ធ្វើដំណើរពេលរាត្រីសូមប្រយ័ត្ន…
ខេត្តព្រះស៊ីហនុ ៖ នៅស្រុកព្រៃនប់ ម៉ោង០៨និង៤០នាទីយប់ ថ្ងៃ២៣ ខែឧសភា ឆ្នាំ២០១៧នេះ មានករណីគ្រោះថ្នាក់ចរាចរមួយកើតឡើងលើផ្លូវជាតិលេខ៤ ចន្លោះគីឡូម៉ែត្រ១៦៦ និង១៦៧ ស្ថិតនៅភូមិតានៃ ឃុំជើងគោ ស្រុកព្រៃនប់ ខេត្តព្រះសីហនុ ។ គ្រោះថ្នាក់នេះបានកើតឡើងរវាងរថយន្ត និងម៉ូតូ មានទិសដៅបញ្ច្រាស់គ្នា រថយន្តម៉ាក PAJERO ពណ៏ទឹកប៉ិចឆ្នូទឹកប្រាក់ ស្លាក់លេខ ភ្នំពេញ ២A-០២៩៥ អ្នកបើកបរឈ្មោះ នឹម ខារុំសា ភេទប្រុស អាយុ៥៣ឆ្នាំ មុខរបរបើកបរ មានទីលំនៅផ្ទះលេខ៥៨E១ ផ្លូវ២៣០ ភូមិ១១ សង្កាត់ផ្សាដើមគរ ខណ្ឌទួលគោក រាជធានីភ្នំពេញ(រងរបួសស្រាល) ប្រពន្ធ អ្នកបើកបរ និងកូន(គ្មានរងរបួស) មកដល់ចំណុចកើតហេតុខាងលើ រថយន្តបានបុកជាមួយម៉ូតូ ម៉ាក C១២៥ ពណ័ខ្មៅ ស៊េរី២០១៧ គ្មានស្លាក់លេខ អ្នកបើកបរម៉ូតូឈ្មោះ ង៉ែត ក្តិប ភេទប្រុស អាយុ៣៦ឆ្នាំ មុខរបរកសិករមានទីលំនៅភូមិអណ្តូងថ្ម ឃុំអណ្តូងថ្ម ស្រុកព្រៃនប់ ខេត្តព្រះសីហនុ(រងរបួសធ្ងន់) ចំណែកជនរងគ្រោះត្រូវបានកម្លាំង៤០១ ជួយសង្គ្រោះទៅមន្ទីរពេទ្រឯកជនវាលរេញ អ្នកបើកបរ និងវត្ថុតាង ត្រូវបាននគរបាលចរាចរណ៍ស្រុកព្រៃនប់យករក្សាទុក ដើម្បីចាត់ចែងតាមច្បាប់ ។
ចែករំលែកព័តមាននេះ