ម្រេចខ្មៅមានការពេញនិយមក្នុងការប្រើប្រាស់ជាគ្រឿងបន្ថែមរសជាតិនៅជុំវិញពិភពលោក ជាពិសេសនៅប្រទេសលោកខាងលិច។ វាមានសារធាតុប្រឆាំងអុកស៊ីតកម្ម អង់ស៊ីម ជាតិប្រូតេអីុន និងវីតាមីនជាច្រើនដែលផ្តល់ផលប្រយោជន៍ដល់រាងកាយរបស់មនុស្ស ។ ទោះយ៉ាងណាក្តី បើអ្នកបរិភោគម្រេចក្នុងបរិមាណច្រើនពេក វានឹងមានផលប៉ះពាល់ធ្ងន់ជាច្រើនដល់សុខភាពរបស់អ្នក។
សូមអានអត្ថបទខាងក្រោមនេះដើម្បីដឹងពីផលប៉ះពាល់នៃការបរិភោគម្រេចខ្មៅច្រើនពេក ៖
១-បញ្ហាក្រពះពោះវៀន
ផលប៉ះពាល់អវិជ្ជមាននៃការទទួលទានម្រេចខ្មៅច្រើនពេកអាចនាំឱ្យមានបញ្ហាក្រពះពោះវៀន និងធ្វើឲ្យឈឺក្រពះបាន ។
២-បញ្ហាផ្លូវដង្ហើម
ការទទួលទានម្រេចខ្មៅលើសកំណត់អាចបង្កឱ្យមានបញ្ហាផ្លូវដង្ហើម។ ម្រេចខ្មៅមានការទាក់ទងយ៉ាងខ្លាំងជាមួយនឹងបញ្ហាក្នុងការដកដង្ហើម និងការទទួលទានគ្រឿងទេសនេះច្រើនពេកអាចនាំឱ្យរលាកបំពង់ក បញ្ហាជំងឺហឺត និងបញ្ហាផ្លូវដង្ហើមផ្សេងទៀត។
៣-ស្បែកស្ងួត
យោងតាមការសិក្សាថ្មីបានបង្ហាញថាការទទួលទានម្រេចខ្មៅច្រើនពេកអាចនាំឱ្យស្បែករបស់អ្នកស្ងួត និងបែកស្រកា ។ ប្រសិនបើអ្នកមានស្បែកស្ងួត អ្នកគួរចៀសវាងការទទួលទានម្រេចខ្មៅក្នុងបរិមាណមួយខ្ពស់ ។ វាថែមទាំងអាចធ្វើឲ្យបញ្ហាស្បែកស្ងួតរបស់អ្នកមានសភាពកាន់តែអាក្រក់ដោយធ្វើឲ្យស្បែករមាស់ និងធ្វើឲ្យស្បែកងាយប្រតិកម្ម ។
៤-បង្កឲ្យមានការលំបាកក្នុងពេលមានផ្ទៃពោះ
រាងកាយរបស់អ្នកនឹងងាយប្រតិកម្មនឹងគ្រឿងទេសនៅពេលដែលអ្នកមានផ្ទៃពោះ។ ស្ត្រីមានផ្ទៃពោះគួរចៀសវាងការទទួលទានម្រេចខ្មៅ ដោយសារវាអាចនាំឱ្យអ្នកមានអារម្មណ៍ពិបាកក្នុងខ្លួនអំឡុងប៉ុន្មានខែដំបូងនៃការមានផ្ទៃពោះ។ ប្រសិនបើអ្នកឃ្លានអាហារដែលមានរសជាតិក្តៅ និងហឹរ អ្នកអាចបន្ថែមម្រេចខ្មៅក្នុងបរិមាណអប្បបរមា និងចៀសវាងការទទួលទានវាញឹកញាប់។ ការទទួលទានម្រេចខ្មៅក្នុងបរិមាណច្រើនពេកអាចបង្កើនឱកាសនៃការរលូតកូន។
៥-ចៀសវាងទទួលទានម្រេចខ្មៅពេលបំបៅដោះកូន
ស្ត្រីមានផ្ទៃពោះគួរចៀសវាងការទទួលទានម្រេចខ្មៅ ជាពិសេសស្ត្រីបំបៅដោះកូន ។ ការទទួលទានម្រេចខ្មៅអាចបញ្ជូនរសជាតិក្តៅ និងហឹរទៅទឹកដោះរបស់អ្នក ហើយធ្វើឲ្យមានការផ្លាស់ប្តូររសជាតិនៃទឹកដោះ និងបង្កឱ្យមានបញ្ហារំលាយអាហារចំពោះទារក ៕
ចែករំលែកព័តមាននេះ