វេបសាយ«News.au»កាលពីពេលថ្មីៗកន្លងមកផ្សាយថា នាង Gwyneth Montenegro ជនជាតិអូស្ត្រាលី អាយុ៣៩ឆ្នាំ បានបង្ហាញប្រវត្តិរបស់ខ្លួនដែលឆ្លងកាត់អាជីពជាស្រីពេស្យាអស់រយៈពេល១២ឆ្នាំ បានរួមរ័កជាមួយបុរសជាង១០.០០០នាក់ ។ នាងមានក្តីរីករាយដែលបានបង្ហាញអាថ៌កំបាំងនេះ ។
បច្ចុប្បន្ននាង Gwyneth Montenegro ជាគ្រូហ្វឹកហ្វាត់អប់រំពីការអភិវឌ្ឍសក្តានុពលរបស់ខ្លួនដោយការបញ្ជាផ្លូវចិត្ត (NLP) ពិសេសបង្រៀននារីឱ្យយល់ចិត្តបុរស និងអភិវឌ្ឍការមានសម្ព័ន្ធភាពជាមួយគ្នាកាន់តែល្អប្រសើរឡើង ។ នាងបានបង្ហើបប្រវត្តិរបស់ខ្លួនឱ្យដឹងថា កាលពីអតីតកាលនាងចាប់ផ្តើមអាជីពជាស្រីពេស្យាក្នុងពេលមានអាយុ១៨ឆ្នាំ ។ ពីដំបូងនាងចូលក្លឹបកម្សាន្តមួយផឹកស្រារហូតស្រវឹង និងត្រូវបុរសប្រហែល៦ទៅ៨នាក់ចាប់រំលោភ ។ នាងចាំហេតុការណ៍នោះមិនច្បាស់ទេ ដោយសារតែស្រវឹងជោកជាំ ។ ពេលនោះហើយគឺជាចំណុចនៃការផ្លាស់ប្តូរខ្សែជីវិត ដោយគិតថា ជីវិតរបស់ខ្លួនគ្មានតម្លៃ ទើបធើ្វឱ្យកើតមានអាការស្មុគស្មាញ និងប្រតិបត្តិអាជីពជាអ្នករាំស្រាតនៅអាយុ១៩ឆ្នាំ ។
នៅពេលប្រកបអាជីពជាអ្នករាំស្រាតបនាងបានប្រែក្លាយទៅរកអាជីពជាស្រីពេស្យា ដោយទទួលបានប្រាក់ល្អច្រើនជាង គឺប្រហែលពី៥០០ទៅ១.០០០ដុល្លារអូស្ត្រាលី ក្នុងមួយម៉ោង ឬប្រហែលពី៣៦៥ដល់៧៣០ដុល្លារក្នុងមួយម៉ោងដោយអាស្រ័យលើតម្រូវការរបស់អតិថិជន ។ ដោយសារតែរកប្រាក់បានច្រើន ទើបធ្វើឱ្យនាងចាប់អាជីពជាស្រីពេស្យាអស់រយៈពេល១២ឆ្នាំ ហើយមានបុរសជាង១០.០០០នាក់ បានរួមរ័កជាមួយនាង ។
បុរសភាគច្រើន ទោះបីជារួមរ័កជាមួយនាង Gwyneth ក្នុងនាមជាស្រីពេស្យាក្តី តែពួកគេចង់បានការលួងលោម និងបបោសអង្អែលផងដែរ ។
បច្ចុប្បន្ននាង Gwyneth បោះបង់អាជីពជាស្រីពេស្យា ហើយៗកំពុងចាប់ផ្តើមខ្សែជីវិតថ្មី ៕
ចែករំលែកព័តមាននេះ