តារាសម្តែង និងពិធីការិនីរូបស្រស់នាង ណា សាឌី បានព្រលយសារយ៉ាងចាក់ដោតទៅកាន់អ្នកដែលចូលចិត្តដើរនិយាយអាក្រក់ពីនាង ទាំងដែលមិនបានដឹងពីដំណើរជីវិតនាងច្បាស់លាស់។ គេមិនដឹងថា
រាជធានីភ្នំពេញ ៖ តារាសម្តែង និងពិធីការិនីរូបស្រស់នាង ណា សាឌី បានព្រលយសារយ៉ាងចាក់ដោតទៅកាន់អ្នកដែលចូលចិត្តដើរនិយាយអាក្រក់ពីនាង ទាំងដែលមិនបានដឹងពីដំណើរជីវិតនាងច្បាស់លាស់។ គេមិនដឹងថា ការបញ្ចេញសារបង្ហោះតាមបណ្តាញសង្គមពីតារាស្រីរូបនេះសំដៅទៅលើអ្នកណា និងមានរឿងហេតុអ្វីដែលនាំអោយនាងខឹងត្រឡោតបែបនេះនោះទេ។
ស្រីស្អាត ណា សាឌី បានបង្ហោះសារថា «ជូនចំពោះអ្នកពូកែវែកញែកពីជីវិតរបស់ខ្ញុំ អរគុណដែលបានស្គាល់ខ្ញុំ នឹងតាមដានជីវិតរបស់ខ្ញុំកន្លងមក ហើយរឹតតែអរគុណដែលគ្រាន់តែលឺឈ្មោះរបស់ខ្ញុំនៅកន្លែងណា តែងតែទៅប្រាប់គេគ្រប់គ្នាថា ខ្ញុំជាមនុស្សបែបម៉េច ជំនួសខ្ញុំជាម្ចាស់ខ្លួនឯង»។
នាងបញ្ជាក់ថា «ខ្ញុំចង់ប្រាប់អ្នកដែលធ្លាប់និយាយពីខ្ញុំកន្លងមកថា ធ្វើល្អបានល្អ អំពើល្អនឹងនាំឲ្យម្នាក់នោះជោគជ័យ ចឹងសូមអ្នកក្រឡេកមើលពីជីវិតរបស់ខ្ញុំថា តាំងតែពីពេលអ្នកនិយាយអាក្រក់ពីខ្ញុំ ពន្លើសរឿងខ្ញុំគ្រប់សព្វនេះ តើខ្ញុំធ្លាប់ធ្លាក់ដល់០ និងវេទនាម្តងណាទេ?»។
បើតាមស្រីស្អាត ណា សាឌី ថា «អ្នកមានសិទ្ធិវា.យតម្លៃខ្ញុំជាមនុស្សប្រភេទណាក៏បាន ពីព្រោះខ្ញុំជាមនុស្សរបស់មហាជន ប៉ុន្តែសូមកុំក្រឡាស់អណ្តាតពន្លើសពីខ្ញុំខ្លាំងពេក ហាហា ប្រយ័ត្នណា រឿងអាក្រក់ដែលអ្នកនិយាយពន្លើសពីខ្ញុំអាចធ្លាក់ដល់ខ្លួនអ្នកផ្ទាល់ បងប្អូន កូនក្មួយ និងគ្រួសាររបស់អ្នកវិញចា៎»។
នាងថា «លាងខ្លួនឯងឲ្យស្អាតសិន មុននឹងដើរនិយាយអាក្រក់ពីខ្ញុំ ប្រយ័ត្នរលួយទាំងមិនដឹងខ្លួនចា៎។ កម្មពៀរមានពិតណា អ្នកសាងអីមកលើខ្ញុំ បាបកម្មគ្រប់សព្វនឹងធ្លាក់លើអ្នកវិញឆាប់ៗនេះឯងហើយគុណទ្វេរ»។
នាងបន្ថែមថា «មនុស្សខ្ញុំជាមនុស្សសំដីត្រង់ ចរិតលះៗ ធ្វើអីគឺធ្វើអស់ពីចិត្ត មិនដែលលាក់ពុត ចឹងបានគេចេះតែថាខ្ញុំមនុស្សអាក្រក់ ចរិតមិនល្អ ប្រវត្តិមិនល្អ។ ប្រយ័ត្នណា អ្នកស្លួតៗ សុភាពរាបសារ និយាយតិចៗ ផ្អែមៗ មិនដែលមានរឿងអាស្រូវហ្នឹង ប្រយ័ត្នមានរឿងលើសខ្ញុំគុណនឹង១០ ហើយស្អុយរលួយថែមទៀត»។
នាងបន្ថែមទៀតថា «ពាក្យចាស់ពោលថា «មឹសៗកេះឆ្នាំងបាយធ្លុះ»។ សូមក្រឡេកមើលបច្ចុប្បន្នកាលរបស់នាងខ្ញុំបន្ថែមទៀតថា ខ្ញុំដល់ណាហើយពេលនេះ? Where am I right now ? ងាយៗស្រួលណា ធំៗអស់ហើយ មេត្តាយកខួរក្បាល និងចំណេះដឹងដែលបានរៀនពីសាលាថ្លៃៗយកទៅគិតផងចា៎។ មានខួក្បាលមួយដូចគ្នា ឧស្សាហ៍យកទៅប្រើផង ប្រយ័ត្នចាញ់ឆ្កែខ្ញុំ កូន daisy brownie វាឆ្លាត ហើយចេះគិតជាងអ្នកផងក៏ថាបាន។ សុំទោសទៅកាន់អ្នកគាំទ្រខ្ញុំទាំងអស់សម្រាប់ការប្រលប្រាស់ពាក្យសំដីមិនល្អនៅលើ status មួយនេះ»៕
ចែករំលែកព័តមាននេះ