រាជធានីភ្នំពេញ ៖ ជាថ្មីម្តងទៀត អ្នកនាងឈិន សុធារី បានជះកំហឹងលើនារីដែលនាងចោទថាជាស្រីស្នេហ៍របស់ស្វាមី គឺលោកសុវណ្ណ មករា បន្ទាប់ពីនារីម្នាក់នោះគំរាមរូបនាង និងហៅលោកសុវណ្ណ មករា ថា«ប្តី» ពេញៗមាត់ ។
ឈិន សុធារី ចោទនាង Ya baby(ឈ្មោះក្នុងហ្វេសប៊ុក) ជាតារាបង្ហាញម៉ូតថាជាអ្នកចូលជ្រែកស្នេហ៍រវាងនាង និងលោកសុវណ្ណ មករា ។
តាមរយៈសំណេរដែលអ្នកនាងឈិន សុធារី បង្ហោះលើហ្វេសប៊ុកនាពេល ថ្មីៗកន្លងមកបញ្ជាក់ថា «ឃើញគេ មិនមាត់ៗគិតថាគេល្ងង់មែននាង? នាងធ្វើអីក៏យើងដឹងដែរ ។ នាងហ៊ានបង្ហោះចេញមុខមាត់ចង់បញ្ជាក់ប្រាប់គេឯងថានាងជាស្រីកំណាន់ ឬប្រពន្ធចុង ឬមួយជាសហាយរបស់ប្តីគេមែនទេ ? ខ្លាចគេមិនដឹងថានាងជាស្រីយកប្តីគេមែនទេ ? ស្រីដូចនាងល្អណាស់ ល្អដល់ថ្នាក់ប្រុសសុំធ្វើជាសង្សារ ឬដេកជាមួយ នាងយល់ព្រមគ្រប់ពេលចំណុចណានាងថានាងជាស្រីល្អ ? ឬគ្មានកំហុសចូលជ្រែកនៅក្នុងជីវិតគ្រួសាររបស់គេ ? នាងល្អឯងជួយពន្យល់ខ្ញុំបន្តិច ? ហើយឱ្យប្រុសនាងតេមកគំរាមខ្ញុំទៀតថា នាងជាប្រពន្ធមករា ? កុំឱ្យខ្ញុំតេទៅរំខាននាងឯងទៀត ? នាងប៉ះខ្ញុំប្រហែលជាចប់ហើយនាង ។ នាងខ្លាំងដៃដាក់យើងព្រោះតែខាងប្រុសបើកដៃឱ្យនាង ហើយខាងប្រុសក៏មិនដឹងថានាងពិសពុលដាក់ខ្ញុំដល់ម្ល៉ឹងដែរ ។ ឱ្យតែគេសួរនាងនឹងឆ្លើយថាមិនដឹងអីទេ ហើយខាងប្រុសជឿនាងរហូត! តែខ្ញុំមិនខ្វល់បើនាងប៉ះពាល់ យើងៗក៏មិនទុកមុខឱ្យដែរ !
ទាំងខ្ញុំកំពុងមានទុក្ខធំ ហើយជួបរឿងមិនគួរជួប និងរឿងរ៉ាវអយុត្តិធម៌សម្រាប់ជីវិតរបស់ខ្ញុំ យើងមិនទាន់រករឿងនាងផង ឥឡូវនាងបានចិត្តអាងប្រុសស្រឡាញ់នាងខ្លាំង ? នាងឯងមកចេញមុខមាត់ស្អីនៅពេលនេះ ? ហើយនាងនិយាយអ្វីក៏គេជឿ ព្រោះតែពេលនេះខាងប្រុសកំពុងងប់ងល់ស្រឡាញ់នាងឯងខ្លាំង នាងបានចិត្ត នាងហ៊ានមើលងាយយើងជាប្រពន្ធ ។
កុំឱ្យខ្ញុំដល់កណានាង ។ មិនយូរទេយើងនឹងបង្ហាញមុខមាត់ពិតរបស់នាងហើយ ។ ធ្វើអីក៏ធ្វើទៅនាងបានស្រួលហើយនាង តែសូមកុំឱ្យតែប៉ះពាល់ខ្ញុំទៅបានហើយនាងរៀបការជាមួយនឹងលោកសុវណ្ណ មករា ពេលណា បាននាងថាលោកមករាជាប្តីនាង ពេញៗមាត់ ? ពេលខ្ញុំសួរ នាងៗនិយាយថា មករាប្រាប់ថា ស្រឡាញ់នាងទុកដូចប្រពន្ធ ។ ខ្ញុំចាប់នាងបានដំបូង នាងហ៊ានស្បថឱ្យធរណីស្រូប និងឱ្យងាប់មួយពូជនាង ?
