បើកបរទាំងធ្លាក់ភ្នែកទៅបុកក្បាលរបាំងថ្មដេកផ្ងារពោះ
រាជធានីភ្នំពេញ ៖ បុរសម្នាក់ស្រវឹងស្រាជោកបានបើករថយន្តដូចហោះទៅបុកក្បាលរបាំងថ្មពុះចែកទ្រូងផ្លូវបណ្ដាលឲ្យក្រឡាប់ផ្ងារជើងឡើងលើបង្កការភ្ញាក់ផ្អើល
រាជធានីភ្នំពេញ ៖ បុរសម្នាក់ស្រវឹងស្រាជោកបានបើករថយន្តដូចហោះទៅបុកក្បាលរបាំងថ្មពុះចែកទ្រូងផ្លូវបណ្ដាលឲ្យក្រឡាប់ផ្ងារជើងឡើងលើបង្កការភ្ញាក់ផ្អើលកាលពីវេលាម៉ោង៨និង៣០នាទីយប់ថ្ងៃទី២០ ខែឧសភាស្ថិតនៅតាមបណ្ដោយផ្លូវកម្ពុជាក្រោមមុខហាងលក់សម្លៀកបំពាក់ម៉ូតថ្មីស្ថិតក្នុងសង្កាត់មិត្តភាព ខណ្ឌ៧មករា។ អ្នកបើកបររថយន្តឈ្មោះចាន់ វុទ្ធី ភេទប្រុស អាយុ៤២ឆ្នាំជាមន្ត្រីយោធាមានទីលំនៅផ្ទះលេខ២Bផ្លូវលេខ៧៧ សង្កាត់បឹងទំពុន ខណ្ឌមានជ័យ ។
តាមសាក្សីបាននិយាយថា មុនពេលកើតហេតុគេឃើញរថយន្តមែកសឺដេសពណ៌ខ្មៅមួយគ្រឿងពាក់ស្លាកលេខភ្នំពេញ2L-9773បើកបរដោយបុរសម្នាក់ក្នុងស្ថានភាពស្រវឹងជោកជាំតាមវិថីកម្ពុជាក្រោមទិសដៅពីកើតទៅលិចក្នុងល្បឿនយ៉ាងលឿនរេចង្កូតពេញផ្លូវពេលមកដល់ចំណុចកើតហេតុរថយន្តនោះបានរេចង្កូតទៅបុកក្បាលរបាំងថ្មពុះចែកទ្រូងផ្លូវបណ្តាលឱ្យរថយន្តបង្កក្រឡាប់ផ្ងារពោះ។ ពេលនោះគេឃើញបុរសដែលជាអ្នកបើកបររថយន្តលួនចេញមកក្រៅទាំងខ្លួនទទេស្តូកនិងបែកក្បាលហូរឈាមដើរទប់ខ្លួនស្ទើរមិននឹងនិយាយមិនដឹងទិសតំបន់អ្វីទេ ។
ក្រោយកើតហេតុសមត្ថកិច្ចមូលដ្ឋានបានមកដល់ហើយក៏ទំនាក់ទំនងទៅសមត្ថកិច្ចជំនាញមកយកអ្នកបើកបរនិងរថយន្តទៅការិយាល័យចរាចរណ៍ជើងគោករាជធានីដោះស្រាយតាមផ្លូវច្បាប់ ៕
ចែករំលែកព័តមាននេះ