អារម្មណ៍ពិតនាយហុងដា ក្រោយសម្តែងជាមួយអតីតប្រពន្ធ «ឃ្មឹប»
រាជធានីភ្នំពេញ ៖ តារាកំប្លែងនាយហុងដា បានប្រកាសជំហរ មិនភ្ជាប់ចំណងស្នេហ៍វិញទេ ជាមួយនាងឃ្មឹប ជាអតីតភរិយារបស់លោក បើទោះបីជាបានសម្តែងកំប្លែងរួមក្រុមជាថ្មីវិញ ក៏ដោយ ។
រាជធានីភ្នំពេញ ៖ តារាកំប្លែងនាយហុងដា បានប្រកាសជំហរ មិនភ្ជាប់ចំណងស្នេហ៍វិញទេ ជាមួយនាងឃ្មឹប ជាអតីតភរិយារបស់លោក បើទោះបីជាបានសម្តែងកំប្លែងរួមក្រុមជាថ្មីវិញ ក៏ដោយ ។
រាជធានីភ្នំពេញ ៖ តារាកំប្លែងនាយហុងដា បានប្រកាសជំហរ មិនភ្ជាប់ចំណងស្នេហ៍វិញទេ ជាមួយនាងឃ្មឹប ជាអតីតភរិយារបស់លោក បើទោះបីជាបានសម្តែងកំប្លែងរួមក្រុមជាថ្មីវិញ ក៏ដោយ ។
ការប្រកាសរបស់នាយហុងដា នេះបន្ទាប់ពីអ្នកទាំងពីរចាប់ដៃគូសម្តែងរួមគ្នាជាថ្មីនៅលើឆាកតន្ត្រីរបស់ស្ថានីយទូរទស្សន៍ស៊ីធីអិន កាលពីពេលថ្មីៗកន្លងទៅ ។ ចំណុចនេះធ្វើឲ្យមហាជនមួយចំនួនវិភាគ និងសន្និដ្ឋានថា អ្នកទាំងពីរអាចនឹងទទួលគ្នាជាប្តីប្រពន្ធវិញ ។ នាយហុងដា បានបដិសេធថា នាយ និងនាង ឃ្មឹប មិនអាចចាប់ផ្តើមស្នេហ៍ជាថ្មីឡើងវិញទេ ព្រោះ អ្វីៗវាបានកន្លងផុត និងហួសនិស្ស័យជាប្តីប្រពន្ធនឹងគ្នាទៀតហើយ ។
នាយហុង ដា បញ្ជាក់ថា «ពេលគេឃើញយើងសម្តែងរួមគ្នាជាថ្មីនេះប្រាកដណាស់នឹងមានអ្នកយល់ច្រឡំ ខណៈពេលដែលខ្ញុំ និងនាងឃ្មឹប គឺមិនអាចដូចដើមឡើយ ប៉ុន្តែបំណាច់នឹងរាប់អានគ្នាហើយនោះ យើងមិនត្រូវស្អប់គ្នានោះទេ ។ តាមពិតទៅកន្លងមកខ្ញុំក៏ធ្លាប់ហៅនាងឃ្មឹប មកសម្តែងរួមក្រុមផងដែរកាលពីពេលខ្ញុំសម្តែងនៅស្ថានីយទូរទស្សន៍ប៉ុស្តិ៍លេខ៣ ដោយសារតែខ្ញុំអាណិតចង់ជួយរូបនាងដើម្បីបានលុយមកចិញ្ចឹមកូនផង ។
ដោយឡែកការសម្តែងរួមក្រុមនាពេលនេះក៏មិនមែនជារឿងអ្វីដែលចម្លែកដែរ គឺដោយសារតែយើងបានរាប់អានគ្នា ហើយនាងឃ្មឹប មានជីវភាពក្រខ្សត់ផងនោះ ទើបយើងមិនជួយមិនបាន ។ មុននឹងអនុញ្ញាតឲ្យនាងឃ្មឹប ចូលរួមសម្តែងក្នុងក្រុមជាថ្មីឡើងវិញនេះដែរ រូបខ្ញុំក៏បានពិភាក្សាជាមួយមេក្រុមគឺនាយកុយផងដែរ ក្នុងនោះនាយកុយ ក៏បានសម្តែងការអាណិតអាសូរនៅពេលដែលនាង ឃ្មឹប បានសុំរូបលោកសម្តែងជាថ្មី» ។
បើតាមនាយហុងដា ក្នុងនាមជាកូនក្រុមម្នាក់ នាយមិនអាចអារកាត់រឿងនេះជាមួយនាយ កុយ ដែលជាមេក្រុមឡើយ ព្រោះ អ្វីៗសម្រេចលើមេក្រុម ។ នាយកុយ មើលឃើញពីជីវភាពក្រខ្សត់របស់នាងឃ្មឹប ក៏អាណិតឲ្យនាងចូលរួមសម្តែងវិញ ដើម្បីបានកម្រៃដោះស្រាយបញ្ហាខ្វះខាតចំពោះមុខ ។
នាយហុងដា មិនមានចិត្តទោមទស្សអ្វីជាមួយនាងឃ្មឹប ដែលចូលរួមសម្តែងជាមួយគ្នានេះវិញទេ ព្រោះលោកយល់ថា នេះជាការជួយគ្នាទៅវិញទៅមកក្នុងនាមជាអ្នករាប់អានគ្នា និងជាអ្នកសិល្បៈដូចគ្នា ប៉ុន្តែបើនិយាយពីការត្រូវរ៉ូវជាប្តីប្រពន្ធឡើងវិញនោះ គឺមិនអាចទៅរួចឡើយ ទោះក្នុងកាលៈទេសៈណាក៏ដោយ ។ នាយហុងដា ឆ្លៀតថ្លែងអំណរគុណដល់សប្បុរសជនទាំងអស់ ទាំងក្នុងប្រទេស និងក្រៅប្រទេស ជាពិសេសអ្នកសិល្បៈដូចគ្នាដែលជួយឧបត្ថម្ភគាំទ្រដល់រូបនាយ ក្នុងពេលដែលភរិយារបស់នាយស្លាប់ ៕
ចែករំលែកព័តមាននេះ