មិនដឹងជាបើកប្រញាប់ទៅណាទាំងខ្លួនឯងស្រវឹងជោកជាំ
រាជធានីភ្នំពេញ ៖ បុរសម្នាក់ស្រវឹងស្រាជោកជាំជិះម៉ូតូក្នុងល្បឿនលឿនរេចង្កូតទៅបុកនឹងខឿនសួនច្បារពុះចែកទ្រូងផ្លូវ
រាជធានីភ្នំពេញ ៖ បុរសម្នាក់ស្រវឹងស្រាជោកជាំជិះម៉ូតូក្នុងល្បឿនលឿនរេចង្កូតទៅបុកនឹងខឿនសួនច្បារពុះចែកទ្រូងផ្លូវ
រាជធានីភ្នំពេញ ៖ បុរសម្នាក់ស្រវឹងស្រាជោកជាំជិះម៉ូតូក្នុងល្បឿនលឿនរេចង្កូតទៅបុកនឹងខឿនសួនច្បារពុះចែកទ្រូងផ្លូវបណ្តាលឱ្យរងការបែកមុខបែកមាត់កាលពីវេលាម៉ោង១០យប់ថ្ងៃទី២៣ ខែឧសភា ឆ្នាំ២០១៧ ស្ថិតតាមបណ្តោយផ្លូវ២០០៤ ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិសែនជ័យ ។ ជនរងគ្រោះមានឈ្មោះ យៀង សុរិទ្ធី ភេទប្រុស អាយុ២៧ឆ្នាំ មុខរបរជាងផ្សារដែក ស្នាក់នៅភូមិទ្រា១ សង្កាត់ស្ទឹងមានជ័យ ខណ្ឌមានជ័យ ជិះម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០១៤ បិទតែមស៊េរីឆ្នាំ២០១៥ ពណ៌ខ្មៅពាក់ស្លាកលេខ បន្ទាយមានជ័យ1F -7674 ទើបតែចេញមកពីម្តុំចោមចៅត្រឡប់ទៅផ្ទះវិញនៅម្តុំលូ៥ តាមបណ្តោយផ្លូវ២០០៤ ក្នុងទិសដៅពីលិចទៅកើត ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០១៤ បិទតែមស៊េរីឆ្នាំ២០១៥ជិះដោយបុរសម្នាក់ក្នុងល្បឿនយ៉ាងលឿនហើយស្រវឹងជោកជាំធ្វើដំណើរតាមបណ្តោយផ្លូវ២០០៤ ក្នុងទិសដៅពីលិចទៅកើត ខណៈមកដល់ត្រង់ចំណុចកើតហេតុដោយសារតែស្រវឹងខ្លាំងពេកអ្នកបើកបរ បាត់បង់ភាពជាម្ចាស់ការលើខ្លួនឯងក៏រេចង្កូតជ្រុលទៅបុកនឹងខឿនសួនច្បារពុះចែកទ្រូងផ្លូវពេញទំហឹងបណ្តាលឱ្យដួលបែកមុខបែកមាត់ និងបែកខឿនសួនច្បារអស់មួយផ្ទាំងបន្តិច ។
ក្រោយពេលកើតហេតុរថយន្តសង្គ្រោះបន្ទាន់របស់គ្លីនិកឯកបានមកដឹកជនរងគ្រោះយកទៅព្យាបាលប៉ុន្តែជនរងគ្រោះបានប្រកែកមិនព្រមឡើងរថយន្តទៅព្យាបាលទេសុខចិត្តទាក់ទងទៅសាច់ញាតិរបស់គាត់ឱ្យមកទទួលយកម៉ូតូ និងរូបគាត់ត្រឡប់ទៅផ្ទះវិញ ៕
ចែករំលែកព័តមាននេះ