ការរៀបការភេទដូចគ្នា ត្រូវតុលាការជប៉ុនបន្តហាមឃាត់
ជប៉ុន ៖ តុលាការទីក្រុងតូក្យូបានតម្កល់ការហាមឃាត់ការរៀបការភេទដូចគ្នានៅក្នុងប្រទេសជប៉ុន
ជប៉ុន ៖ តុលាការទីក្រុងតូក្យូបានតម្កល់ការហាមឃាត់ការរៀបការភេទដូចគ្នានៅក្នុងប្រទេសជប៉ុន
ជប៉ុន ៖ តុលាការទីក្រុងតូក្យូបានតម្កល់ការហាមឃាត់ការរៀបការភេទដូចគ្នានៅក្នុងប្រទេសជប៉ុន ប៉ុន្តែតុលាការក៏បាននិយាយផងដែរថា ការហាមឃាត់នោះជាការរំលោ.ភសិទ្ធិមនុស្ស។
បច្ចុប្បន្ន ជប៉ុនគឺជាប្រទេសតែមួយគត់នៃសមាជិកប្រទេស G7 ដែលមិនទទួលស្គាល់ការរៀបការភេទដូចគ្នា។
អ្នកធ្វើយុទ្ធនាការបានស្វាគមន៍ចំពោះសេចក្តីសម្រេចរបស់តុលាការថាជាការបង្ហាញដល់រដ្ឋាភិបាលថា ខ្លួនត្រូវការកែប្រែច្បាប់។
«នេះជាការសម្រេចដ៏វិជ្ជមានមួយ។ ខណៈការរៀបការនៅបន្តរវាងស្ត្រី និងបុរស… តុលាការក៏បាននិយាយផងដែរថា ស្ថានភាពបច្ចុប្បន្នដែលគ្មានការការពារផ្លូវច្បាប់សម្រាប់គ្រួសារស្រឡាញ់ភេទដូចគ្នាមិនល្អទេ ដោយបានស្នើថាត្រូវតែធ្វើអ្វីសម្រាប់វា»។ នេះជាការថ្លែងរបស់មេធាវីម្នាក់ឈ្មោះ Nobuhito Sawasaki ប្រាប់ទីភ្នាក់ងារសារព័ត៌មាន Reuters។
គណបក្សកាន់អំណាចរបស់នាយករដ្ឋមន្ត្រីជប៉ុនលោក Fumio Kishida មិនបានបង្ហាញពីផែនការផ្លាស់ប្តូរ ឬពិនិត្យមើលច្បាប់នេះទេ ទោះបីជាសមាជិកជាន់ខ្ពស់មួយចំនួនគាំទ្រអាពាហ៍ពិពាហ៍ស្រឡាញ់ភេទដូចគ្នា និងសហជីពក៏ដោយ។
សូមបញ្ជាក់ថា នៅក្នុងការសម្រេចរបស់តុលាការកាលពីថ្ងៃពុធ ទី ៣០ វិច្ឆិកាម្សិលមិញនេះ ចៅក្រោមបានច្រានចោលករណីនេះ ប៉ុន្តែក៏បាននិយាយផងដែររថា ការរារាំងគូស្នេហ៍ស្រឡាញ់ភេទដូចគ្នាពីការរៀបការគឺមិនសមហេតុផល។
មេធាវី និងអ្នកស្រឡាញ់ភេទដូចគ្នាដែលពាក់ព័ន្ធនឹងករណីនោះ បានស្វាគមន៍ចំពោះការសម្រេចរបស់តុលាការថាជាការណែនាំពីគំនិតថ្មី ដោយពួកគេជំរុញឱ្យរដ្ឋាភិបាលបង្កើតច្បាប់ជាបន្ទាន់ដើម្បីបន្ធូរបន្ថយបញ្ហា៕ (យោងតាមប្រភព៖ BBC & Reuters)
ចែករំលែកព័តមាននេះ