សម្ដេចតេជោ ហ៊ុន សែន នឹងជួបសំណេះសំណាលជាមួយអ្នកសារព័ត៌មាន នៅថ្ងៃទី១៤ មករា ២០២៣
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញជួបសំណេះសំណាលជាមួយអ្នកសារព័ត៌មានដោយផ្ទាល់ នៅថ្ងៃទី១៤ ខែមករា ឆ្នាំ២០២៣…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញជួបសំណេះសំណាលជាមួយអ្នកសារព័ត៌មានដោយផ្ទាល់ នៅថ្ងៃទី១៤ ខែមករា ឆ្នាំ២០២៣ ខាងមុខនេះបើតាមសេចក្តីជូនដំណឹងរបស់ក្រសួងព័ត៌មាន ។
រាជរដ្ឋាភិបាល បានឯកភាពឲ្យក្រសួងព័ត៌មាន រៀបចំពិធីជួបជុំរវាងសម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា ជាមួយអ្នកសារព័ត៌មានដោយផ្ទាល់ លើកទី៥ នាថ្ងៃទី១៤ ខែមករា ឆ្នាំ២០២២ ខាងមុខ នៅមជ្ឈមណ្ឌលសន្និបាត និងពិព័រណ៌កោះពេជ្រ ។
យោងតាមសេចក្ដីជូនដំណឹងរបស់ក្រសួងព័ត៌មាន នាថ្ងៃទី២៩ ខែវិច្ឆិកា ឆ្នាំ២០២២ បានបញ្ជាក់ថា «ក្រសួង សូមជូនដំណឹងដល់ អង្គភាពប្រព័ន្ធផ្សព្វផ្សាយ ដែលបានចុះបញ្ជីទាំងអស់ មានបំណងចូលរួមពិធីខាងលើ សូមចាត់តាំងតំណាង ១រូប ដើម្បីទំនាក់ទំនងជាមួយមន្ដ្រីទទួលបន្ទុកតាមផ្នែក អំពីការចុះឈ្មោះចូលរួមពិធីខាងលើ» ។
សូមជម្រាបថា ដោយសារជំងឺកូវីដ-១៩ វាយលុកនៅក្នុងប្រទេសកម្ពុជា ប៉ុន្មានឆ្នាំមកនេះ កម្មវិធីជំនួបរវាងប្រមុខរាជរដ្ឋាភិបាល ជាមួយអ្នកសារព័ត៌មាន ត្រូវបានខកខាន ៕
ចែករំលែកព័តមាននេះ