ខេត្តកំពង់ចាម ៖ និស្សិតស្រីរៀននៅសាកលវិទ្យាល័យឯកជនមួយ ត្រូវបានមិត្តប្រុសអារ.កស.ម្លា.ប់នៅក្នុងបន្ទប់ផ្ទះជួលមួយកន្លែង ស្ថិតក្នុងភូមិទី២ សង្កាត់វាលវង់ ក្រុងកំពង់ចាម ក្រោយមក ជនដៃដល់ជាឃាតករត្រូវបានកម្លាំងសមត្ថកិច្ចចាប់ខ្លួននៅក្នុងបន្ទប់ជួលនោះផងដែរ ។
លោកម៉ន ហេន ចៅសង្កាត់វាលវង្សប្រាប់ឲ្យដឹងនាព្រឹកថ្ងៃទី០១ ធ្នូ នេះថា បន្ទប់ផ្ទះជួលស្ថិតនៅអតីតផ្សារកាឡុក ។ ហើយនៅមុនពេលកើតហេតុ អ្នករងគ្រោះនិងឃាតករដៃដល់បានជិះម៉ូតូដើរលេងជាមួយគ្នានៅយប់ថ្ងៃទី៣០ វិច្ឆិកា បន្ទាប់មកក៏បាននាំគ្នាមកចូលសម្រាកនៅបន្ទប់ជួលនោះ ដល់វេលាម៉ោង២ទៅ៣យប់ទៀបភ្លឺឈានចូលព្រឹកថ្ងៃទី០១ ធ្នូ ម្ចាស់ផ្ទះជួលបានឮសំឡេងមនុស្សឈ្លោះគ្នានឹងធាក់ទ្វារបន្ទប់នោះ ពេលចុះមកមើលឃើញមានឈាមនៅក្បែរគ្រែដេក។
លោកចៅសង្កាត់វាលវង់ប្រាប់បន្តឲ្យដឹងទៀតថា ភ្លាមៗនោះម្ចាស់ផ្ទះជួលបានយកសោមកចាក់ទ្វារបន្ទប់ពីខាងក្រៅ ដើម្បីកុំឱ្យជនបង្កក្នុងបន្ទប់នោះចេញក្រៅបាន និងប្រញាប់រាយការណ៍មកកាន់ប៉ុស្តិ៍រដ្ឋបាលសង្កាត់វាលវង់ ដើម្បីឲ្យជួយអន្តរាគមន៍។
ប្រភពបានឱ្យដឹងថា ក្រោយពីបានស.ម្លាប់មិត្តស្រីរបស់ខ្លួនរួច ឃា.ត.ករបានអូសស.ពចូលទៅក្នុងបន្ទប់ទឹកដើម្បីកុំឲ្យគេដឹង ហើយបានវាយពិដានខាងលើ ដើម្បីរត់គេចខ្លួន ប៉ុន្តែមិនអាចគេចបានដោយសារតែមានរបៀបផ្ទះបាំងជាប់ពីលើ ។ សមត្ថកិច្ចវិញបានប្រាប់ឲ្យដឹងដែរថា ស្ត្រីដែលស្លា.ប់ ឈ្មោះវាត ចន្ទ្រា អាយុ១៩ឆ្នាំ រស់នៅស្រុក ។ ឃាតករឈ្មោះយឺន ម៉េងឆៀក អាយុ២០ឆ្នាំ រស់នៅភូមិដំណាក់អំពិលឃុំស្ដើងជ័យ ស្រុកជើងព្រៃ ។
កម្លាំងនគរបាលចុះមកដល់បន្ទប់ផ្ទះជួលនៅវេលាម៉ោង៤ និង៣០នាទីយប់ទៀតភ្លឺឈានចូលព្រឹកថ្ងៃទី០១ ធ្នូ២០២២ បានឡោមព័ទ្ធបន្ទប់ជាប់ និងបានបញ្ចុះបញ្ចូលរហូតដល់វេលាម៉ោង៥ទើបជនដៃដល់ជាឃាតករបានបើកទ្វារបន្ទប់ឱ្យចាប់ខ្លួនបញ្ជូនមកអធិការដ្ឋាននគរបាលក្រុងកំពង់ចាមសួរនាំ។
សមត្ថកិច្ចបញ្ជាក់ថា អ្នកស្លា.ប់និងឃាតករដៃដល់ធ្លាប់រៀនជាមួយគ្នានៅវិទ្យាល័យក្នុងស្រុកជើងព្រៃ លុះមកដល់យប់ថ្ងៃទី៣០ វិច្ឆិកា បាននាំគ្នាជិះម៉ូតូដើរលេងហូបចុកក្នុងក្រុងកំពង់ចាម ហើយតាមរយៈកោសល្យវិច្ច័យអ្នកស្លាប់មិនបានទទួលរងការរំលោភសេពសន្ថវៈនោះទេ។
ក្រោយពិនិត្យចប់សព្វគ្រប់ដោយគណៈកម្មការចម្រុះសាកសពប្រគល់ទៅឲ្យក្រុមសាច់ញាតិយកទៅធ្វើបុណ្យនៅស្រុកកំណើត។ ចំពោះមូលហេតុដែលឃា.ត.ករលើកដៃសម្លាប់មិត្តស្រីរបស់ខ្លួន សង្ស័យតែសុំអ្នករងគ្រោះរួមភេទមិនបានទើបស.ម្លា.ប់បំបិទមាត់តែម្ដង។
ចែករំលែកព័តមាននេះ