តារាសម្ដែងស្រីឆ្នើមសាច់.សខ្ចី រាងខ្ពស់ស្ដើង កញ្ញា Matt Peranee គឺជាតារាសម្តែង និងជាតារាម៉ូដែលជនជាតិន័រវេសមួយរូប ដែលមានសម្រស់ស្រស់ស្អាត ធ្វើឱ្យអ្នកគាំទ្រជាច្រើនតែងតែលើកសរសើរអំពីដងខ្លួនដ៏ស្រឡូនរបស់នាងមិនដែល
ប្រទេសថៃ ៖ តារាសម្ដែងស្រីឆ្នើមសាច់.សខ្ចី រាងខ្ពស់ស្ដើង កញ្ញា Matt Peranee គឺជាតារាសម្តែង និងជាតារាម៉ូដែលជនជាតិន័រវេសមួយរូប ដែលមានសម្រស់ស្រស់ស្អាត ធ្វើឱ្យអ្នកគាំទ្រជាច្រើនតែងតែលើកសរសើរអំពីដងខ្លួនដ៏ស្រឡូនរបស់នាងមិនដែលដាច់នោះទេ។
មិនត្រឹមតែប៉ុណ្ណោះ បច្ចុប្បន្ននេះ តារាស្រីស្រស់សោភារូបនេះ ក៏មានគូស្នេហ៍ផងដែរ នោះគឺលោក Songkarn Taechanarong ដែលគ្រប់គ្នាស្គាល់យ៉ាងច្បាស់ថា ជាគូស្នេហ៍មួយគូដែលមហាជនតែងតែចាប់អារម្មណ៍ជាខ្លាំង បន្ទាប់ពីអ្នកទាំងពីរសម្រេចចិត្តចាប់ដៃគ្នាជាសង្សារនេះរួចមក ហើយគេតែងតែសង្កេតឃើញថា តារាស្រីមានឈ្មោះបោះសំឡេង Matt និងលោកSongkarn ដែលមានឈ្មោះជាសេដ្ឋីហាយសូររូបនេះ តែងតែរងការរិះគន់ពីសំណាក់មហាជនជាច្រើនលើកជាច្រើនសាររាប់ភ្លេច បើទោះបីជាមានរឿងបែបនេះយ៉ាងណាក្ដី ក៏ស្នេហ៍របស់អ្នកទាំងពីរនៅតែផ្អែមល្ហែមដដែល អោយតែទំនេរពីការងារគឺពួកគេតែងតែទៅញាំអីជាប្រចាំ ហើយជារឿយៗមហាជនបានឃើញពីភាពស្និទ្ធស្នាលរបស់អ្នកទាំងពីរលើបណ្ដាញសង្គម IGនិងហ្វេសប៊ុក រហូតដល់ថ្នាក់ធ្វើអោយហ្វេនៗលួចច្រណែនជាមួយនឹងអ្នកទាំងពីរជាខ្លាំង ។
ជាក់ស្ដែង អ្វីដែលធ្វើអោយមហាជន ក៏ដូចជាអ្នកគាំទ្រនៅប្រទេសថៃមិនតិចនាក់នោះទេ ហាក់មានការភ្ញាក់ផ្អើល និងមានការសង្ស័យគ្រប់ៗគ្នា ស្រាប់តែថ្មីៗនេះគេប្រទេះឃើញតារាស្រី Matt បានចេញមុខមកបង្ហោះរូបភាពអាហារមួយចំនួនប្លែកៗនៅក្នុងគណនី IG ផ្ទាល់ខ្លួន ដោយភ្ជាប់ជាមួយនឹង Caption ប៉ុន្មានម៉ាត់ ប្រហែលជាពាក់ព័ន្ធនឹងទំនាក់ទំនងរវាងរបស់តារាស្រីរូបនេះ និងគូស្នេហ៍ហើយមើលទៅ ដូចជាកំពុងតែមានរកាំរកូសរហូតឈានដល់ការរង្គោះរង្គើចែកផ្លូវគ្នាដើរផ្លូវរៀងៗខ្លួនអញ្ជឹង ដោយសារនៅក្នុងខ្លឹមសារនោះ នាងបាននិយាយថា «មិនមែនមនុស្សស្អាតត្រូវញ៉ាំម្នាក់ឯង» រួចមកនាងក៏បានបង្ហោះឃ្លីបខ្លីមួយ ដែលនាងមើលការខុសត្រូវលើការងារជួសជុលបំពង់ទឹកដោយខ្លួនឯង រួមជាមួយនឹងសារនោះថា «មនុស្សមិនស្អាត ត្រូវមើលថែការងារខ្លួនឯងហត់បន្តិច»។
បន្ទាប់ពីបានលឺព័ត៌មាននេះរួចមក នៅមិនសុខក៏មានអ្នកចូលទៅខមិនបញ្ចេញមតិយ៉ាងព្រោងព្រាតថា «រួសរាន់ឡើង វានឹងកន្លងផុតទៅ។ ទោះបីជាមាននរណាម្នាក់ដើរ ប៉ុន្តែខ្ញុំជឿថា Matt នឹងឆ្លងកាត់វាបានយ៉ាងល្អ។ បន្តដំណើរទៅមុខយ៉ាងស្រស់ស្អាត Matt» «ស៊ូៗឡើង កុំពិបាកចិត្តអីអាយដល ត្រូវធ្វើចិត្តរឹងមាំឡើង មិនយូរមិនឆាប់នោះទេ អ្នកនឹងប្រសើរឡើងជាក់ជាមិនខានឡើយ» «ស្នេហាវាតែងតែមានជួប និងមានបែកជារឿងធម្មតានោះទេ ដូច្នេះកុំបាក់ទឹកចិត្តអី» «ខ្ញុំយល់អារម្មណ៍មនុស្សស្រីដូចគ្នា រឹងមាំតែខាងក្រៅទេ តែខាងក្នុងវិញស្ទើរប្រេះហើយ»។
យ៉ាងណាមិញ ចំពោះព័ត៌មានដែលបានចុះផ្សាយពាសពេញបណ្ដាញសង្គមនេះដែរ តាមរយៈផេកដ៏ល្បីរបស់ថៃ ដែលមានឈ្មោះថា «Nien Entertainment» បានប្រាប់ ហើយក៏មិនទាន់ដឹងនៅឡើយទេថា តើតារាស្រីរូបនេះបានបែកបាក់ជាមួយនឹងគូស្នេហ៍ពិតមែន ក៏គ្រាន់តែបង្ហោះនិយាយលេងសើច ឬក៏យ៉ាងណានោះឡើយ? ដូច្នេះយើងមានតែរង់ចាំការបកស្រាយចម្ងល់ ចេញមុខមកបញ្ជាក់អោយគ្រប់គ្នាបានដឹង និងតាមដានបន្តទៀតតែប៉ុណ្ណោះ ទើបអាចដឹងថា តើរឿងនេះនឹងទៅជាយ៉ាងណាអោយពិតប្រាកដរវាងគូស្នេហ៍ទាំង២ដួងខាងលើនេះ?៕
ចែករំលែកព័តមាននេះ