សម្ដេចតេជោ ហ៊ុន សែន ៖ គោលនយោបាយវិនិយោគកម្ពុជា គឺអ្នកវិនិយោគណាមកមុន ទទួលយកមុន
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសថា គោលនយោបាយវិនិយោគរបស់កម្ពុជា អ្នកវិនិយោគណាមកមុន គឺទទួលមកមុន…
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសថា គោលនយោបាយវិនិយោគរបស់កម្ពុជា អ្នកវិនិយោគណាមកមុន គឺទទួលមកមុន…
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសថា គោលនយោបាយវិនិយោគរបស់កម្ពុជា អ្នកវិនិយោគណាមកមុន គឺទទួលមកមុន ឬត្រីណាមកមុន គឺចាប់យកមុន ដោយមិនប្រកាន់ត្រីតូច ឬត្រីធំឡើយ ។
សម្តេចតេជោ ហ៊ុន សែន នាយករដ្ឋមន្ត្រី បានថ្លែងក្នុងពិធីអបអរសាទរខួប១១ឆ្នាំ នៃប្រតិបត្តិការរបស់ក្រុមហ៊ុនមីនេបៀ Minebea Cambodia របស់ជប៉ុន នៅកម្ពុជា នាថ្ងៃទី១ ខែធ្នូ ឆ្នាំ២០២២ សម្តេចមានជំនឿចិត្ត ជាចំណុចពិសេស នៃការរីកលូតលាស់របស់ក្រុមមីនេបៀរបស់ជប៉ុន នៅកម្ពុជា ។
សម្តេចតេជោ បានរំលឹកថា កន្លងមកនេះ មានក្រុមហ៊ុនមួយ បានស្នើឲ្យសម្តេច បញ្ឈប់ការវិនិយោគរបស់ក្រុមហ៊ុនមីនេបៀនៅកម្ពុជា កាលពីឆ្នាំ២០១០ តែត្រូវបានសម្តេចបញ្ជាក់ទៅវិញថា សម្តេចមិនអាចបំពានការសម្រេចរបស់សម្តេច បាននោះឡើយ ។
សម្តេចតេជោ បានបង្ហាញនូវក្តីរីករាយ ដែលបានរួមចំណែកឲ្យក្រុមហ៊ុនមីនេបៀ នៅកម្ពុជាមានការរីកចម្រើន ជាមួយនឹងទុនកើនដល់ ៦០០លានដុល្លារ និងមានមានកម្មករបម្រើការងាររហូតដល់ ៦ពាន់នាក់នេះ ។
សម្តេចតេជោបានបញ្ជាក់ថា៖ «គោលនយោបាយវិនិយោគរបស់កម្ពុជាគឺ ត្រីណាមកមុនចាប់យកមុន គឺមិនប្រកាន់ត្រីតូច ឬត្រីធំនោះទេ» ។
ជាមួយគ្នានោះដែរសម្តេចតេជោ ក៏បានថ្លែងកោតសរសើរភាពសុខដុមរវាងរោងចក្រមីនេបៀ និងកម្មកររោងចក្រ ដោយមិនដែលមានផ្ទុះបាតុភាពអ្វីទាំងអស់ជាមួយកម្មករ ។ សម្តេចតេជោ ហ៊ុន សែន បានកត់សម្គាល់ថា ភាពសុខដុមនៅក្រុមហ៊ុនមីនេបៀ ជាពិសោធន៍ល្អ នៃការគ្រប់គ្រង។ សម្តេចតេជោ បានណែនាំរោងចក្រនានា យកពិសោធន៍គ្រប់គ្រងពីក្រុមហ៊ុនមីនេបៀ ។
សម្តេចតេជោ ហ៊ុន សែនក៏បានថ្លែងថា កត្តាសំខាន់បំផុត ដែលនាំឱ្យក្រុមហ៊ុនទាំងអស់អាចបន្តវិនិយោគនៅកម្ពុជា គឺត្រូវការចាំបាច់បំផុត គឺសុខសន្តិភាព និងស្ថេរភាពនយោបាយ ៕
ចែករំលែកព័តមាននេះ