ឆែកឃើញបង្កួយក្នុងអាវទ្រនាប់របស់អ្នកបើកបរស្រវឹង
តាមប្រភពព័ត៌មាន Metro បានឲ្យដឹងថា អ្នកបើកបរស្រវឹងដែលបានបើកបុកចូលក្នុងសួនច្បារ ត្រូវបានរកឃើញថា មានសត្វបង្កួយនៅក្នុងអាវទ្រនាប់ បន្ទាប់ពីត្រូវចាប់ខ្លួន។
អ្នកកាន់ដៃចង្កូត
អាមេរិក ៖ តាមប្រភពព័ត៌មាន Metro បានឲ្យដឹងថា អ្នកបើកបរស្រវឹងដែលបានបើកបុកចូលក្នុងសួនច្បារ ត្រូវបានរកឃើញថា មានសត្វបង្កួយនៅក្នុងអាវទ្រនាប់ បន្ទាប់ពីត្រូវចាប់ខ្លួន។
អ្នកកាន់ដៃចង្កូត Amy Rebello-McCarthy អាយុ៣៩ឆ្នាំ បានបើកបុកប្រអប់សំបុត្រអស់៦ និងរថយន្តផ្សេងៗទៀត មុនពេលមកបុកចូលក្នុងសួនច្បារ។
អ្នករួមដំណើរជាមួយនាង ឈ្មោះ Marvin Kyewalyanga បានព្យាយាមបើកគេចយករួចខ្លួន ទោះបីជាកង់ទាំង៤ត្រូវបានបែកក៏ដោយ។
នៅពេលប៉ូលិសមកដល់កន្លែងកើតហេតុ នាងបានប្រាប់ប៉ូលិសថា មានសត្វបង្កួយនៅក្នុងអាវទ្រនាប់របស់នាង។ ពួកនាងទាំងពីរនាក់បានប្រើប្រាស់សម្តីមិនសមរម្យជាមួយនឹងប៉ូលិស ហើយធ្វើដូចជាគ្មានរឿងអ្វីធំដុំកើតឡើង។
ទាំង Amy និង Marvin មានស្រវឹងប៉ោឡែមិនដឹងអី ទាំងសម្តី និងកាយវិការរបស់ពួកនាង។ នាងថែមទាំងបានឈរជក់បារីនៅជិតឡានដែលកំពុងធ្លាយហូរសាំងចេញមកក្រៅទៀតផង។
សត្វបង្កួយដែលបានយកចេញពីអាវទ្រនាប់របស់ Amy ប៉ូលិសបានយកវាទៅឲ្យខាងរក្សាទុក ។
នារីភេទទាំងពីរនាក់ ត្រូវបានចាប់ខ្លួនពីបទបើកបរក្រោមឥទ្ធិពលគ្រឿងស្រវឹង បើកបរគ្រោះថ្នាក់ និងការបំពានលើគំនូរបែងចែកផ្លូវ។ ជាពិសេសនៅពេលប៉ូលិសឲ្យពួកគេផ្លុំពិនិត្យមើលអាល់កុល កម្រិតអាល់កុលមានលើសពីច្បាប់ដល់ទៅ២ដង៕
ចែករំលែកព័តមាននេះ