សន្លប់ឈរ! ពេលដឹងថ្លៃនឿយហត់ Ronaldo ទទួលបាន បើយល់ព្រមទៅលេងនៅលីគអារ៉ាប៊ីសាអូឌីត
កាតា ៖ ខ្សែប្រយុទ្ធគ្មានក្លិបលេង Cristiano Ronaldo ត្រូវបានរាយការណ៍ថា បានទទួលសំណើជាផ្លូវ
កាតា ៖ ខ្សែប្រយុទ្ធគ្មានក្លិបលេង Cristiano Ronaldo ត្រូវបានរាយការណ៍ថា បានទទួលសំណើជាផ្លូវការពីក្លិប Al Nassr នៅលីគកំពូលអារ៉ាប៊ីសាអូឌីត (Saudi Professional League) ដែលហ៊ានផ្តល់ថ្លៃនឿយហត់រហូតដល់ ២០០លានអឺរ៉ូក្នុងមួយឆ្នាំ សម្រាប់ប្រធានក្រុមជម្រើសជាតិព័រទុយហ្គាល់រូបនេះ លើកិច្ចសន្យារហូតដល់ឆ្នាំ ២០២៥។ គួររំលឹកថា Man UTD ប្រកាសចែកផ្លូវជាមួយ Ronaldo ស្របពេលត្រកូល Glazer សម្រេចដាក់លក់ក្លិប
ខ្សែប្រយុទ្ធវ័យ៣៧ឆ្នាំរូបនេះ បានចែកផ្លូវជាមួយក្លិប Manchester United ជាផ្លូវការ កាលពីថ្ងៃទី២២ ខែវិច្ឆិកា កន្លងទៅ បន្ទាប់ពីមានរឿងរកាំរកូសជាមួយប្រធានក្លិប និងអ្នកចាត់ការទូទៅលោក Erik ten Hag រហូតឈានដល់ការឡើងថ្លែងអំពីភាពឈឺចាប់របស់ខ្លួន នៅក្នុងបទសម្ភាសន៍កម្មវិធីទូរទស្សន៍ លោក Piers Morgan ថែមទៀតផង។ ដូច្នេះមានន័យថា បច្ចុប្បន្នគ្រប់ក្លិបទាំងអស់ អាចចុះកុងត្រានាំយកខ្សែប្រយុទ្ធ Cristiano Ronaldo បានដោយឥតគិតថ្លៃ (Free Transfer)។
បើទោះជាមានការដាក់សំណើផ្លូវការ សម្រាប់ការចង់បាន Ronaldo មកប្រកបអាជីពនៅលីគកំពូលអារ៉ាប៊ីសាអូឌីតពីសំណាក់ក្លិប Al Nassr យ៉ាងណាក៏ដោយ ប៉ុន្តែនៅមិនទាន់មានការសម្រេចចិត្តជាផ្លូវការណាមួយពី Ronaldo ត្រូវបានធ្វើឡើងនៅឡើយទេ។ ដោយខ្សែប្រយុទ្ធឆ្នើមវ័យ៣៧ឆ្នាំរូបនេះ កំពុងផ្តោតអារម្មណ៍ជាមួយព័រទុយហ្គាល់លើការប្រកួត World Cup 2022 នៅកាតា ខណៈក្រុមរហស្សនាម «បញ្ចខែល» មួយនេះ បានកក់កៅអីវគ្គ១៦ក្រុមចុងក្រោយរួចហើយ។
ខាងក្រោមនេះ ជាគណនាប្រាក់ថ្លៃនឿយហត់ ដែល Cristiano Ronaldo នឹងទទួលបាន ប្រសិនបើរូបគេសម្រេចចូលរួមជាមួយក្លិប Al Nassr ពិតប្រាកដមែន ៖
-២០០លានអឺរ៉ូ ក្នុង១ឆ្នាំ
-១៦លានអឺរ៉ូ ក្នុង១ខែ
-៣,៨លានអឺរ៉ូ ក្នុង១សប្តាហ៍
-៧៦០,០០០ ក្នុង១ថ្ងៃ
-៩៦,០០០ ក្នុង១ម៉ោង
-១,៦០០ ក្នុង១នាទី
-២៦អឺរ៉ូ ក្នុង១វិនាទី៕ (ដកស្រង់ចេញពី The Guardian)
ចែករំលែកព័តមាននេះ