បើនាងបានយកប្តីរបស់យើងបានអីនាងខ្លាចស្បថ ព្រោះម៉ែឪ គ្រួសារនាងកាត់កាល់នាងចោល ព្រោះតែនាងធ្វើចរិតធូរថ្លៃដល់ថ្នាក់គេទទួលយកលែងបាន ហើយដើរប្រាប់គេឯងថា នាងរត់ចេញពីផ្ទះ ព្រោះចង់រកប្រាក់ដោយខ្លួនឯង ។ តាមពិតគ្រួសារដេញចេញសោះ ព្រោះនាងខូចពេក ប្រដៅមិនបាន លែងស្តាប់ម៉ែឪ បងប្អូនហើយ ។ ព្រោះតែចរិត និងឈាមថោកសូម្បីមានសង្សារពីរបី ប្រុសដេកជាមួយរាប់ភ្លេចក៏គេមិនយកនាងជាប្រពន្ធផង ព្រោះចរិតនាងធូរថ្លៃពេក តែបើលោកមករាទ្រាំនឹងនាងបាន ចាត់ទុកថានាងមហាអស្ចារ្យ ជាងប្រុស មុនៗរបស់នាងហើយ ទោះក្នុងករណីបែបណាក៏ដោយ តើនាងជាស្រីល្អ ឬកូនល្អក្នុងគ្រួសារនាងដែរឬទេ? ចូលដល់ប្តីខ្ញុំនិយាយសួរនាង ចុះឡើងៗនាង សារភាពថាបានទាក់ទងគ្នានិងបានដេកជាមួយគ្នាមែន ។ អីុចឹងហេតុអីនាងហ៊ានស្បថបំពាន? នាងភ្លេចស្បថ ហ៊ានបំពានប៉ុណ្ណឹងទៅហើយ! ចុះមានរឿងអីដែលនាងមិនហ៊ានធ្វើទៅលើប្រពន្ធដើមគេ ? និងមិនហ៊ាននិយាយពីក្រោយខ្នងប្រពន្ធដើមគេ ។ ខាងប្រុសរឹតតែមិនជឿ ព្រោះភាពពុតនិងមាយា កលល្បិចរបស់នាង ធ្វើឱ្យគេអាណិត ធ្វើស្លូតបូតមុខ ប្រុសៗ តែក្រោយខ្នងពិលពុល ។
សម្រាប់ខ្ញុំជាប្រពន្ធសម្តីស្តីហាចោល មិនគុំកួន ។ នាងថាបានដេកតែមួយដងទេ ! នាងនិយាយថានាងមិនខ្លាច យើងៗក៏មិនឱ្យនាងខ្លាចខ្ញុំដែរ តែខ្ញុំចង់ឱ្យនាងដឹងថា អ្វីគឺជាអ្វី ។ ហើយយើងក៏មិនទុកមុខឱ្យនាងដែរ ! សូមជម្រាបទុកជាមុន ចាំទុកនាង Ya baby profile Facebook របស់នាងចោមច័ន្ទ ហៅរាជិនីតារាម៉ូដែល ហៅរាជិនីផ្នែកពូកែយកឫកពា យកប្តីគេ ឱ្យភ្នែក ។ ភ្នែកមាន់ព្រៃឃើញប្រុសមិនបាន ឱ្យតែទាក់បានគេស្រឡាញ់ខ្លួន គឺសប្បាយចិត្តហើយ។ ដំបូងថាទាក់ត្រឹមកូនចៅក្នុងផលិតកម្មទេ តែចៃដន្យស្ទូចបានត្រីធំបានចិត្តបណ្តោយ» ។
អ្នកនាងឈិន សុធារី ធ្លាប់អះអាងថា ចំណងជាប្តីប្រពន្ធរវាងនាង និងលោកសុវណ្ណ មករា ឈានដល់ផ្លូវបែកបាក់មិនអាចស្រោចស្រង់បាន បន្ទាប់ពីលោកសុវណ្ណ មករា សម្រេចចិត្តចុះចេញពីផ្ទះ ព្រោះពាក់ព័ន្ធនារីជាតារាម៉ូដែលម្នាក់នោះ ។
ឈិន សុធារី ឱ្យដឹងថា លោកសុវណ្ណ មករា និងស្រីកំណាន់នោះបានទាក់ទងគ្នាមួយរយៈមកហើយ ដោយនារីម្នាក់នោះក៏ធ្លាប់ផ្ទុះជម្លោះជាមួយនាងម្ដងដែរ ប៉ុន្តែជម្លោះនោះនៅតែមិនអាចបំបែកស្នេហ៍ពួកគេបាន ។ អស់ពីប្រើធម៌ក្ដៅ នាងបានជជែកជាមួយនារីម្នាក់នោះ ហើយលទ្ធផលចុងក្រោយគឺនាងប្រកាសថា ស្រឡាញ់លោកសុវណ្ណ មករា ដែលធ្វើឱ្យនាងនិយាយលែងចេញ ។ គាប់ជួនជាលោកសុវណ្ណ មករា ក៏ងប់ស្រឡាញ់នារីនោះនិយាយអ្វីមិនបាននោះផង ទើបរឿងរ៉ាវចេះតែរីកធំឡើង ។
បើតាមអ្នកនាងឈិន សុធារីថា ការបែកបាក់នេះប្រហែលផ្សះផ្សាមិនបានទេ ហើយនាងនឹងអាចពិចារណារឿងប្ដឹងលែងលះគ្នាឱ្យដាច់ស្រេច ក្រោយពីលោកសុវណ្ណ មករាចុះចោលនាងមក ៕
ចែករំលែកព័តមាននេះ