រាជធានីភ្នំពេញ៖ យុវជនម្នាក់បានរងរបួសបាក់ភ្លៅនិងម្នាក់ទៀតបែកមុខបែកមាត់ ក្នុងគ្រោះថ្នាក់ជិះម៉ូតូជ្រុលទៅបុករថយន្តហាយឡែនឌ័រដែបត់ពីមុខទាំងប្រថុចញ៉ុច កាលពីវេលាម៉ោង១១និង៣០នាទីយប់ថ្ងៃទី២១ ខែឧសភា នៅកែងមហាវិថីព្រះសីហនុនិងផ្លូវលេខ៦៣ចំណុចស្តុបត្រសក់ផ្អែម ស្ថិតក្នុងសង្កាត់បឹងកេងកងទី១ ខណ្ឌចំការមន។
យុវជនទាំង២នាក់ជិះម៉ូតូស៊ុយហ្ស៊ុយគីណិច ពណ៌ស ពាក់ផ្លាកលេខ ភ្នំពេញ ១BJ-៩២៧៤ បើកបរតាមមហាវិថីព្រះសីហនុពីកើតទៅលិច លុះទៅដល់ចំណុចខាងលើក៏ស្រាប់តែបុកជាមួយរថយន្តតែម្តង ។ រថយន្តហាយឡែនឌ័រនេះ ពណ៌ស ពាក់ផ្លាលលេខ ភ្នំពេញ២Y-៩៣៩៥ ក្រោយកើតហេតុបានបន្ថែមល្បឿនរត់គេចបាត់ស្រមោល ។
យុវជនរងគ្រោះទាំង២នាក់ ត្រូវបានដឹកយកទៅព្យាបាលនៅគ្លីនិកហុងហាក់ ចំណែកម៉ូតូ សមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌចំការមន ៕
ចែករំលែកព័តមាននេះ