បែកធ្លាយ! ព្រះនាងអនាគតស្តេចស្រីអេស្ប៉ាញ កំពុងលង់ស្នេហ៍ខ្សែបម្រើវ័យក្មេង Barca
កាតា ៖ កីឡាករវ័យក្មេង Pablo Martín Páez Gavira ដែលត្រូវបានស្គាល់ជាទូទៅថា Gavi ខ្សែបម្រើក្លិប
កាតា ៖ កីឡាករវ័យក្មេង Pablo Martín Páez Gavira ដែលត្រូវបានស្គាល់ជាទូទៅថា Gavi ខ្សែបម្រើក្លិប
កាតា ៖ កីឡាករវ័យក្មេង Pablo Martín Páez Gavira ដែលត្រូវបានស្គាល់ជាទូទៅថា Gavi ខ្សែបម្រើក្លិប Barcelona និងក្រុមជម្រើសជាតិអេស្ប៉ាញ បានស្ថិតក្នុងការចាប់អារម្មណ៍យ៉ាងខ្លាំងពីអ្នកស្នេហាវិស័យបាល់ទាត់នៅជុំវិញពិភពលោក ជាពិសេសទទួលបានការស្រឡាញ់ពេញចិត្តយ៉ាងខ្លាំងបំផុតពីសំណាក់ប្រជាជាតិអេស្ប៉ាញទាំងមូលតែម្តង។ បន្ទាប់ពីបង្ហាញទម្រង់លេងដ៏អស្ចារ្យរបស់ខ្លួន ទាំងនៅក្នុងក្របខណ្ឌលីគកំពូលអេស្ប៉ាញ (La Liga) និងព្រឹត្តិការណ៍ FIFA World Cup 2022 ដែលកំពុងបន្តការប្រកួតយ៉ាងជក់ចិត្តជាទីបំផុត នៅប្រទេសកាតា។
យោងតាមប្រភពពីប្រព័ន្ធផ្សព្វផ្សាយអេស្ប៉ាញជាច្រើនបានឱ្យដឹងថា ក្រៅពីទទួលបានការស្រឡាញ់ពីប្រជាជាតិអេស្ប៉ាញទាំងមូលនោះ Gavi ដែលមានអាយុ១៨ឆ្នាំ ក៏ត្រូវបានរាយការណ៍ថា ទទួលបានការស្រឡាញ់ពេញចិត្តយ៉ាងខ្លាំងពីសំណាក់ព្រះនាង Leonor នៃប្រទេសអេស្ប៉ាញ ដែលជារជ្ជទាយាទស្នងរាជ្យបល្ល័ង្កនាពេលអនាគត បន្ទាប់ពីព្រះអង្គម្ចាស់ Felipe ទី៦ ដែលជាព្រះបិតារបស់ព្រះនាង។
ព្រះបិតារបស់នាង Leonor គឺអង្គម្ចាស់ Felipe ទី៦ ព្រះមហាក្សត្រនៃអេស្ប៉ាញ ហើយកាលពីពេលថ្មីៗនេះ ព្រះអង្គទើបបានទទួលអាវ ដែលចុះហត្ថលេខាដោយ Gavi ដោយផ្ទាល់តែម្តង នៅក្នុងបន្ទប់ផ្លាស់សំលៀកបំពាក់របស់ក្រុមជម្រើសជាតិអេស្ប៉ាញ កាលពីថ្ងៃទី២៣ ខែវិច្ឆិកា កន្លងទៅ បន្ទាប់ពីក្រុមរហស្សនាម «គោជល់» មួយនេះ បានឈ្នះលើក្រុមកូស្តារីកា នៅក្នុងពូល E នៃព្រឹត្តិការណ៍ World Cup 2022។
អាវនេះ ត្រូវបានគេនិយាយថា មានទំហំតូចជាងព្រះកាយព្រះអង្គ Felipe ទី៦ ដែលនាំឱ្យមានរបាយការណ៍ជាច្រើនអះអាងថា ព្រះអង្គទំនងជាយកអាវនេះ ធ្វើជាកាដូយ៉ាងពិសេស សម្រាប់ព្រះនាង Leonor ដែលត្រូវបានគេដឹងថា ជាអ្នកគាំទ្រដ៏ស្មោះស្ម័គ្ររបស់ Gavi ហើយតាមរយៈសកម្មភាពនេះ ប្រព័ន្ធផ្សព្វផ្សាយជាច្រើនបានធ្វើការអះអាងថា ព្រះនាង Leonor កំពុងធ្លាក់ក្នុងអន្លង់ស្នេហ៍អ្នកកំលោះស្រស់សង្ហា Gavi ដែលជារាស្ត្រសាមញ្ញម្នាក់។
ដោយឡែក មតិជាច្រើនផ្ទុះឡើងនៅលើបណ្តាញទំនាក់ទំនង ជុំវិញប្រធានបទស្នេហា ដែលត្រូវផ្គូរផ្គង់រវាងព្រះនាង Leonor នឹងអ្នកកំលោះ Gavi ហើយមតិខ្លះទៀត បានលើកឡើងថា ព្រះនាង Leonor និង Gavi ពិតជាសក្តិសមគ្នាជាទីបំផុត ខណៈដែលមិតផ្សេងទៀតបានលើកឡើងថា Gavi ពីក្មេងប្រុសគ្មាននរណាម្នាក់ស្គាល់ ប្រែទៅជាកីឡាករវ័យក្មេងដ៏ឆ្នើមរបស់ Barcelona និងអេស្ប៉ាញ ដែលត្រៀមក្លាយជាស្តេច១ព្រះអង្គ នាពេលអនាគត។
សូមជម្រាបថា ព្រះនាង Leonor ប្រសូត្រនៅថ្ងៃទី៣១ ខែតុលា ឆ្នាំ២០០៥ បច្ចុប្បន្នមានព្រះជន្ម១៧ព្រះវស្សា ដោយមានព្រះមាតាជាម្ចាស់ក្សត្រី Letizia និងព្រះបិតាជាព្រះអង្គ Felipe ទី៦។ ព្រះនាងមានព្រះអនុជមួយព្រះអង្គ គឺព្រះនាង Infanta Sofía បច្ចុប្បន្នព្រះជន្ម១៥ព្រះវស្សា។
ដោយឡែក ខ្សែបម្រើ Gavi កើតនៅថ្ងៃទី០៥ ខែសីហា ឆ្នាំ២០០៤ រូបគេបានចូលរួមជាសាលាថ្នាលហ្វឹកហាត់បាល់ទាត់ La Liara នៅឆ្នាំ ២០១០ ហើយបានបន្តផ្លាស់ទៅសាលាថ្នាលរបស់ក្លិប Real Betis នៅឆ្នាំ ២០១៣ មុនបន្តផ្លាស់មកចូលរួមសាលាថ្នាលរបស់ក្លិប Barcelona នៅឆ្នាំ ២០១៥។ Gavi បានបង្ហាញខ្លួនជាមួយក្រុមឈុតធំ Barcelona កាលពីរដូវកាលមុន ព្រមទាំងត្រូវបានកោះហៅចូលក្រុមឈុតធំរបស់អេស្ប៉ាញផងដែរ បន្ទាប់ពីធ្លាប់បានលេងឱ្យឈុតយុវជន U15 U16 និង U19 ៕
ចែករំលែកព័តមាននេះ