រថយន្ត2គ្រឿងបើកកៀរគ្នាសង120ដុល្លារបញ្ចប់រឿង
រាជធានីភ្នំពេញ ៖ បុរសម្នាក់បានបើករថយន្តសាំយ៉ុងគេចពីរ៉ឺម៉កម៉ូតូមួយគ្រឿងដែលជិះបញ្ច្រាសទិសគ្នាក៨ជ្រុលទៅកៀរ
រាជធានីភ្នំពេញ ៖ បុរសម្នាក់បានបើករថយន្តសាំយ៉ុងគេចពីរ៉ឺម៉កម៉ូតូមួយគ្រឿងដែលជិះបញ្ច្រាសទិសគ្នាក៨ជ្រុលទៅកៀរ នឹងរថយន្តម៉ាកកាមរីឆ្លាមដែលចតស្ងៀមក្នុងទិសដៅស្របគ្នាបណ្តាលឱ្យរថយន្តទាំងពីរគ្រឿងគៀបជាប់គ្នារងកាខូចខាតបន្តិចបន្តួច ហេតុការណ៍នេះកើតឡើងនៅវេលាម៉ោង៧និង៣០នាទីយប់ ថ្ងៃទី២២ ខែឧសភា ឆ្នាំ២០១៧ទុលមុខនឹងសាលាអន្តរជាតិម៉ូឌែន ផ្លូវ២០៥កែងនិងផ្លូវ៣៥៦ សង្កាត់ទួលស្វាយព្រៃ២ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តម៉ាកកាមរីឆ្លាម ពណ៌ទឹកប្រាក់ ពាក់ស្លាកលេខ ភ្នំពេញ2w-2339 បានបើកមកចតស្ងៀមតាមផ្លូវ២០៥ក្នុងទិសដៅពីលិចទៅកើត ខណៈនោះក៏ស្រាប់តែមានបុរសវ័យ៣០ឆ្នាំ បានបើករថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2T-4190 បានធ្វើដំណើរក្នុងទិសដៅស្របគ្នា ខណៈមកដល់ចំណុចកើតហេតុអ្នកបើកបររថយន្តបានគេចពីរ៉ឺម៉កម៉ូតូមួយគ្រឿងដែលជិះបញ្ច្រាសទិសគ្នាក៏រេចង្កូតជ្រុលទៅកៀរនឹងរថយន្តម៉ាកកាមរីឆ្លាមដែលចតស្ងៀមបណ្ដាលឲ្យរថយន្តទាំងពីរគ្រឿងកៀបជាប់គ្នា និងធ្វើឱ្យរថយន្តកាមរីឆ្លាមរងកាខូចខាតថ្នាំថ្ពាល់មុខចំហៀងខាងឆ្វេង និងបែកកញ្ចក់មើលក្រោយបន្តិច ។ រីឯរថយន្តបង្កសាំយ៉ុងវិញរងកាខូចខាតថ្នាំថ្ពាល់មុខចំហៀងស្តាំបន្តិចដូចគ្នាតែមិនគ្រោះថ្នាក់ដល់អ្នកជិះក្នុងរថយន្តនោះទេ ។
ភ្លាមៗនោះដែរខាងរថយន្តរងគ្រោះបានចេញមកនិយាយ និងធ្វើការចរចារគ្នាដោយខាងរថយន្តកាមរីឆ្លាមទារសំណង២០០ដុល្លារតែពេលនោះខាងរថយន្តបង្កសាំងយ៉ុងសុំសងត្រឹម១០០ដុល្លារពេលនោះខាងរថយន្តកាមរីឆ្លាមមិនយល់ព្រមនោះទេ ។ លុះបន្តិចក្រោយសមត្ថកិច្ចមូលដ្ឋានបានចុះទៅដល់កន្លែងកើតហេតុរួចហើយបានឱ្យភាគីទាំងសងខាងធ្វើការចរចារគ្នាម្ដងទៀតដោយខាងរថយន្តកាមរីឆ្លាមបានចុះមកនៅ១៥០ដុល្លារខាងរថយន្ត បង្កសាំយ៉ុងបានសុំសង១២០ដុល្លារដើម្បីបញ្ចប់រឿងនៅកន្លែងកើតហេតុ ៕
ចែករំលែកព័តមាននេះ