ប្រទេសកូរ៉េខាងត្បូងកាលពីថ្ងៃទី២៧ មីនា បានបញ្ជូនជនជាតិកូរ៉េខាងជើង២៧នាក់ ទៅស្រុកវិញ ។ ពួកអ្នកទាំងនេះដែលជិះលើនាវាមួយគ្រឿងបានវង្វេងផ្លូវចូលក្នុងដែនទឹកកូរ៉េខាងត្បូងកាលពីខែកុម្ភៈកន្លងមកនេះ ។
យោងតាមក្រសួងបង្រួបបង្រួមកូរ៉េខាងត្បូងថា ពលរដ្ឋកូរ៉េខាងជើងទាំង២៧នាក់ក្នុងចំណោមពលរដ្ឋកូរ៉េខាងជើងទាំង៣១នាក់ជិះក្នុងនាវានេសាទធ្វើពីឈើនោះត្រូវបានប្រគល់ឱ្យអាជ្ញាធរកូរ៉េខាងជើងនៅភាគខាងជើងនៃព្រំដែនទឹកខាងលិចដែលមានភាពចំរូងចំរាស់នាវេលាម៉ោង១២ និង៥៥នាទីម៉ោងក្នុងស្រុក ។
ពលរដ្ឋកូរ៉េខាងជើង៤នាក់ទៀតដែលតាមអាជ្ញាធរកូរ៉េខាងត្បូងថា បានសម្តែងពីបំណងចង់រស់នៅក្នុងប្រទេសកូរ៉េខាងត្បូងពុំត្រូវធ្វើមាតុភូមិនិវត្តន៍ឡើយ ៕
ចែករំលែកព័តមាននេះ