ស្រៀវណាស់លោកអើយ ! ដាច់ជើងឆៅៗតែម្ដង
ខេត្តកំពង់ស្ពឺ ៖ វេលាម៉ោង១៥និង៤៩នាទីថ្ងៃទី២២ ខែឧសភា ឆ្នាំ២០១៧ លើផ្លូវលេខ៤៤ គីឡូម៉ែត្រលេខ ១២-១៣ ត្រង់ចំណុចភូមិអូរគគីរ ឃុំតាំងក្រូច ស្រុកសំរោងទង ខេត្តកំពង់ស្ពឺ មានរថយន្តមួយគ្រឿងម៉ាកកាមរីឆ្លាម ពណ៍ខ្មៅ ពាក់ផ្លាកលេខ ភ្នំពេញ ២F-១០៧៧ អ្នកបើកបរមិនស្គាល់ឈ្មោះ(ចុះរត់បាត់) បើកបរពីលិចទៅកើត លុះមកដល់ចំណុចខាងលើបានបុកគោយន្តពីក្រោយ ម៉ាកគូបូតា ពណ៍ក្រហម មានសណ្តោងរ៉ឺម៉ក អ្នកបើកបរឈ្មោះ ស៊ុំ ថា ភេទប្រុស អាយុ៣៥ឆ្នាំ រស់នៅភូមិតាសាល ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ដែលកំពុងបើកបរស្របទិសគ្នា បណ្តាលឲ្យអ្នកបើកគោយន្តរងរបួសធ្ងន់ បានបញ្ជូនទៅពេទ្យសម្ភពសុខណា កំពង់ស្ពឺ ។ រថយន្ត និងគោយន្តទាំងពីរគ្រឿងត្រូវបានរក្សាទុកនៅអធិការដ្ឋាននគរបាលស្រុកសំរោងទង ។
ចែករំលែកព័តមាននេះ