រថយន្តក្រឡុកស៊ីម៉ង់ត៍បុកម៉ូតូគៀបជាប់នឹងកង់រថយន្ត
រាជធានីភ្នំពេញ ៖ មានគ្រោះថ្នាក់ចរាចរណ៍រវាងរថយន្តក្រឡុកស៊ីម៉ង់ត៍បុកជាមួយនឹងម៉ូតូ
រាជធានីភ្នំពេញ ៖ មានគ្រោះថ្នាក់ចរាចរណ៍រវាងរថយន្តក្រឡុកស៊ីម៉ង់ត៍បុកជាមួយនឹងម៉ូតូ
រាជធានីភ្នំពេញ ៖ មានគ្រោះថ្នាក់ចរាចរណ៍រវាងរថយន្តក្រឡុកស៊ីម៉ង់ត៍បុកជាមួយនឹងម៉ូតូ កាលពីវេលាម៉ោង៩យប់ ថ្ងៃទី២០ ខែឧសភា ឆ្នាំ២០១៧ នៅចំណុចផ្លូវ១៥៥កែងផ្លូវ៤៨៨ ស្ថិតនៅភូមិ២ សង្កាត់ផ្សារដើមថ្កូវ ខណ្ឌចំការមន ។
ប្រភពព័ត៌មានពីប្រជាពលរដ្ឋដែលឃើញហេតុការណ៍ថា មានបុរសម្នាក់បើកម៉ូតូហុងដាម៉ាកវ៉េវ ពណ៌ក្រហម ពាក់ស្លាកលេខ ភ្នំពេញ1FF-5776 បើកតាមផ្លូវ៤៨៨ ក្នុងទិសដៅពីជើងទៅត្បូងហើយស្រាប់តែគាត់បត់ត្រឡប់ក្រោយពេលកាច់ចង្កូតបានបន្តិចក៏មានរថយន្តពណ៌ស ពាក់ស្លាកលេខ ភ្នំពេញ5A-1563 ប្រភេទក្រឡុកស៊ីម៉ង់ត៍របស់ក្រុមហ៊ុន TPIPLជាន់ហ្វ្រាំងមិនទាន់ជ្រុលទៅបុកកិនម៉ូតូជាប់កង់មុខហើយបណ្ដាលឱ្យរបួសរយះប្រអប់ជើងស្ដាំដល់ឆ្អឹងហូរឈាម ហើយក្រោយមកក៏មានរថយន្តសង្គ្រោះឯកជនមកយកតែបុរសរងគ្រោះមិនព្រមឡើងរថយន្តសង្គ្រោះហើយរត់ចេញពីកន្លែងកើតហេតុសង្ស័យស្រវឹងឬមកពីជួបគ្រោះថ្នាក់វង្វងក៏មិនដឹង ក្រោយមកសមត្ថកិច្ចចុះមកដល់កន្លែងកើតហេតុបានឃាត់អ្នកបើករថយន្តបង្ក និងរត់ដេញតាមជនរងគ្រោះយកមកកន្លែងកើតហេតុ ។
សមត្ថកិច្ចបានឱ្យដឹងថា ជនរងគ្រោះមានឈ្មោះ ពៅ ឃឹម ភេទប្រុស អាយុ២៦ឆ្នាំ មុខរបរបុគ្គលិកក្រុមហ៊ុនទូរស័ព្ទស្នាក់នៅស្រុកល្វាឯម ខេត្តកណ្ដាល ជាអ្នកបើកម៉ូតូហុងដាម៉ាកវ៉េវពណ៌ក្រហម ពាក់ស្លាកលេខ ភ្នំពេញ1FF5676 បើកតាមផ្លូវ៤៨៨ក្នុងទិសដៅពីជើងទៅត្បូងហើយមិនដឹងមូលហេតុអ្វីបុកជាមួយរថយន្តក្រឡុកស៊ីម៉ង់ត៍ដែលបើកបញ្ច្រាសទិសគ្នាបុកម៉ូតូរួចកិនម៉ូតូជាប់កង់មុខរថយន្តបង្កហេតុ និងអ្នកបើកម៉ូតូរងរបួសរយះប្រអប់ជើងខាងស្ដាំធ្ងន់ហើយក្រោយមកក៏ធ្វើការឃាត់ខ្លួនអ្នកបើករថយន្តបង្កហេតុ និងហៅជនរងគ្រោះឱ្យឡើងរថយន្តសង្គ្រោះតែបុរសជនរងគ្រោះឡើងឡានពេទ្យរួចរត់ចុះមកវិញមិនព្រមទៅព្យាបាលក្រោយមកក៏ធ្វើការសម្របសម្រួល និងពន្យល់ណែនាំ រួចមួយសន្ទុះក្រោយមកក៏មានបងប្អូនមកដល់គ្រែគាត់ឡើងរថយន្តសង្គ្រោះមន្ទីរពេទ្យឯកជនតែម្ដង ហើយចំណែករថយន្តបង្កហេតុ និងម៉ូតូរបស់ជនរងគ្រោះរួមនឹងអ្នកបើកបររថយន្តបង្កប្រគល់ឱ្យនគរបាលការិយាល័យចរាចរណ៍ផ្លូវគោកស្នងការរាជធានីភ្នំពេញមកវាស់វែងហើយយករក្សាទុករងចាំខាងតំណាងក្រុមហ៊ុនមកដោះស្រាយ ៕
ចែករំលែកព័តមាននេះ