តាមប្រភពព័ត៌មាន Metro បានឲ្យដឹងថា ការលេបថ្នាំបំបាត់ការឈឺចាប់ ដូចជាពួក Ibuprofen ត្រឹមតែមួយសប្តាហ៍ អាចបង្កើនការប្រឈមទៅនឹងការគាំងបេះដូងដល់ទៅ៥០ភាគរយ។ នេះគឺជា
តាមប្រភពព័ត៌មាន Metro បានឲ្យដឹងថា ការលេបថ្នាំបំបាត់ការឈឺចាប់ ដូចជាពួក Ibuprofen ត្រឹមតែមួយសប្តាហ៍ អាចបង្កើនការប្រឈមទៅនឹងការគាំងបេះដូងដល់ទៅ៥០ភាគរយ។ នេះគឺជាការរកឃើញរបស់អ្នកស្រាវជ្រាវ។
ក្រុមអ្នកស្រាវជ្រាវបានមានប្រសាសន៍ថា ផលប៉ះពាល់ និងផលប្រយោជន៍របស់ថ្នាំមួយចំនួនដូចជា Ibuprofen, Diclofenac, Celecoxib និង Naproxen គួរតែត្រូវបានគ្រូពេទ្យលៃលកប្រើប្រាស់ឲ្យបានប្រុងប្រយ័ត្ន។
អ្នកដែលប្រើប្រាស់ថ្នាំប្រភេទខាងលើដែលជាថ្នាំបំបាត់ការឈឺចាប់ប្រភេទ NSAIDs អាចនឹងបង្កើនការប្រឈមនឹងជំងឺគាំងបេះដូង សូម្បីតែទើបនឹងប្រើប្រាស់នៅសបា្តហ៍ទីមួយក៏ដោយ។ ជាពិសេសគឺការប្រើប្រាស់កម្រិតដូសថ្នាំខ្ពស់នៅខែដំបូង។
អ្នកស្រាវជ្រាវបានវិភាគទៅលើមនុស្សដែលគេយកមកសិក្សាចំនួន៤៤៦.០០០នាក់ មកពីប្រទេសកាណាដា ហ្វាំងឡង់ និង អង់គ្លេស ហើយឃើញថា មាន៦១.៤៦០នាក់ រងគ្រោះដោយសារជំងឺគាំងបេះដូង។
និយាយរួមទៅគឺការប្រឈមនឹងជំងឺគាំងបេះដូងអាចកើនឡើងពី២០%ទៅ៥០% ចំពោះអ្នកប្រើប្រាស់ថ្នាំបំបាត់ការឈឺចាប់ ធៀបទៅនឹងអ្នកមិនបានប្រើ។
ខាងសាកលវិទ្យាល័យ Montreal បានប្រាប់ថា ការសិក្សានេះអាចទាញជាសេចក្តីសន្និដ្ឋានបានថា មានប្រូបាប៩០%ហើយដែលការប្រើប្រាស់ថ្នាំបំបាត់ការឈឺចាប់មានការទាក់ទងទៅនឹងការប្រឈមជំងឺគាំងបេះដូង៕
ចែករំលែកព័តមាននេះ