សង្ស័យបែកថ្នាំជិះម៉ូតូបុកវិមានឯករាជ្យទាំងកណ្តាលថ្ងៃ
រាជធានីភ្នំពេញ ៖ បុរសម្នាក់បានជិះម៉ូតូម៉ាក ZOOMER-X មួយគ្រឿងបោះពួយយ៉ាងលឿនទៅបុកខឿនវិមានឯករាជ្យទាំងកណ្តាលថ្ងៃ
រាជធានីភ្នំពេញ ៖ បុរសម្នាក់បានជិះម៉ូតូម៉ាក ZOOMER-X មួយគ្រឿងបោះពួយយ៉ាងលឿនទៅបុកខឿនវិមានឯករាជ្យទាំងកណ្តាលថ្ងៃ
រាជធានីភ្នំពេញ ៖ បុរសម្នាក់បានជិះម៉ូតូម៉ាក ZOOMER-X មួយគ្រឿងបោះពួយយ៉ាងលឿនទៅបុកខឿនវិមានឯករាជ្យទាំងកណ្តាលថ្ងៃបណ្តាលឱ្យបែកគំរបភ្លើងហ្វាអស់ចំនួន២ ម៉ូតូបែកចង្កៀងខាងមុខរងការខូចខាតតិចតួច និងមនុស្សរងរបួសស្រាល ខណៈលើដៃម្ខាងមានស្នាមអារដៃជាច្រើនកន្លែងផងដែរនោះ ។ ករណីគ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង១និង៣០នាទីរសៀល ថ្ងៃទី២១ ខែឧសភា ឆ្នាំ២០១៧ នៅចំណុចរង្វង់មូលវិមានឯករជ្យ ដែលស្ថិតនៅក្នុងសង្កាត់បឹងកេងកងទី១ ខណ្ឌចំការមន ។
តាមប្រភពព័ត៌មានពីមន្ត្រីនគរបាលចរាចរណ៍ម្នាក់បានប្រាប់ឱ្យដឹងថា មុនពេលកើតហេតុពួកគាត់បានឃើញបុរសម្នាក់អាយុជាង២០ឆ្នាំម្នាក់បានជិះម៉ូតូម៉ាក ZOOMER-X ពណ៌ក្រហម ពាក់ស្លាកលេខ ភ្នំពេញ1FS-9927 មួយគ្រឿងតែម្នាក់ឯងតាមបណ្តោយផ្លូវព្រះនរោត្តមក្នុងទិសដៅពីជើងទៅត្បូងក្នុងល្បឿនយ៉ាងលឿន ។ លុះមកដល់ចំណុចកើតហេតុខាងលើទំនងជាលឿនពេលកាច់ចង្កូតបត់មិនទាន់នោះក៏បានជ្រុលចង្កូតទៅបុកខឿនវិមានឯករាជ្យពេញទំហឹងបណ្តាលឱ្យបែកគំរបភ្លើងហ្វាអស់ចំនួន២ និងដួលបណ្តាលឱ្យម៉ូតូបែកចង្កៀងខាងមុខ និងមនុស្សរងរបួសរលាត់ដៃជើងស្រាល ។ តាមប្រភពដដែលបានប្រាប់បន្តទៀតថា ក្រោយពេលកើតហេតុកម្លាំងរបស់លោកដែលឈរជើងប្រចាំការនៅគោលដៅខាងលើបាននាំគ្នាទៅធ្វើការវាស់វែង និងអូសម៉ូតូទៅដាក់លើចិញ្ចើមផ្លូវ ហើយធ្វើការសួរនាំបុរសអ្នកបើកបរខាងលើបែជារូបគេនិយាយបែបរវើរវាយ និងមិនដឹងអ្វីឡើយគឺមានអាការៈបែកថ្នាំយ៉ាងខ្លាំងផងដែរ ។
បុរសអ្នកបើកបរម៉ូតូរូបនោះបាននិយាយទាំងរវើរវាយថា រូបគេមានឈ្មោះ ឌីន ម៉ាន់ឌូ អាយុ២៣ឆ្នាំ មានទីលំនៅម្តុំភ្នំពេញថ្មី ក្នុងសង្កាត់សែនសុខ ហើយមូលហេតុដែលធ្វើឱ្យរូបគេជិះម៉ូតូបុកវិមានឯករាជ្យនេះគឺព្រោះមានមនុស្សពី២ទៅ៣នាក់ជិះម៉ូតូដេញវាយគេទើបបណ្តាលឱ្យកើតរឿងនេះឡើងតែម្តង ។ ក្រោយពេលកើតហេតុ កម្លាំងនគរបាលចរាចរណ៍ដែលឈរជើងនៅគោលដៅខាងលើបានចុះទៅធ្វើការវាស់វែង និងយកម៉ូតូ និងបុរសអ្នកបើកបរម៉ូតូបុកវិមានឯករាជ្យយកទៅកាន់ការិយាល័យចរាណ៍នគរបាលផ្លូវគោករាជធានីភ្នំពេញដើម្បីធ្វើការស្រាវជ្រាវរកក្រុមគ្រួសារមកធ្វើការដោះស្រាយទៅតាមផ្លូវច្បាប់ ៕
ចែករំលែកព័តមាននេះ