របស់ហោះមួយដែលគេមិនស្គាល់របស់កូរ៉េខាងជើងកាលពីថ្ងៃទី២៣ ឧសភា បានហោះកាត់ព្រំដែនរវាងកូរ៉េទាំង២ ។ នេះជាការអះអាងរបស់កងទ័ពកូរ៉េខាងត្បូង ។ ឧប្បត្តិហេតុនេះកើតមានខណៈ
របស់ហោះមួយដែលគេមិនស្គាល់របស់កូរ៉េខាងជើងកាលពីថ្ងៃទី២៣ ឧសភា បានហោះកាត់ព្រំដែនរវាងកូរ៉េទាំង២ ។ នេះជាការអះអាងរបស់កងទ័ពកូរ៉េខាងត្បូង ។ ឧប្បត្តិហេតុនេះកើតមានខណៈក្រុងព្យុងយ៉ាងបង្កើនការបាញ់សាកល្បងមីស៊ីលបាលីស្ទិក ។
ទីភ្នាក់ងារព័ត៌មានកូរ៉េខាងត្បូង YONHAP រាយការណ៍ថា កងទ័ពបានបាញ់ព្រមានប្រឆាំងរបស់ហោះមិនស្គាល់មួយហោះមកពីកូរ៉េខាងជើង ។ តាម YONHAP ថា បន្ទាប់ពីហោះកាត់តំបន់ហាមមិនឱ្យមានកងទ័ពដែលកំណត់ព្រំដែនជាមួយកូរ៉េខាងជើងរបស់នេះបានហោះចូលក្នុងដែនអាកាសកូរ៉េខាងត្បូង ។ ឧប្បត្តិហេតុនេះកើតមាននាវេលាម៉ោង១៦ នៅខេត្ត GANGWON ។ ការវិភាគនានាបច្ចុប្បន្នកំពុងធ្វើដើម្បីកំណត់អត្តសញ្ញាណនៃរបស់ហោះនោះ ។ តាម YONHAP ដែលដកស្រង់ប្រភពយោធាថា របស់នេះអាចជាយន្តហោះគ្មានមនុស្សបើកមួយ ។
ឧប្បត្តិហេតុកើតមាន២ថ្ងៃក្រោយការបាញ់សាកមីស៊ីលថ្មីរបស់កូរ៉េខាងជើងដែលហោះហើរបានចម្ងាយប្រមាណ៥០០គីឡូម៉ែត្រ មុនពេលធ្លាក់ក្នុងសមុទ្រជប៉ុន ៕
ចែករំលែកព័តមាននេះ