ខេត្តក្រចេះ ៖ បន្ទាប់ពីឃើញមានផ្សេងឆេះហុយចេញពីហាងខារាអូខេមួយ នៅនឹងទីប្រជុំជនស្រុកស្នួល បានបង្កឲ្យមានការភ្ញាក់ផ្អើលដល់អ្នកភូមិ និងនគរបាលពន្លត់អគ្គីភ័យ ពិសេស គឺនារីខារាអូខេជាច្រើននាក់ដែលស្នាក់នៅបន្ទប់ក្បែនោះ បានរត់ចេញមកក្រៅ ទាំងសភាពភ័យតក់ស្លុត ។
ហាងខារាអូខេ ដែលរងការឆេះបង្កឲ្យភ្ញាក់ផ្អើលនៅថ្ងៃទី២៤ ខែឧសភា ឆ្នាំ២០១៧ នេះ តែមិនបណ្តាលឲ្យខូចខាតធ្ងន់ធ្ងរទេ គឺមានយីហោ សប្បាយសប្បាយ មានទីតាំងនៅទល់មុខទីប្រជុំជនស្រុកស្នួល ។ បន្ទាប់ពីមានអណ្តាតភ្លើង និងផ្សែងបានឆេះចេញតាមដំបូលហាងខារាអូខេ បានបង្កឲ្យអ្នកក្បែរខាងផ្អើលឆោឡោ ម្នីម្នានាំគ្នាជួយពន្លត់ និងជញ្ជូនសម្ភារចេញពីហាង ។ ពិសេសនោះ គឺនារីខារាអូខេជាច្រើននាក់ មានសក់ក្រហមសក់ខៀវ ដែលស្នាក់ នៅតាមបន្ទប់ក្បែនោះ បានរត់ចេញមកក្រៅទាំងសភាពភ័យតក់ស្លុត ។
អធិការនគរបាលស្រុកស្នួល លោកវរសេនីយ៍ទោ ចាន់ សុខគីម បានឲ្យដឹងថា ក្នុងហេតុការណ៍នេះ មិនបានបង្កឲ្យខូចខាតធ្ងន់ធ្ងរនោះទេ ខណៈដែលអគ្គីភ័យមិនទាន់បាន ឆាបឆេះធ្ងន់ធ្ងរដោយគ្រាន់តែមានផ្សែងហុយចេញពីក្នុងបន្ទប់ ក៏ត្រូវបានម្ចាស់ហាងយក បំពង់ពន្លត់អគ្គីភ័យ និងរថយន្តពន្លត់អគ្គីភ័យរបស់អធិការរដ្ឋានពន្លត់ទាន់ពេល ។ ដោយមូល ហេតុត្រូវនគរបាលកំណត់ថា បណ្តាលមកពីទុស្សេចរន្តអគ្គីសនី ។
ចែករំលែកព័តមាននេះ