ ស្ថិតក្នុងភូមិរូបគោ សង្កាត់ព្រៃឆ្លាក់ ក្រុងស្វាយរៀង។ បើតាមសមត្ថកិច្ចបានឲ្យដឹងថា រថយន្តបើកបរប៉ះនឹងរូបគោនោះ ម៉ាកកាម៉ាស់ ពណ៌ស ពាក់ស្លាកលេខ១៤៥៨។ បើកបរដោយឈ្មោះ ឡុង សាមឿន អាយុ៥០ឆ្នាំ ភេទប្រុស មុខរបរបើកបរ មានទីលំនៅភូមិព្រុំ ឃុំព្រៃព្នៅ ស្រុកពារាំង ខេត្តព្រៃវែង។
ប្រភពដដែលបន្តទៀតថា មុនពេលកើតហេតុ គេឃើញរថយន្តបង្កហេតុ បើកបរពីរទិសខាងត្បូងឆ្ពោះទៅទិសខាងជើង លុះមកដល់ចំណុចរង្វង់រូបគោក៏បើកឆ្លងថ្នល់ជាប់ខឿនរង្វង់មូលក្នុងគោលបំណងបត់ឆ្វេងទៅទិសខាងលិច ក៏បន្តែមិនទាន់ផុតរង្វង់មូលផងបានបត់ ទំនងស្មានថាផុត ក៏បុកកៀរចំមាត់គោបែកខូចយ៉ាងដំណំតែម្តង។ ក្រោយពីបង្កហេតុសមត្ថកិច្ចក៏បានយករថយន្តបង្កទៅអធិការដ្ឋាននគបាលក្រុងស្វាយរៀងដោះស្រាយតាមនីតិវិធី រហូតដល់ម៉ោង៣រសៀលម្ចាស់រថយន្តបានមកដោះស្រាយ ជួសជុលរូបគោឡើងវិញ សមត្ថកិច្ចក៏បានប្រគល់រថយន្តឲ្យម្ចាស់ទៅប្រើប្រាស់វិញ៕
ចែករំលែកព័តមាននេះ